Kurdî  ■  كوردی  ■  عربي
WED, 21 FEB 2024 15:38 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

جۆرج بۆن: هەرێمی کوردستان دەبەینە خانەی هاوکارییە دەوڵەتییەکانەوە
| KDP.info


ھەولێر-KDP.info- ئەمڕۆ بە مەبەستی ئاشنابوون بە کارەکانیان، دکتۆر جۆرج کریسبوون، سەرۆکی تازەی لقی عێراقی ڕێکخراوی تەندروستیی جیهانی، گەیشتە هەرێمی کوردستان و لەگەڵ وەزیری تەندروستیی هەرێمی کوردستان و ستافە کارگێڕییەکەی کۆ بووەوە.

لەدوای کۆبوونەوەکە، دکتۆر سامان بەرزنجی، وەزیری تەندروستیی هەرێمی کوردستان، ئاماژەی بۆ ئەوە کرد، کە ئەوان کۆمەڵێک داواکارییان لە ڕێکخراوی تەندروستیی جیهانی هەیە، سەرباری ئەوەی کە لەگەڵ عێراقدا بەشێکی هاوکارییەکانیان دەدرێت، بەڵام داوا دەکەن هەرێمی کوردستانیش وەکوو وڵاتێکی سەربەخۆ لە ڕیزبەندی کارەکانی ڕێکخراوی تەندروستیی جیهانیدا هەژمار بکرێت.

لە لای خۆیەوە، دکتۆر جۆرج کریس بۆن، سەرۆکی تازەی ڕێکخراوەکە لە عێراق، ئاماژی بۆ ئەوە کرد، کە ئەوان کار لەو چوارچێوەیەدا دەکەن و دەیانەوێت زیاتر دۆسیەی تەندروستیی عێراق و هەرێمی کوردستان پەرە پێ بدەن، بەتایبەتیش لە چوارچێوەی ئەو چالاکییانەی، کە بڕیاریان لێ داوە، هەرێمی کوردستان دەبەنە خانەی هاوکارییە دەوڵەتییەکانەوە، واتە وەکوو وڵاتێكی سەربەخۆ کاری لەسەر بکرێت و بتواندرێت بەو شێوەیەی پێویستە، هاوکارییەکانیان پێشکەش بکرێت.

ئاماژەی بۆ ئەوەش کرد، کە هەرێمی کوردستان و عێراق کۆمەڵێک تایبەتمەندیی هاوکارییان هەیە، کە دەبێت ڕەچاوی ئەم تایبەتمەندییانەیان بکرێت، بەتایبەتیش تایبەتمەندییەکانی چەکە کۆکوژەکان و شەڕ و ئاوارە و ژینگە و بابەتی پەرەپێدانی مرۆیی.




دوایین هەواڵەکان

د.موخلیس سەلیم: بڕیاری ڕاگرتنی پڕۆژەکان یەکەکانی کرێنشینان ناگرێتەوە

WEDNESDAY, 21 FEBRUARY 2024 15:02:30

شارەزایەکی وەبەرھێنان ئاماژەی بۆ ئەوە کرد، بڕیاری ڕاگرتنی مۆڵەتی پڕۆژەکانی نیشتەجێبوون بە مەبستی ڕێکخستنەوە کاریگەری لەسەر کەرتی خانووبەرە دەبێت و دەشڵێ: بڕیارەکە یەکەکانی کرێنشینان ناگرێتەوە و حکوومەت کار بۆ دروستکردنی ئەو ٢٠ ھەزار یەکەیە دەدات بۆ خەڵکی کرێنشین.

 
بەڕێوەبەری گشتی بازرگانی: لە ڕێگەی سەکۆی ئەلیکترۆنییەوە نرخی کەلوپەل دابەزێنین

WEDNESDAY, 21 FEBRUARY 2024 15:02:33

بەڕێوەبەری گشتی بازرگانی پێی وایە یەکێک لە ئەگەرەکانی بەرزبوونەوەی نرخی کەلوپەل بۆ گرانی نرخی دۆلار دەگەڕێتەوە، دەشڵێ: لە ھەوڵداین لە ڕێگەی سەکۆی ئەلیکترۆنییەوە نرخی کەلوپەل لە بازاڕەکانی ھەرێمی کوردستاندا دابەزێنین.

 
سەرۆكی هەرێمی كوردستان پەیامێكی بڵاوكردەوە

WEDNESDAY, 21 FEBRUARY 2024 12:02:15

ھەولێر-KDP.info- ئەمڕۆ چوارشەممە، 21-02-2024، لە رۆژی جیهانیی زمانی دایکدا، سەرۆکی هەرێمی کوردستان جه‌خت له‌ پاراستن و پێشخستنی زمانی کوردی و زمانى دایك بۆ هەموو پێكهاتەكان دەکاتەوە. 

 
ئەنجومەنی وەزیران پرسی ئەنجومەنی پارێزگاکانی هەرێم تاوتوێ دەکات

WEDNESDAY, 21 FEBRUARY 2024 10:02:21

ھەولێر-KDP.info- ئەمڕۆ چوارشەممە، ئەنجومەنی وەزیرانی هەرێمی كوردستان، بە سەرپەرشتیی مەسروور بارزانی، سەرۆكی حكوومەتی هەرێمی كوردستان و ئامادەبوونی قوباد تاڵەبانی، جێگری سەرۆكی حكوومەتی هەرێمی كوردستان، کۆدەبێتەوە.

 
پشتیوان سادق: ئاسۆی ئاییندەمان زۆر گەش و رووناکە

TUESDAY, 20 FEBRUARY 2024 22:02:51

ھەولێر-KDP.info- ئەمڕۆ سێشەممە، لە بارەگای مەکتەبی ڕێکخستنی پارێزگای هەولێر، بەسەرپەرشتی دکتۆر پشتیوان سادق ئەندامی مەکتەبی سیاسی و بەرپرسی مەکتەبی ڕێکخستنی پارێزگای هەولێر و بە ئامادەبوونی چیا هەرکی یاریدەدەری بەرپرسی مەکتەب، لەگەڵ بەرپرس و مامۆستایانی وەزارەتی خوێندنی باڵا کۆبونەوە. 

 


 
© 2023 Kurdistan Democratic Party, KDP

Contact