Kurdî  ■  كوردی  ■  عربي
WED, 21 FEB 2024 15:38 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

جێگری یەکەم بۆ پارتی یەکلایی بۆتەوە و گرفت لەسەر جێگری دووەم ھەیە
| KDP.info


مووسڵ-KDP.info- یاریدەدەری یەکەمی بەرپرسی مەکتەبی رێکخستنی پارتی دیموکراتی کوردستان لە مووسڵ دەڵێت، بەپێی رێککەوتنی نێوان لایەنەکان پۆستەکانی سەرۆکایەتی ئەنجوومەن و پارێزگار یەکلایی کراونەتەوە و پۆستی جێگری یەکەمی پارێزگاری مووسڵ بۆ پارتی دەبێت و ڕۆژی پێنچ شەممە دەنگی لەسەر دەدرێت.

مەحموود ئێزیدی، یاریدەدەری یەکەمی بەرپرسی مەکتەبی رێکخستنی پارتی دیموکراتی کوردستان لە مووسڵ، بۆ ماڵپەڕی فەرمیی پارتی دیموکراتی کوردستان گوتی: "دوێنێ ئەنجوومەنی پارێزگای مووسڵ یەکەم کۆبوونەوەی خۆی ئەنجامدا و تێیدا سەرۆکی ئەنجوومەن و جێگر و پارێزگاریش دیاریکرا بەپێی رێککەوتن و ئێستا تەنیا دوو جێگری پارێزگار ماوە، کە جێگری یەکەم بۆ پارتی یەکلایی بۆتەوە، بەڵام گرفت لە نێوان کوتلەکانی دیکە لەسەر پۆستی جێگری دووەمی پارێزگاری مووسڵ ھەیە، کە سوننەکان داوای دەکەن، بۆیە ئێستا گرفتی بەردەم ئەو دوو پۆستە جێگری دووەمی پارێزگاری مووسڵە".

مەحموود ئێزیدی گوتیشی: "ئەو دەنگۆیانەی باس لەوە دەکەن گرفتەکە بەھۆی ئەوەیە جێگری پارێزگاری یەکەم بۆ پارتی بێت ئەوە ڕاست نیە، چونکە ئەوە یەکلایی بۆتەوە و تەنھا کێشە لەسەر پۆستی جێگری دووەمی پارێزگاری مووسڵ ھەیە، بۆیە بڕیارە ڕۆژی پێنچ شەممە ئەنجوومەن جارێکی دیکە کۆبێتەوە و ئەو دوو پۆستەش یەکلایی بکاتەوە".

ئێزیدی باسی لەوەشکرد: "لەم دوو ڕۆژە رێککەوتن لەسەر پۆستی جێگری دووەمی پارێزگاریش دەکرێت و ڕۆژی پێنچ شەممە کاتژمێر دووی دوای نیوەڕۆ کۆبوونەوەی دیکە دەکرێت و ئەو پۆستەش یەکلایی دەکرێتەوە".

ناوبراو دەشڵێت: "پۆستی زۆر دەمێنێت لە ئیدارەی خۆجێی مووسڵ و پارتیش بەپێی ئیستحقاقی ھەڵبژاردن پشکی خۆی لە پۆستەکانی دیکە وەردەگرێت، بەڵام ئەو پۆستانە رێککەوتنی لەسەر کرابوو یەکلایی دەکرێنەوە".

 

بڵند ئیبراھیم

 




دوایین هەواڵەکان

د.موخلیس سەلیم: بڕیاری ڕاگرتنی پڕۆژەکان یەکەکانی کرێنشینان ناگرێتەوە

WEDNESDAY, 21 FEBRUARY 2024 15:02:30

شارەزایەکی وەبەرھێنان ئاماژەی بۆ ئەوە کرد، بڕیاری ڕاگرتنی مۆڵەتی پڕۆژەکانی نیشتەجێبوون بە مەبستی ڕێکخستنەوە کاریگەری لەسەر کەرتی خانووبەرە دەبێت و دەشڵێ: بڕیارەکە یەکەکانی کرێنشینان ناگرێتەوە و حکوومەت کار بۆ دروستکردنی ئەو ٢٠ ھەزار یەکەیە دەدات بۆ خەڵکی کرێنشین.

 
بەڕێوەبەری گشتی بازرگانی: لە ڕێگەی سەکۆی ئەلیکترۆنییەوە نرخی کەلوپەل دابەزێنین

WEDNESDAY, 21 FEBRUARY 2024 15:02:33

بەڕێوەبەری گشتی بازرگانی پێی وایە یەکێک لە ئەگەرەکانی بەرزبوونەوەی نرخی کەلوپەل بۆ گرانی نرخی دۆلار دەگەڕێتەوە، دەشڵێ: لە ھەوڵداین لە ڕێگەی سەکۆی ئەلیکترۆنییەوە نرخی کەلوپەل لە بازاڕەکانی ھەرێمی کوردستاندا دابەزێنین.

 
سەرۆكی هەرێمی كوردستان پەیامێكی بڵاوكردەوە

WEDNESDAY, 21 FEBRUARY 2024 12:02:15

ھەولێر-KDP.info- ئەمڕۆ چوارشەممە، 21-02-2024، لە رۆژی جیهانیی زمانی دایکدا، سەرۆکی هەرێمی کوردستان جه‌خت له‌ پاراستن و پێشخستنی زمانی کوردی و زمانى دایك بۆ هەموو پێكهاتەكان دەکاتەوە. 

 
ئەنجومەنی وەزیران پرسی ئەنجومەنی پارێزگاکانی هەرێم تاوتوێ دەکات

WEDNESDAY, 21 FEBRUARY 2024 10:02:21

ھەولێر-KDP.info- ئەمڕۆ چوارشەممە، ئەنجومەنی وەزیرانی هەرێمی كوردستان، بە سەرپەرشتیی مەسروور بارزانی، سەرۆكی حكوومەتی هەرێمی كوردستان و ئامادەبوونی قوباد تاڵەبانی، جێگری سەرۆكی حكوومەتی هەرێمی كوردستان، کۆدەبێتەوە.

 
پشتیوان سادق: ئاسۆی ئاییندەمان زۆر گەش و رووناکە

TUESDAY, 20 FEBRUARY 2024 22:02:51

ھەولێر-KDP.info- ئەمڕۆ سێشەممە، لە بارەگای مەکتەبی ڕێکخستنی پارێزگای هەولێر، بەسەرپەرشتی دکتۆر پشتیوان سادق ئەندامی مەکتەبی سیاسی و بەرپرسی مەکتەبی ڕێکخستنی پارێزگای هەولێر و بە ئامادەبوونی چیا هەرکی یاریدەدەری بەرپرسی مەکتەب، لەگەڵ بەرپرس و مامۆستایانی وەزارەتی خوێندنی باڵا کۆبونەوە. 

 


 
© 2023 Kurdistan Democratic Party, KDP

Contact