Kurdî  ■  كوردی  ■  عربي
FRI, 19 JUL 2024 11:54 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

فازڵ میرانی پێشوازی لە کونسوڵی گشتی فەرەنسا لە ھەولێر کرد
| KDP.info


ھەولێر-KDP.info- بەرپرسی دەستەی کارگێڕی مەکتەبی سیاسی پارتی دیموکراتی کوردستان، پێشوازی لە کونسوڵی گشتی فەرەنسا لە ھەولێر کردوو باسیان لە گرنگی یەکڕیزی لایەنە کوردیەکان بۆ ئەم قۆناغەی ئێستا کرد.

لە بارەگای مەکتەبی سیاسی لە پیرمام، فازڵ میرانی، بەرپرسی دەستەی کارگێڕی مەکتەبی سیاسی پارتی، پێشوازی لە (یان برێم) کونسوڵی گشتی فەرەنسا لە ھەولێر کرد.

لە دانیشتنێکدا فازڵ میرانی وێرای بەخێرھێنانی پیرۆزبایی لە (یان برێم) بە بۆنەی دەستبەکاربوونی وەک کونسوڵی گشتی فەرەنسا لە ھەولێر و ھیوای خواست لە ئەرکە تازەکەیدا سەرکەوتووبێت.

ھاوکات فازڵ میرانی پەیوەندی دووقۆڵی لە نێوان فەرەنساو ھەرێمی کوردستان بە مێژوویی و زۆر سەرکەوتوو لە قەڵەم داو ڕۆڵی گەل و حکوومەتی فەرەنسا لە پشتیوانیکردنی گەلی کوردستان و ھەرێمی کوردستان بە گرنگ وەسف کردوو جێگای سوپاسە.

ھەروەھا فازڵ میرانی پوختەیەک لەسەر کوردستان و گەلی کوردستان و کوردستانیان پێشکەش کردوو دووپاتی کرد سەرەڕای ئاڵۆزیەکان ھەرێمی کوردستان شوێنی ھەرە سەقامگیرە لە ناوچەکەداو کێشەکانی نێوان بەغداو ھەولێر کێشەکە لەسەر جۆری ھزرکردنەوەو عەقلیەتی دەسەڵاتدارانی بەغدایە نەک کەسەکان و ئاریشەی ھەرە گرنگ پێشێلکردنی بڕگەکانی دەستووری عێراقە و جێبەجێ نەکردنی لەلایەن حکوومەتی عێراقەوە.

فازڵ میرانی ھاوڕیزی ھێزە سیاسیەکانی کوردستان بە گرنگی بۆ ئەم قۆناغە وەسف کرد، لەلای خۆیەوە (یان برێم) کونسوڵی گشتی فەرەنسا لە ھەولێر سوپاسی مەکتەبی سیاسی پارتی کرد بۆ ڕەخساندنی ئەم دیدارەو خۆشحاڵی خۆی دەربڕی بە دەستبەکاربوونی وەک نوێنەری دیپلۆماتی فەرەنسا لە ھەولێرو پەیوەندی نێوان ھەرێمی کوردستان و فەرەنسا بەسەرکەوتووی مێژوویی وەسف کردوو ھیوای خواست ھەرێمی کوردستان ھەر لە گەشە سەندندا بێت.




دوایین هەواڵەکان

وەزیری پەروەردە و تەندروستی لەبارەی (ھەژماری من)ەوە زانیارى ده‌خه‌نه‌ڕوو

FRIDAY, 19 JULY 2024 11:07:46

ھەولێر-KDP.info- وەزیری تەندروستی حکوومەتی ھەرێم لەبارەی ھەژماری منەوە دەڵێت: جێگای خۆشحاڵیە کەوا زۆربەی پزیشکانی وەزارەتی تەندروستی خاوەنی ھەژماری منن، ھاوکات وەزیری پەروەردەی حکوومەتی ھەرێمیش دەڵێ، مافی مامۆستایان لە ھەژماری من گەرەنتی کراوە و بۆ مانگی حوزەیران زیاتر لە ٣٢ ھەزار مامۆستا لەڕێی ھەژماری منەوە مووچەکەیان وەرگرتووە.

 
هەڵمەتێک لە مزگەوتەکانەوە دەستپێدەکات

THURSDAY, 18 JULY 2024 22:07:41

هه‌ولێر-KDP.info- شاندێکی ناوەندی هاوبەشی هەماهەنگی قەیرانەکان لەسەر پرسی کۆچی نایاسایی، لەگەڵ وەزارەتی ئەوقاف و کاروباری ئایینی هەماهەنگی و کاری هاوبەش دەکەن.

 
هەولێر و بەغدا لەسەر چەند خاڵێک لە بواری باج ڕێککەوتن

THURSDAY, 18 JULY 2024 21:07:11

ھەولێر-KDP.info- وەزارەتی دارایی هەرێمی کوردستان دەڵێت، لەگەڵ لیژنەی باڵای ڕێکخستنەوەی باج لە حکوومەتی فیدڕاڵی لەسەر چەند خاڵێک ڕێککەوتوون کە دەبنە هۆی کارئاسانی بۆ ئەو کارگە و کۆمپانیا و بانکانەی لە هەرێمی کوردستان و عێراق کاردەکەن.

 

فازڵ میرانی پێشوازی لە كونسوڵی نوێی کۆماری توركیا له‌ هه‌ولێر كرد

THURSDAY, 18 JULY 2024 19:07:35

ھەولێر-KDP.info- به‌رپرسی ده‌سته‌ی كارگێری مه‌كته‌بی سیاسی پارتی پێشوازی له‌ كونسوڵی گشتی نوێی كۆماری توركیا له‌ هه‌ولێر كرد، لە دیدارەکەشدا جەخت له‌سه‌ر پته‌وتركردنی په‌یوه‌ندییه‌كانی نێوان توركیا و هه‌رێمی كوردستان كرایەوە و هیوایان خواست كه‌ ناوچه‌كه‌ ئارام و سه‌قامگیربێت.

 

بێ ڕەزامەندیی ژینگە هیچ پاڵاوگەیەک مۆڵەتی پێ نادرێت

THURSDAY, 18 JULY 2024 17:07:45

ھەولێر-KDP.info- بەڕێوەبەری فەرمانگەی کاروباری ھونەری لە دەستەی ژینگەی ھەرێمی کوردستان ڕایدەگەیەنێت، زۆرینەی پاڵاوگە نایاساییەكان داخراون و ھەر پاڵاوگەیەک بیەوێت دامەزرێت و مۆڵەت وەربگرێت، پێویستە ڕەزامەندی لە نۆ شوێن وەربگرێت، ئەگەر نا ناتوانێت مۆڵەتی پێ بدرێت.

 



 
© 2023 Kurdistan Democratic Party, KDP

Contact