Kurdî  ■  كوردی  ■  عربي
SAT, 25 MAY 2024 23:32 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

وانە‌یە‌كی گرنگ
| KDP.info


ھاودە‌نگ فاروق

ئەو داوایەی سەرۆك بارزانی، كە دەڵێت: بۆ حوكمدان له سه ر ڕێباز و مێژووی بارزان، له سه‌ر خه‌بات و تێكۆشان و پاكیی شێخ عه‌بدولســـه‌لام و شـــێخ ئه‌حمه‌د و خه‌باتی مه‌لا مستەفا، تەكەز بكه‌ن، نەك له ســـه‌ر ئێمه، گوتەیەكی زۆر گرنگ و جومگەییە و كاریگەری لەسەر زۆر چەمك و مەسەلەی دی هەیە.

هەڵوەســـتەكردن لەســـەر ئاماژەكانی ئەودیوی داواكەی ســـەرۆك بارزانی چەندین ڕەهەندی هەیە و هیچـــكام لەڕوانگەكانیش، گۆشەكەی تەنیشتی هەڵناوەشێنێتەوە، بۆ نمونە: ئەگەر لەڕووی سایكۆلۆژییەوە سەرنج بدەین؛ ئەو گیانی خۆ بە گەورەزانینە لە مرۆڤدا دەكوژێت كە هەمیشە خۆی بە باشترین و باڵاترین و كردارجوانترین دەبینێت، چونكە بارزانی وێڕای ئەوەی توانیویەتی مێژوو بۆ نەتەوەیەك دروســـت بكات، كەچی دەڵێت: لەســـەر بنەمای كارو كەموكووڕیی ئێمە هەڵســـەنگاندن بۆ ڕێبازی بارزانی مەكەن! . واتە سەركردەیەك كە هەموو ژیانی بۆ دۆزی گەلەكەی تەرخان كردووە، هێشتا لەخۆی ڕازی نییە! ئەمەش بۆ ژیان و ئەزموونی هەمووان وانەیەكی زۆر گرنگ و كاریگەرە. مرۆڤ ئەگەر بتوانێت مێژوویەكیش دروست بكات، هێشتا نابێت پێی وابێت كە خۆی باشترین و بێخەوشترین مرۆڤە.

لەڕووی نەریتی سیاسیشـــەوە، بێگومان پیشـــاندانی ڕێگایەكە بە ســـەركردە و سیاسییەكانی كوردســـتان و عێراق و تەنانەت ڕۆژهەڵاتیش، كە نەكەن لەخۆ بایی ببن و پێیان وابێت كارەكانیان نمونەی باڵان؛ نا! نموونەی لەوان باڵاتریش هەن.

لێرەدا ســـەرۆك بارزانی دەیەوێت گیانی خۆپەســـەندیی زۆرینەی ســـەركردەكان بكوژێت، كە ئامادە نین بە وشەیەكیش ڕەخنە لە خۆیان بگرن، یان بە ئاستەم خوێندنەوە بۆ دیوی دووەمی كار و بەرهەم و ڕەفتارەكانیان بكرێت.

بارزانـــی دەڵێـــت: ئەوەی كردوومانە كەموكووڕی تێدا بووە، كەچی نەریتی سیاســـیی باوی ڕۆژهـــەڵات دەڵێت: نموونەكەی من نموونەی باڵایە، ئەگەر تۆ ڕەخنەیەکم لێ بگریت، لە سێدارەت دەدەم!

ئەمە جیاوازییەكە. لـــەڕووی ڕووحیشـــەوە، پێی گوتین كە ڕێبازی بارزانـــی بریتییە لە عەقیدەو كۆمەڵێك چەمكی بـــاڵای ڕۆحی، نەك بریتی بێت لە كۆمەڵیك هەنگاوی سیاسی كە بە هەڵەی سیاسییەك یان بەرپرسێك بخرێتە ژێر ڕەخنە. دەبێ ئەو تێگەیشتنە بچەسپێت كە بنەمای ڕێبازی بارزانی كۆمەڵێك چەمكی ڕووحی مرۆیی باڵان و بەر لە هەرشتێك ئامانجیان ئەوەیە ڕیفۆرمی نەریت و تێگەیشـــتنەكان بكەن، نەك پرۆســـەیەكی سیاســـی بێت و بە هەڵەی بەرپرسێك یان كەسایەتییەكی سیاسی لەكەدار بکرێت.

 




دوایین هەواڵەکان

سبەی بە سەرپەرشتیی سەرۆک بارزانی کۆمیتەی ناوەندیی پارتی کۆدەبێتەوە

SATURDAY, 25 MAY 2024 23:05:25

ھەولێر-KDP.info- بڕیارە سبەی کۆمیتەی ناوەندیی پارتی دیموکراتی کوردستان بە سەرپەرشتیی سەرۆک بارزانی کۆببێتەوە و بەرپرسێکی پارتیش دەڵێ، پرسی ھەڵبژاردن و گۆڕانکارییەکانی ناوچەکە و کوردستان، لە تەوەرەکانی کۆبوونەوەکە دەبن.

 
بەیاننامەیەک لە مەکتەبی سیاسی پارتی دیموکراتی کوردستانەوە

SATURDAY, 25 MAY 2024 20:05:58

ھەولێر-KDP.info- بەبۆنەی ٤٨مین ساڵوەگەڕی بەرپابوونی شۆڕشی گوڵانی پێشکەوتنخواز، مەکتەبی سیاسیی پارتی دیموکراتی کوردستان بەیاننامەیەکی بڵاوکردەوە.

 
هەڵگیرسانی شۆڕشی گوڵان بەرز ڕاگیرا

SATURDAY, 25 MAY 2024 19:05:31

دهۆک -KDP.info- ئەمڕۆ بەبۆنەی 48مین ساڵوەگەڕی بەرپابوونی شۆڕشی گوڵانی پێشکەوتنخواز چەندین چالاکی بەڕێوەچوون و باس لە قۆناغی دەسپێکردنی شۆڕش کرا.

 
دەست بە دروستکردنی نەخۆشخانەی ١٠٠ تەختی باشیک کرا

SATURDAY, 25 MAY 2024 19:05:49

باشیک -KDP.info- ئەندامی ئەنجوومەنی پارێزگای مووسڵ لە فراکسیۆنی پارتی دیموکراتی کوردستان گوتی: دوای ھەوڵێکی زۆر، بە گوژمەی ٧٧ ملیار دینار دەست بە دروستکردنی نەخۆشخانەی ١٠٠ تەختی باشیک کرا.

 
پرسەنامەیەک لە سەرۆکوەزیرانی ھەرێمەوە

SATURDAY, 25 MAY 2024 18:05:25

ھەولێر-KDP.info-  بۆ كۆچی دوایی خوالێخۆشبوو (حەسەن مستەفا محیەدین)، مه‌سروور بارزانی سه‌رۆكوه‌زیرانی هه‌رێمی كوردستان، پرسه‌نامه‌یه‌كی بڵاوكرده‌وه‌ کە ئەمە دەقەکەیتی:

 


 
© 2023 Kurdistan Democratic Party, KDP

Contact