Kurdî  ■  كوردی  ■  عربي
WED, 21 FEB 2024 15:41 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

سعود مستۆ: دژی ھەموارکردنەوەی یاسایی رزگاربووانی دەستی داعشین
| KDP.info


ھەولێر-KDP.info- بەڕێوەبەری گشتی کاروباری کوردانی ئێزدی لە حکوومەتی ھەرێمی کوردستان ھۆشداری دەدات لە ھەموارکردنەوەی یاسای رزگاربووانی دەستی داعش و دەڵێت، ھەر ھەموارکردنێک پێشێلکاریە بەرامبەر مافی کچ و ژنانی ئێزدی و دژی ھەموارکردنەوەی یاساکەین.

 

سعود مستۆ، بەڕێوەبەری گشتی کاروباری ئێزدیەکان، بەماڵپەڕی فەرمیی پارتی دیموکراتی کوردستانی ڕاگەیاند: "ئەگەر قوربانی دان و ھەوڵی کوردانی ئێزدی نەبوایە ئەوە یاسای رزگاربووانی دەستی داعش دەرنەدەچوو، لەبەر ئەوەش یاساکە لەسەر بنەمای ئەو قوربانیدانەی کوردانی ئێزدی ئامادەکراوە و پەسەند کراوە، یاساکە بە فشاری کۆمەڵگەی نێودەوڵەتی و ھەوڵێکی زۆری پەرلەمانتارانی کورد دەرچوو، ئێمە وەک کۆمەڵگەی کوردانی ئێزدی دژی ھەر ھەموارکردنێکی یاساکەین و بە دژایەتیکردنی پێکھاتەیەکی گرینگی کوردستان و عێراق دەزانین، بەتایبەتی پێشێلکاری مافی ئەو کچ و ژنانەی ئێزدیە کە لەدەستی تیرۆرستانی داعش رزگاریان بووە".

 

بەڕێوەبەری گشتی کاروباری ئێزدیەکان گوتیشی: "نایشارینەوە پەرلەمانی عێراق نیەتێکی خراپی ھەیە لە ھەموارکردنەوەی یاساکە و ئەگەرنا بەرواری٣-٨-٢٠١٤ دیاری کراوە بۆ ئەو کەسانەی سوودمەند دەبن لە یاساکە و پێکھاتەکانی دیکەی وەک شەبەک و کریستیان و سوودمەند دەبن لەچوارچێوەی یاساکەدا".

 

سعود مستۆ ئاماژەی بۆ ئەوەکرد: "گەلی ئێزدی متمانەی لاوازە بەرامبەر بە حکوومەتی فیدڕاڵ و ئەو یاسایانەی دەرکراون، پێمانوایە یاساکە ھەنگاوێکی باشە بۆ قەرەبووکردنەوەی رزگاربووانی دەستی داعش و تا ڕادەیەک دەگەن بە مافەکانیان، بەداخەوەش پەرلەمانی عێراق وەک پەرلەمانەکانی دیکەی جیھان ئامادە نیە تەنیا کۆبوونەوەیەکی تایبەتیش بەڕێوەببات لەبارەی کۆمەڵکوژی کوردانی ئێزدی".

 

قائید میرۆ




دوایین هەواڵەکان

د.موخلیس سەلیم: بڕیاری ڕاگرتنی پڕۆژەکان یەکەکانی کرێنشینان ناگرێتەوە

WEDNESDAY, 21 FEBRUARY 2024 15:02:30

شارەزایەکی وەبەرھێنان ئاماژەی بۆ ئەوە کرد، بڕیاری ڕاگرتنی مۆڵەتی پڕۆژەکانی نیشتەجێبوون بە مەبستی ڕێکخستنەوە کاریگەری لەسەر کەرتی خانووبەرە دەبێت و دەشڵێ: بڕیارەکە یەکەکانی کرێنشینان ناگرێتەوە و حکوومەت کار بۆ دروستکردنی ئەو ٢٠ ھەزار یەکەیە دەدات بۆ خەڵکی کرێنشین.

 
بەڕێوەبەری گشتی بازرگانی: لە ڕێگەی سەکۆی ئەلیکترۆنییەوە نرخی کەلوپەل دابەزێنین

WEDNESDAY, 21 FEBRUARY 2024 15:02:33

بەڕێوەبەری گشتی بازرگانی پێی وایە یەکێک لە ئەگەرەکانی بەرزبوونەوەی نرخی کەلوپەل بۆ گرانی نرخی دۆلار دەگەڕێتەوە، دەشڵێ: لە ھەوڵداین لە ڕێگەی سەکۆی ئەلیکترۆنییەوە نرخی کەلوپەل لە بازاڕەکانی ھەرێمی کوردستاندا دابەزێنین.

 
سەرۆكی هەرێمی كوردستان پەیامێكی بڵاوكردەوە

WEDNESDAY, 21 FEBRUARY 2024 12:02:15

ھەولێر-KDP.info- ئەمڕۆ چوارشەممە، 21-02-2024، لە رۆژی جیهانیی زمانی دایکدا، سەرۆکی هەرێمی کوردستان جه‌خت له‌ پاراستن و پێشخستنی زمانی کوردی و زمانى دایك بۆ هەموو پێكهاتەكان دەکاتەوە. 

 
ئەنجومەنی وەزیران پرسی ئەنجومەنی پارێزگاکانی هەرێم تاوتوێ دەکات

WEDNESDAY, 21 FEBRUARY 2024 10:02:21

ھەولێر-KDP.info- ئەمڕۆ چوارشەممە، ئەنجومەنی وەزیرانی هەرێمی كوردستان، بە سەرپەرشتیی مەسروور بارزانی، سەرۆكی حكوومەتی هەرێمی كوردستان و ئامادەبوونی قوباد تاڵەبانی، جێگری سەرۆكی حكوومەتی هەرێمی كوردستان، کۆدەبێتەوە.

 
پشتیوان سادق: ئاسۆی ئاییندەمان زۆر گەش و رووناکە

TUESDAY, 20 FEBRUARY 2024 22:02:51

ھەولێر-KDP.info- ئەمڕۆ سێشەممە، لە بارەگای مەکتەبی ڕێکخستنی پارێزگای هەولێر، بەسەرپەرشتی دکتۆر پشتیوان سادق ئەندامی مەکتەبی سیاسی و بەرپرسی مەکتەبی ڕێکخستنی پارێزگای هەولێر و بە ئامادەبوونی چیا هەرکی یاریدەدەری بەرپرسی مەکتەب، لەگەڵ بەرپرس و مامۆستایانی وەزارەتی خوێندنی باڵا کۆبونەوە. 

 


 
© 2023 Kurdistan Democratic Party, KDP

Contact