Kurdî  ■  كوردی  ■  عربي
FRI, 9 JUN 2023 04:22 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

دەستکەوتەکانی ئەمڕۆی گەلی کورد بەرهەمی شۆڕشی گوڵانە
| KDP.info


هەولێر-KDP.info-  لە یادی 47 ساڵەی هەڵگیرسانی شۆڕشی گوڵانی پێشکەوتنخوازی گەلی کورد، پێشمەرگەکانی هەردوو شۆڕشی ئەیلوول و گوڵان داواکارن کە پارێزگاری لەو دەستکەوتانە بکەن کە بە خەبات و قوربانیدانی پێشمەرگە بەدەست هاتووە و دەڵێت، ئەو شۆڕشە بووە هۆی ئەوەی ئەو دەستکەوتانەی ئەمڕۆ بەدەست بێن.

 

سەدیق گۆران، پێشمەرگەی هەردوو شۆڕشی ئەیلوول و گوڵان، بۆ ماڵپەڕی فەرمیی پارتی دیموکراتی کوردستان گوتی: ''دوای شۆڕشی ئەیلوول بە چەند مانگێک، شۆڕشی گوڵان لەسەر دەستی ماڵی بارزانی دەستی پێ کردەوە، کە خەڵک نائومێد ببوو، جارێکی دیکە ئومێدیان بە خەڵک بەخشییەوە، ئەو کاتە لەژێر چاودێری و فشارێکی زۆر توانرا شۆڕشی گوڵان لە 26ی گوڵان و پێش 47 ساڵ دەست پێ بکرێت، بۆیە ئەو شۆڕشە جارێکی دیکە هەڵسانەوەی کورد بوو و توانرا جارێکی دیکە دەستکەوتێکی گەورە بەهۆی شۆڕشی گوڵانەوە بۆ کورد بەدەست بێت .

 

سەدیق گۆران گوتیشی: ئەو دەستکەوتانەی ئێستا بەدەست هاتوون، بەرهەمی خەبات و قوربانیدانی پێشمەرگەیە لە شۆڕشی گوڵان و ئەو شۆڕشە بۆ کورد زۆر گرنگ بوو، بۆیە ئەرکی هەمووانە ئەو دەستکەوتانەی بەدەست هاتوون بیانپارێزین و چاویشمان لەوانە بێت کە خەبات و قوربانییان داوە، بۆیە بەو بۆنەیەوە پیرۆزبایی لە هەموو گەلی کورد دەکەین، کە شۆڕشێک بوو لەپێناو مافەکانی گەلی کورد دەستی پێ کرد و بە قازانجی گەلی کوردیش کۆتاییی هات.

 

هەر لەم بارەیەوە، مەلا قادر محەمەد قادر، پێشمەرگەی هەردوو شۆڕشی ئەیلوول وگوڵان بۆ ماڵپەڕی فەرمیی پارتی دیموکراتی کوردستان گوتی: پێویستە لەسەر هەمووان و ئەرکیشە لەسەر ڕێبازی پیرۆزی بازرانیی نەمر بەردەوام بین و خاک و نیشتمانی خۆمان بپارێزین و هەموو کاربەدەستانیش لەسەر هەمان ڕێباز بین و بەرگری لەو دەستکەوتانەش بکەین، چونکە ڕێبازی پیرۆزی بارزانی هەمیشە بۆ خەبات و تێکۆشان بووە بۆ بەدەستهێنانی مافی گەلی کورد و شۆڕشی گوڵانیش لەو پێناوە دەستی پێ کرد.

 

مەلا قادر محەمەد گوتیشی: لەسەر بچووک تا گەورە ئەرکە بەرگری لە خاک و نیشتمان بکات و ئەوەی دەست بۆ خاک و نیشتمانی ئێمە درێژ بکات ڕێگریی لێ بکەین و ڕێگەی پێ نەدەین، چونکە ئێمە هەمیشە لەگەڵ ئاشتیداین و دەمانەوێت مافەکانیشمان بە ئاشتی بەدەست بێن، بەڵام ئەوەی دەست بۆ مافەکانمان ببات پێویستە بێینە دەنگ و ڕێگریی لێ بکەین، چونکە خەبات و قوربانیی زۆرمان لەپێناو کورد و کوردستان داوە و ئەو دەستکەوتانەی ئەمڕۆ بەرهەمی شۆڕشی ئەیلوول و گوڵانە، کە شۆڕشی گوڵان دەستی پێ کرد، توانرا جارێکی دیکە ئومێد بە گەلی کورد بداتەوە و دەستکەوتێکی زۆر مەزن بوو.

 

بڵند ئیبراهیم

 




دوایین هەواڵەکان

سه‌رۆكى هه‌رێمى كوردستان له‌گه‌ڵ باڵیۆزى ئه‌مه‌ریكا كۆبووه‌وه‌

THURSDAY, 08 JUNE 2023 21:06:13

ئێواره‌ى ئه‌مڕۆ پێنجشه‌ممه‌ 8/6/2023 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ خاتوو ئالینا ڕۆمانۆوسكى، باڵیۆزى ئه‌مه‌ریكا له‌ عێراق كرد.

دڵشاد شهاب": کۆمسیۆنی عێراق ئامادەیە بۆ بەڕێوەبردنی هەڵبژاردنی هەرێم"

THURSDAY, 08 JUNE 2023 18:06:13

گوتەبێژی سەرۆکایەتی هەرێمی کوردستان ئاشکرایکرد، شاندێکی سەرۆکایەتی هەرێم سەردانی بەغدای کردووە، لەبارەی پرسی هەڵبژادنی هەرێمی کوردستان، کۆمسیۆنی باڵای هەڵبژاردنەکانی عێراق ئامادەیی خۆی دەربڕیوە بۆ بەڕێوەبردنی هەڵبژاردن.

 
قایمقامی باتۆفا": لە ئایندەیەکی نزیک دەست دەکرێت بە دروستکردنی نەخۆشخانەی باتۆفا"

THURSDAY, 08 JUNE 2023 17:06:32

بڕیارە لە ئایندەیەکی نزیکدا لە قەزای باتۆفە دەست بکرێت بە دروستکردنی نەخۆشخانەیەکی گشتی، قایمقامی قەزاکەش دەڵێ: بە دروستکردنی نەخۆشخانەکە ھاووڵاتیان لە خزمەت گوزاری تەندروستی سوودمەند دەبن.

 
سەرۆکی حکومەتی هەرێمی کوردستان پێشوازی لە باڵیۆزی ئەمەریکا لە عێراق دەکات

THURSDAY, 08 JUNE 2023 17:06:03

ئەمڕۆ پێنجشەممە 6/8، مەسرور بارزانی سەرۆکی حکومەتی هەرێمی کوردستان ، پێشوازی لە ئەلینا رۆمەناوسکی باڵیۆزی ئەمەریکا لە عێراق کرد .

سەرۆك بارزانی پێشوازیی لە ژمارەیەك لە هونەرمەندانی كوردستان دەكات

THURSDAY, 08 JUNE 2023 17:06:14

ڕۆژی پێنجشەممە 8ی حوزەیرانی 2023 لە سەلاحەددین سەرۆك مەسعود بارزانی پێشوازی لە ژمارەیەك لە هونەرمەندانی كوردستان كرد.

 


 
© 2023 Kurdistan Democratic Party, KDP

Contact