Kurdî  ■  كوردی  ■  عربي
THU, 25 APR 2024 02:12 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

سەفین دزەیی: پەیوەندییەكانمان لەگەڵ ژاپۆن توند و تۆڵ و بەهێزن
| KDP.info


ھەولێر-KDP.info- بەرپرسی فەرمانگەی پەیوەندییەکانی دەرەوەی هەرێمی کوردستان، ئاماژە بەوە دەکات، دەرفەتی وەبەرهێنان لە هەرێمی كوردستان لەبەردەم كۆمپانیا و وەبەرهێنەرە ژاپۆنییەكاندا هەیە و دەرگایان كراوەیە بۆ وەبەرهێنەرە ژاپۆنییەكان. دزەیی گوتیشی: پێكەوە لەگەڵ كۆمەڵگەی نێودەوڵەتی توانیمان داعش لەناوبەرین، بەڵام هێشتا کارەکە تەواو نەبووە و هەڕەشەی داعشیش ماوە.

سەفین دزەیی، بەرپرسی فەرمانگەی پەیوەندییەکانی دەرەوەی حکوومەتی هەرێمی کوردستان، لە بۆنەیەكی تایبەتدا لە هەولێر، بەبۆنەی یادی رۆژی نیشتمانی ژاپۆن لە کۆنفرانسێکی رۆژنامەوانیدا رایگەیاند، پەیوەندییەكانمان لەگەڵ ژاپۆن توند و تۆڵ و بەهێزن لە دوو رۆژی رابردوو كۆبوونەوە و گفتوگۆیەكی باشمان هەبووە لەگەڵ باڵیۆزی ژاپۆن، کە باسمان لە چۆنیەتی بەهێزتركردنی پەیوەندییەكانمان كردووە.

بەرپرسی فەرمانگەی پەیوەندییەکانی دەرەوەی هەرێمی کوردستان، دەڵێت: پێویستمان بە ئاشتی و سەقامگیرییە، بەداخەوە ناوچەكە بەگشتی بە ئاڵۆزییەكدا تێدەپەرێت، هیوادارم ژیری بەسەر هێزی رەش و تیرۆر و تاریكیدا سەركەوێت.

ئاماژەی بەوەدا، پێكەوە لەگەڵ كۆمەڵگەی نێودەوڵەتی توانیمان داعش لەناوبەرین، هێشتاش كارەكە تەواو نەبووە و هەڕەشەی داعش ماوە و پێویست دەكات پێكەوە كاربكەین، بەڵام بە شێوازێكی جیاوازتر بۆ ئەوەی رێگە نەدەین هیچ جۆرە هێزێكی توندرەو و تیرۆر سەرهەڵبداتەوە.

سەفین دزەیی، گوتی: لەڕووی ئابووریشەوە، حكوومەتی هەرێمی كوردستان ئامادەیە و دەرفەتی زۆر باش هەن لە كوردستان بۆ كۆمپانیا ژاپۆنییەكان بۆئەوەی وەبەرهێنان لە هەرێمی كوردستان بكەن.

گوتیشی: ئەمڕۆ لەگەڵ جایكا گفتوگۆیەكی زۆر باشمان هەبوو لەمبارەیەوە، دەرگامان كراوەیە بۆ كۆمپانیا و وەبەرهێنەرانی ژاپۆنی و دەرفەتی زۆر باشیش هەن لە هەرێمی كوردستان.




دوایین هەواڵەکان

وەزارەتی ناوخۆ ئاگادارییەك ئاراستەی ئەو ئەفسەر و كارمەندانە دەكات

THURSDAY, 25 APRIL 2024 00:04:55

ھەولێر-KDP.info- وەزارەتی ناوخۆی حكوومەتی هەرێمی كوردستان ئاگادارییەك ئاراستەی ئەو ئەفسەر و كارمەندانە دەكات كە بی مۆڵەتی خوێندن بڕوانامەیان بەدەست هیناوە و تاوەكوو ئێستا بۆیان هەژمار نەكراوە.

 
ھەرێمی کوردستان بەشداری لە دیداری ئەبوزەبی بۆ وەبەرھێنان دەکات

WEDNESDAY, 24 APRIL 2024 19:04:39

ھەولێر -KDP.info- دەستەی گشتی وەبەرھێنان بەشداری لە سێزدەمین دیداری وەبەرھێنان لە ئەبوزەبی دەکات و سەرۆکی دەستەی گشتی وەبەرھێنانیش دەڵێ، ھەرێمی کوردستان بۆ جاری یەکەمە بەشداری لە دیدارەکە دەکات.

 
ئەنجومەنی وەزیران: بەپێی یاسا بەرکارە فیدڕاڵییەکان، بەشی بەغدا لە داهاتی نانەوتی هەرێم دەخرێتە سەر هەژماری وەزارەتی دارایی فیدراڵ

WEDNESDAY, 24 APRIL 2024 19:04:56

ھەولێر-KDP.info-  ئەمڕۆ چوارشەممە 24ی نیسانی 2024، بە سەرپەرشتی سەرۆک وەزیران مەسرور بارزانی، ئەنجومەنی وەزیرانی هەرێمی کوردستان کۆبووەوە.

 
مەحموود محەممەد: وەک پارتی لەگەڵ سیستەمی هەڵبژاردن و ڕێگریی لە بەشداریی پێکهاتەکان، کۆک نەبووین

WEDNESDAY, 24 APRIL 2024 18:04:37

مەحموود محەممەد: وەک پارتی لەگەڵ سیستەمی هەڵبژاردن و ڕێگریی لە بەشداریی پێکهاتەکان، کۆک نەبووین

 
راوێژکارێکی دەستەی ناوچە کوردستانییەکان: ھەڵبژاردنی ئەنجوومەنی پارێزگاکان کاریگەری ھەبووە"

WEDNESDAY, 24 APRIL 2024 17:04:54

ھەولێر-KDP.info- دوای ھەڵبژاردنی ئەنجوومەنی پارێزگاکان کرانەوەیەک ھەیە لەنێوان ھەرێم و بەغدا بۆ چارەسەرکردنی کێشەکانی ناوچە کوردستانییەکانی دەرەوەی ئیدارەی حکوومەتی ھەرێم و دەنگەکانی کورد لە کەرکووک و نەینەوا و خانەقین گۆڕانکاریان پەیداکردوە. 

 


 
© 2023 Kurdistan Democratic Party, KDP

Contact