Kurdî  ■  كوردی  ■  عربي
THU, 25 APR 2024 00:03 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

یەکەمین مانیڤێستی هەڵبژاردن و دەریچەیەک بۆ چارەسەر
| KDP.info


سالار عوسمان 

ئەڵقەی شەشەم 

ڕۆشنبیران چییان کرد و چییان دووریەوە؟ 

لەنێو ئەو هەموو پرس و بابەت و مژارە سیاسییانەدا، کە پەیوەستن بە ژیانی هەمووانەوە، ڕۆشنبیرانی کورد چییان کرد و چییان دووریەوە؟.. پرسیارێکی گرنگە و هەقە دوای سی و سێ ساڵ لە تێپەڕبوونی ڕاپەڕین هەڵوەستەیەک بکەین و بە هێمنی وەڵام بدەینەوە.

بۆ وەڵامی ئەم پرسیارە پێویستمان بە گفتوگۆیەکی هێمن و ئارام هەیە، باشترین گفتوگۆش ئەوەیە، کە دەستپێک ڕۆشنبیران لەنێوخۆیاندا ئەم گفتوگۆیە بکەن، بۆ؟.. چونکە تا ئێستێ ڕۆشنبیران لەنێوخۆیاندا نەیانتوانیوە گفتوگۆیەکی بەرهەمدار بکەن و ئەم بەرهەمدارییە بکەن بە گوشارێکی سپی پێخەمەت ژیانێکی باشتر، کە ئەمەشیان هۆکاری خۆی هەیە، گرینگترینیان تەرەفگیریی ڕۆشنبیرەکانە لە پرس و هەڵوێستە سیاسییەکاندا.

بۆ ئەوەی دەرازینگی گفتوگۆکەمان ڕۆشن بێت، پێویستە پێناسەی ڕۆشنبیر بکەین، باشترین پێناسە، کە بگونجێ لەگەڵ ئەم پرس و بابەتە ئەمەیە: ڕۆشنبیر ئەو بوونەوەرە بیرکەرەوە ناڕازییە پۆزەتیڤەیە، کە لە پێناو چاکەی گشتیدا کار دەکات و دەیەوێ ژیان باشتر بێت.

بۆ ئەوەی زەڵاڵتریش گفتوگۆی یەکتر بکەین، دەبێ جۆرەکانی ڕۆشنبیر دەستنیشان بکەین، کە لێرەدا و بۆ ئەم باسەی ئێمە دەبن بە (دوو)جۆر:

ـ ڕۆشنبیری حزبی، بە گشت جۆرەکانییەوە : (ڕۆشنبیری حزبیی حوکمڕان، ڕۆشنبیری حزبیی ئۆپۆزیسیۆن، ڕۆشنبیری حزبیی ناکارا)

ـ ڕۆشنبیری ناحزبی، بە گشت جۆرەکانییەوە:(ڕۆشنبیری ناحزبیی لایەندار، کە لایەنداریی حزبێکە، ڕۆشنبیری ناحزبیی بێلایەن، کە لایەنداریی هیچ حزبێک ناکات).

دوای ئەم پۆلێنە خێرایە، دەبێ ئەوەش بڵێین، کە ڕۆشنبیر بێلایەن نییە لە هیچ پرسێکی ژیان، کە سیاسەتیش وا لەنێو ژیاندایە. بۆیە ئەم پرسە هەم لق و چڵدارە و، هەمیش پرسێکی ئیشکالییە و دەبێ ناماتماتیکییانە لێی بڕوانین.

ئێمە لێرەدا باس لە سەرجەم جۆرەکانی ڕۆشنبیر دەکەین، باسکردنێک هەم ڕۆڵبین بێت و هەم ڕەخنەگرانە ڕوانگەکانی خۆی مەترەح بکات، واتە بابەتییانە و کۆکەرەوە، چونکە یەکێ لە ئەرکەکانمان ئەوەیە کۆکەرەوە بین نەک پەرتکەر.

پێناسەکە پێمان دەڵێت: ڕۆشنبیر بوونەوەرێکی بیرکەرەوەیە، بە واتایەکی تر وەرگرێکی بێدەسەڵات نییە و بیرکردنەوەکان بە ئامادەکراویی وەرناگرێت، ئەگەر جۆرێک لە بیرکردنەوەی سائید و چەسپاویش هەبێت، هەوڵ دەدات گۆڕانکاریی و زیادکاریی تێدا بکات، واتە بیردەکاتەوە، دەیەوێت وەک خۆی هەبێت و بەشدار بێت لە جۆر و چەشنی بیرکردنەوە و گۆڕانکارییەکاندا.

هەر لە پێناسەکەدا هاتووە، کە ڕۆشنبیر ناڕازییە، واتە دەیەوێت لە ڕێی ناڕەزاییی خۆی تێگەیشتنێکی نوێ پێشکەش بکات، بەڵام بۆ چی و لە پێناو چی و چۆن؟ 

تا ژیان باشتر بکات، تا پۆزەتیڤانە بەشدار بێت و ناڕەزاییەکانی ببن بە پڕۆسە و بنیاتنان، کەواتە ڕۆشنبیر چاکەی گشتی مەتڵەبە، دەیەوێت ژیان باشتر بکات، بۆیە بیردەکاتەوە، بۆیە ناڕازییە، بۆیە پۆزەتیڤە و، هەمیشە وا له نێو ژیاندایە.

ــــــــــــ

ماویەتی




دوایین هەواڵەکان

ھەرێمی کوردستان بەشداری لە دیداری ئەبوزەبی بۆ وەبەرھێنان دەکات

WEDNESDAY, 24 APRIL 2024 19:04:39

ھەولێر -KDP.info- دەستەی گشتی وەبەرھێنان بەشداری لە سێزدەمین دیداری وەبەرھێنان لە ئەبوزەبی دەکات و سەرۆکی دەستەی گشتی وەبەرھێنانیش دەڵێ، ھەرێمی کوردستان بۆ جاری یەکەمە بەشداری لە دیدارەکە دەکات.

 
ئەنجومەنی وەزیران: بەپێی یاسا بەرکارە فیدڕاڵییەکان، بەشی بەغدا لە داهاتی نانەوتی هەرێم دەخرێتە سەر هەژماری وەزارەتی دارایی فیدراڵ

WEDNESDAY, 24 APRIL 2024 19:04:56

ھەولێر-KDP.info-  ئەمڕۆ چوارشەممە 24ی نیسانی 2024، بە سەرپەرشتی سەرۆک وەزیران مەسرور بارزانی، ئەنجومەنی وەزیرانی هەرێمی کوردستان کۆبووەوە.

 
مەحموود محەممەد: وەک پارتی لەگەڵ سیستەمی هەڵبژاردن و ڕێگریی لە بەشداریی پێکهاتەکان، کۆک نەبووین

WEDNESDAY, 24 APRIL 2024 18:04:37

مەحموود محەممەد: وەک پارتی لەگەڵ سیستەمی هەڵبژاردن و ڕێگریی لە بەشداریی پێکهاتەکان، کۆک نەبووین

 
راوێژکارێکی دەستەی ناوچە کوردستانییەکان: ھەڵبژاردنی ئەنجوومەنی پارێزگاکان کاریگەری ھەبووە"

WEDNESDAY, 24 APRIL 2024 17:04:54

ھەولێر-KDP.info- دوای ھەڵبژاردنی ئەنجوومەنی پارێزگاکان کرانەوەیەک ھەیە لەنێوان ھەرێم و بەغدا بۆ چارەسەرکردنی کێشەکانی ناوچە کوردستانییەکانی دەرەوەی ئیدارەی حکوومەتی ھەرێم و دەنگەکانی کورد لە کەرکووک و نەینەوا و خانەقین گۆڕانکاریان پەیداکردوە. 

 
"پێویستە بەغدا پارە بۆ دامەزراندنی سێ یەکەمەکانی زانکۆ و پەیمانگاکانی ھەرێم تەرخان بکات"

WEDNESDAY, 24 APRIL 2024 16:04:24

ھەولێر -KDP.info-  بریکاری وەزارەتی خوێندنی باڵا و توێژینەوەی زانستی حکوومەتی ھەرێمی کوردستان ئاماژەی بۆ ئەوەکرد، پشتگیری مەسروور بارزانی سەرۆکی حکوومەتی ھەرێم دەکەین بۆ راسپاردنی لایەنە پەیوەندیدارەکان بە مەبەستی دامەزراندنی سێ یەکەمەکانی ھەرێم و دەشڵێ، شەش ھەزار  سێ یەکەمی زانکۆ پەیمانگاکان ھەیە دانەمەزراون.

 


 
© 2023 Kurdistan Democratic Party, KDP

Contact