Kurdî  ■  كوردی  ■  عربي
WED, 21 FEB 2024 15:25 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

د.محەمەد شوکری: لوتکەی جیھانی دەرفەتێکە بۆ ئەوەی ھانی وەبەرھێنەری بیانی بدەین بێنە ھەرێم
| KDP.info


ھەولێر _KDP.info_ سەرۆکی دەستەی وەبەرھێنان لە ھەرێمی کوردستان گوتی: بەشداریکردنی سەرۆکی حکوومەت و شاندی یاوەری لە لوتکەی جیھانی حکوومەتەکان لە ئیمارات گرنگی زۆری ھەیە بۆ ئەوەی باسی دەرفەتەکانی خۆمان بکەین بۆ ئەوەی وەبەرھێنەری بیانی بێن لە ھەرێمی کوردستان کاری وەبەرھێنان بکەن. 

 سەرۆکی دەستەی وەبەرھێنان لە ھەرێمی کوردستان، د.محەمەد شوکری، بۆ ماڵپەڕی فەرمیی پارتی دیموکراتی کوردستان گوتی: بەشداریکردنی سەرۆکی حکوومەت و شاندی یاوەری لە لووتکەی جیھانی حکوومەتەکان لە ئیمارات زۆر گرنگە، بۆ ئەوەی وەکو ھەرێمی کوردستان بتوانین خۆمان بە جیھان بناسێنین و دەرفەتی زیاتری وەبەرھێنانی بیانی بۆ خۆمان لەو ڕێگەیەوە بڕەخسێنین و ھانی وەبەرھێنەری بیانی بدەین بێن لە ھەرێمی کوردستان وەبەرھێنان ئەنجام بدەن. 

د.محەمەد شوکری گوتیشی: سەرۆکی حکوومەت و شاندی یاوەری سێ ڕۆژ دەمینێنەوە و لە میانەی سەردانەکە بەشداری زۆر تەوەر و پانێلی لووتکەکە دەکەن، ئێمەیش وەکو دەستەی وەبەرھێنان بەشداری لە پانێلێکی تایبەت بە بواری وەبەرھێنان دەکەین و باسی دەرفەتی خۆمان بۆ وەبەرھێنەرانی بیانی دەکەین، چونکە زۆرینەی تەوەرەکانی ئەو لووتکەیە ئابوورین، بۆیە بڕیارە سەرۆکی حکوومەتی ھەرێمی کوردستان چەندین دیدار و کۆبوونەوەی گرنگ لەگەڵ سەرۆک و سەرکردەی وڵاتانی بەشداربوو ئەنجام بدات. 

دەشڵێت: ئەو لووتکەیە زۆر گرنگە زۆرینەی سەرکردە و وەزیر و حکوومەتەکانی جیھان تێیدا بەشدارن، بۆ ئێمەش گرنگە خۆمان بە خەڵک بناسێنین و دەرفەتی بازرگانی و وەبەرھێنان لێرە باس بکرێ، بۆیە ئەوە دەرفەتێکی زۆر گرنگە بۆ ھەرێمی کوردستان لەڕووی ئابووری، چونکە لەو لووتکەیەدا زیاتر باسی پرسی ئابووری دەکرێت. 

ئەمڕۆ ١١ەمین لووتکەی جیھانی حکوومەتەکان لە دوبەی دەستیپێکرد، سەرۆکی حکوومەتی ھەرێمی کوردستان و شاندی یاوەری بەشدارن لەو لووتکەیە کە ماوەی سێ ڕۆژ دەخایەنێت و نزیکەی ٢٥ سەرۆک و پادشا و ئەمیر و سەرۆکی حکوومەت بەشدارن و ٨٥ ڕێکخراوی نێودەوڵەتی و ٣٠٠ وەزیر و ١٢٠ شاندی حکوومیش لەو لووتکە جیھانییەدا ئامادەن 

 

 

بڵند ئیبراھیم




دوایین هەواڵەکان

سەرۆكی هەرێمی كوردستان پەیامێكی بڵاوكردەوە

WEDNESDAY, 21 FEBRUARY 2024 12:02:15

ھەولێر-KDP.info- ئەمڕۆ چوارشەممە، 21-02-2024، لە رۆژی جیهانیی زمانی دایکدا، سەرۆکی هەرێمی کوردستان جه‌خت له‌ پاراستن و پێشخستنی زمانی کوردی و زمانى دایك بۆ هەموو پێكهاتەكان دەکاتەوە. 

 
ئەنجومەنی وەزیران پرسی ئەنجومەنی پارێزگاکانی هەرێم تاوتوێ دەکات

WEDNESDAY, 21 FEBRUARY 2024 10:02:21

ھەولێر-KDP.info- ئەمڕۆ چوارشەممە، ئەنجومەنی وەزیرانی هەرێمی كوردستان، بە سەرپەرشتیی مەسروور بارزانی، سەرۆكی حكوومەتی هەرێمی كوردستان و ئامادەبوونی قوباد تاڵەبانی، جێگری سەرۆكی حكوومەتی هەرێمی كوردستان، کۆدەبێتەوە.

 
پشتیوان سادق: ئاسۆی ئاییندەمان زۆر گەش و رووناکە

TUESDAY, 20 FEBRUARY 2024 22:02:51

ھەولێر-KDP.info- ئەمڕۆ سێشەممە، لە بارەگای مەکتەبی ڕێکخستنی پارێزگای هەولێر، بەسەرپەرشتی دکتۆر پشتیوان سادق ئەندامی مەکتەبی سیاسی و بەرپرسی مەکتەبی ڕێکخستنی پارێزگای هەولێر و بە ئامادەبوونی چیا هەرکی یاریدەدەری بەرپرسی مەکتەب، لەگەڵ بەرپرس و مامۆستایانی وەزارەتی خوێندنی باڵا کۆبونەوە. 

 
سبه‌ی چەندین چالاکیی ئەکادیمی و کلتووری لەبارەی زمانی دایکەوە بەڕێوە دەچن

TUESDAY, 20 FEBRUARY 2024 21:02:45

ھەولێر-KDP.info- له‌ ڕۆژی جیهانیی زمانی دایكدا کە 21ی شوباتی هەر ساڵێکە، سبه‌ی چوارشه‌ممه‌ چەندین چالاکیی جۆراوجۆری ئەکادیمی و کلتووری لەبارەی زمانی دایکەوە لە هەرێمی کوردستان بەڕێوە دەچن.

 
سەفین دزەیی: پەیوەندییەكانمان لەگەڵ ژاپۆن توند و تۆڵ و بەهێزن

TUESDAY, 20 FEBRUARY 2024 20:02:44

ھەولێر-KDP.info- بەرپرسی فەرمانگەی پەیوەندییەکانی دەرەوەی هەرێمی کوردستان، ئاماژە بەوە دەکات، دەرفەتی وەبەرهێنان لە هەرێمی كوردستان لەبەردەم كۆمپانیا و وەبەرهێنەرە ژاپۆنییەكاندا هەیە و دەرگایان كراوەیە بۆ وەبەرهێنەرە ژاپۆنییەكان. دزەیی گوتیشی: پێكەوە لەگەڵ كۆمەڵگەی نێودەوڵەتی توانیمان داعش لەناوبەرین، بەڵام هێشتا کارەکە تەواو نەبووە و هەڕەشەی داعشیش ماوە.

 


 
© 2023 Kurdistan Democratic Party, KDP

Contact