Kurdî  ■  كوردی  ■  عربي
WED, 24 JUL 2024 19:25 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ھوشیار سیوەیلی سەردانی کونسوڵخانەی کۆریای باشووری لە هەولێر کرد
| KDP.info


ھەولێر-KDP.info- بەرپرسی پەیوەندییەکانی دەرەوەی پارتی دیموکراتی کوردستان سەردانی کونسوڵخانەی گشتی کۆماری کۆریای باشووری لە ھەولێر کردوو پاڵپشتی و ھاوکاری سەرکردایەتی پارتی و مەکتەبی پەیوەندییەکانی دەرەوەی پارتی بۆ دووپات کردەوە.

 

ھوشیار سیوەیلی، بەرپرسی پەیوەندییەکانی دەرەوەی پارتی دیموکراتی کوردستان، بە سەرۆکایەتی شاندێک سەردانی سیونگچێۆل لیم، کونسوڵی گشتی کۆریای لە ھەرێمی کوردستان کرد بە مەبەستی بەخێرھاتن و پیرۆزبای ئەرکی نوێی، لەو سەردانەدا بەناوی سەرکردایەتی پارتی دیموکراتی کوردستان و پاڵپشتی مەکتەبی پەیوەندییەکانی دەرەوەی پارتی دووپاتی کردەوە بۆ ھاوکاری و ھەماھەنگی کاروبارەکانیان لە ھەرێمی کوردستان.

 

سیوەیلی سوپاسی حکوومەت و گەلی کۆریای کرد بۆ ئەو ھاوکاریانەی لە ماوەی بیست ساڵی ڕابردوودا پێشکەشی کوردستانیان کردووە، بەتایبەت کۆمپانیا و بەرھەمە کۆریەکان ئێستا لە بازاڕەکانی ھەرێمی کوردستاندا جێگای بایەخ و متمانەی خەڵکن.

 

ھاوکات سیونگچێۆل لیم، سوپاسی خەڵکی کوردستان بە گشتی و جەنابی سەرۆک بارزانی و پارتی دیموکراتی کوردستانی کرد بۆ پێشوازیە گەرم و بەخێرھاتنە کە لەوو ئەندامانی پێشووی وەزارەتی دەرەوەی وڵاتەکەی کراوە لە ھەرێمی کوردستان و سەرسامی خۆی خستەڕوو بۆ ئەو پێشکەوتن و گەشەسەندنەی لەماوەی بیست ساڵدا بەرھەم ھاتووە، ھەروەھا کونسوڵی گشتیی گوتی، ئەم پێشکەوتنەی ھەرێمی کوردستان دەرخستنە ئەو ئیرادە بەھێز و خۆڕاگریەی خەڵکی کوردستانە بۆ ڕووبەڕووبوونەوەی ئەو نەھامەتی و ناخۆشیانەی بەسەریاندا ھاتووە.

 

لیم باسی لە کار و بەرنامەی خۆیی کرد کە وەک ستراتیژ بۆ خۆی داڕشتووە لەماوەی کارکردنی لە ھەرێمی کوردستان کە سوود وەرگرتنە لە ئەزموونی خۆیی و سێکتەرە سەرکەوتووەکانی وڵاتی کۆریا و ھەرێمی کوردستان بۆ گەشەسەندنی ئابووری و باشترکردنی ژیان و گوزەرانی خەڵکی کوردستان و پەرەپێدانی پەیوەندییەکانی نێوان ھەردوو نەتەوە.  

 

بەشێکی دیکەی ئەو دیدارە پەیوەست بوو بە گفتوگۆ لەسەر دوایین پێشھات و ڕووداوەکانی جیھان و ناوچەکە کە کاریگەریان دروست کردووە لەسەر ژیانی خەڵک و ئاڵۆزکردنی زیاتری گرفتە چارەسەر نەکراوەکان.

 

ھەروەھا پەرەپێدانی پەیوەندی نێوان کۆریای باشوور و ھەرێمی کوردستان بەشێکی دیکەی ئەو دیدارە بوو کە ھەردوولا جەختیان لەسەر گرنگی فراوانبوونی کردووە کە تەواوی سێکتەرەکانی ژیان بگرێتەوە بەجۆرێک کە سوود بە بەرژەوەندییە ھاوبەشەکان بگەیەنێت.




دوایین هەواڵەکان

سه‌رۆكى دیوان پێشوازى له‌ پارێزگارى پارتى شه‌مس كرد

WEDNESDAY, 24 JULY 2024 16:07:59

ھەولێر-KDP.info-  نیوه‌ڕۆى ئه‌مڕۆ چوارشەممە ٢٤/٧/٢٠٢٤ به‌ڕێز فه‌وزى هه‌ریرى، سه‌رۆكى دیوانى سه‌رۆكایه‌تیى هه‌رێمى كوردستان، پێشوازى له‌ به‌ڕێز زه‌ید ئه‌لتاله‌قانى، پارێزگارى پارتى شه‌مشى عێراقى كرد.

 
وەزیری ناوخۆ ئیمزای لەسەر هەمواری رێنمایی پلەبەرزکردنەوەی ئەفسەرانی هێزەکانی ئاسایشی ناوخۆ کرد

WEDNESDAY, 24 JULY 2024 15:07:09

ھەولێر-KDP.info-  وەزیری ناوخۆی هەرێمی کوردستان واژووی لەسەر هەمواری رێنمایی پلەبەرزکردنەوەی ئەفسەرانی هێزەکانی ئاسایشی ناوخۆ کرد.

 
بەرپرسی لقی ١٦: ئەو پڕۆژانە لە ماوەیەکی نزیکدا دەکەونە بواری جێبەجێکردنەوە

WEDNESDAY, 24 JULY 2024 12:07:41

ھەولێر-KDP.info- بەرپرسی لقی ١٦ی پارتی دیموکراتی کوردستان ڕایگەیاند، وەکو لقی ١٦ی پارتی لە سنووری دەوروبەری ھەولێر، ھەمیشە پردێکی بەھێز دەبین بۆ گەیاندنی داواکاریی خەڵکی خۆمان و خۆشمان بە پارێزەری خەڵک دەزانین، ھەر بۆیە داواکاریی خەڵک بە حکوومەت دەگەیەنین و حکوومەتیش بەپێی توانا داواکاریی خەڵکی خۆمان جێبەجێ دەکات و خزمەتگوزارییان پێشکەش دەکات.

 
عه‌لی حوسێن: هه‌ر كاتێك پێویست بێت كۆبوونه‌وه‌ له‌گه‌ڵ یه‌كێتی ده‌كرێت

WEDNESDAY, 24 JULY 2024 11:07:23

سلێمانی-KDP.info- عه‌لی حوسێن، به‌رپرسی ئه‌نجوومه‌نی سه‌ركردایه‌تیی سلێمانی - هه‌ڵه‌بجه - ڕاپەڕینی‌ پارتی دیموكراتی كوردستان ئاماژه‌ به‌وه‌ ده‌كات، كه‌ پارێزگاری كه‌ركووك به‌بێ ڕێككه‌وتن له‌گه‌ڵ پێكهاته‌كانی دیكه‌ی شاره‌كه‌ دانانرێت، پارتیش له‌ گفتوگۆدایه‌ و ده‌یه‌وێت ئه‌و پرسه‌ چاره‌سه‌ر بكرێت.

 
پۆلیسی هەولێر بۆ KDP: دەستمان بەسەر سەدان پارچە چەکدا گرتووە

WEDNESDAY, 24 JULY 2024 10:07:58

هەولێر-KDP.info- بەڕێوەبەرایەتیی پۆلیسی پارێزگای هەولێر ڕایدەگەیەنێت، هەڵمەتی دەستبەسەرداگرتنی چەکی بێ مۆڵەت و نایاسایی و قەدەغەکراو بەردەوامە و لەو چوارچێوەیەشدا بە فەرمانی سەرۆکی حکوومەتی هەرێمی کوردستان، دەستیان بەسەر سەدان پارچە چەکدا گرتووە و چەندین تۆمەتباریشیان دەستگیر کردووە.

 


 
© 2023 Kurdistan Democratic Party, KDP

Contact