Kurdî  ■  كوردی  ■  عربي
THU, 30 MAR 2023 05:41 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

عەمید ڕۆکن عادل جەباری: پشکنین بۆ پاسەوانانی سنوور دەکرێت
| KDP.info


هەولێر-KDP.info- بەرپرسێکی وەزارەتی پێشمەرگە لە بەغدا ئاشکرای کرد، ناوی ئەو کەسانەی بۆ پاسەوانی سنوور تۆمار کراون لە وەزارەتی ناوخۆی عێراقە و تەنیا لەسەر بودجە ماوەتەوە. دەشڵێ، پشکنینیان بۆ دەکرێت و بڕیاریشە بنکەکانی چاودێریی سنوور زیاد بکرێن.

عەمید ڕۆکن عادل جەباری، نوێنەری وەزارەتی پێشمەرگە لە سەرکردایەتیی ئۆپەڕاسیۆنە ھابەشەکان، بە ماڵپەڕی فەرمیی پارتی دیموکراتی کوردستانی ڕاگەیاند: "ئەو ناوانەی لە ھەرێمی کوردستان بۆ پاسەوانی سنوور تۆمار کراون بەرز کراونەتەوە و لە وەزارەتی ناوخۆی عێراقن، تەنیا لەسەر پەسەندکردنی پڕۆژەیاسای بودجەوە وەستاوە بۆ ئەوەی پاسەوانانی سنوور بکەونە ئەرکەوە، بەڵام سەرەتا پشکنین بۆ ئەو کەسانە دەکرێتە کە دەبنە پاسەوانی سنوور، چونکە پرۆسەی تۆمارکردنیان بە ئونلاین بووە و پێویستە لەلایەن لیژنەیەکەوە پشکنین بۆ ھەموویان بکرێت و دواتر دەخرێنە سەر ئەرکەکانیان لە پاسەوانیی سنوور و، ئەرکیان پاراستنی سنوورەکانی ھەرێمی کوردستان دەبێت.''

نوێنەرەکەی وەزارەتی پێشمەرگە گوتی: "پاسەوانانی سنوور ئەوانەی نوێ دادەمەزرێن ژمارەیان سێ ھەزار کەس بۆ ھەرێمی کوردستان دیاری کراوە و بەسەر پارێزگاکاندا دابەش کراون.''

عەمید ڕۆکن عادل جەباری ڕوونی کردەوە: "بە ڕێکەوتن و ھەماھەنگی کێشەکانی پاسەوانی سنووری چارەسەر دەکرێن و حکوومەتی فیدراڵ ڕەزامەندیی پێشان داوە بۆ پڕکردنەوەی ئەو پێداویستیانەی ھێزەکانی پاسەوانی سنوور ھەیانە لە ھەرێمی کوردستان، بڕیارە لە ڕووی دابینکردنی کەلوپەل و پێداویستیی سەربازییەوە بۆیان دابین بکرێت، خاڵەکانی سنووری زیاد دەکرێن و بە ئامێری پێشکەوتوو چاودێریی سنوورەکانی ھەرێمی کوردستان لەگەڵ وڵاتانی دەوروبەر دەکرێت.''

قائید میرۆ

 




دوایین هەواڵەکان

سەرۆک بارزانی سەرەخۆشی لە سەید عەمار حەکیم دەکات

WEDNESDAY, 29 MARCH 2023 22:03:25

ئێوارەی ڕۆژی چوارشەممە 29ی ئاداری 2023 سەرۆک مەسعود بارزانی لەڕێی تەلەفۆنەوە پرسە و سەرەخۆشیی خۆی بە سەید عەمار حەکیم ڕاگەیاند بۆ کۆچی دوایی سەید سادق حەکیم کوڕی ئایەتوللا عوزما محەمەد باقر حەکیم.

"سێیەم کاروانی ھاوکاریی دھۆک ڕەوانەی باکوور و ڕۆژئاوای کوردستان کرا

WEDNESDAY, 29 MARCH 2023 16:03:47

دهۆک -KDP.info- ئەمڕۆ لە پارێزگای دھۆک سێیەم کاروانی ھاوکاری ڕەوانەی باکوور و ڕۆژئاوای کوردستان کرا و جێگری پارێزگاری دھۆکیش دەڵێ، ھاوکارییەکان بۆ زیانلێکەوتووانی بوومەلەرزە وەک ئەرکێکی مرۆڤایەتی بەردەوام دەبێت.

 

سەرۆکی حکومەت سەرەخۆشی لە بنەماڵەی ئەلحەکیم دەکات

WEDNESDAY, 29 MARCH 2023 16:03:34

ئەمڕۆ چوارشەممە 29 ی ئادار، مەسرور بارزانی سەرۆکی حکومەتی هەرێمی کوردستان ، پرسەنامەیەکی ئاراستە سەرۆکی ڕەوتی حیکمە عەممار ئەلحەکیم و بنەماڵەی ئەلحەکیم کرد بۆ کۆچی دوایی سەید سادق ئەلحەکیم ، کوڕی ئایەتوڵلای عوزما محەمەد باقر ئەلحەکیم .

 
حاكم ئازاد: ئه‌وه‌ی زه‌ڕه‌یه‌ك ئه‌خلاقی سیاسیی هه‌بێت پاره ‌ناداته‌ ئه‌و په‌یجانه‌ی ڕۆژانه‌ دڵی نه‌یارانی كوردستان خۆش ده‌كه‌ن

WEDNESDAY, 29 MARCH 2023 15:03:19

هەولێر -KDP.info- نه‌قیبی سه‌ندیكای ڕۆژنامه‌نووسانی كوردستان باس له‌ هه‌بوونی ئه‌و هه‌موو سایت و په‌یجانه‌ ده‌كات کە له‌لایه‌ن گرووپه‌ سیاسییه‌كانه‌وه‌ سه‌پۆرت ده‌كرێن به ‌مه‌به‌ستی سیاسی و ئاماژه‌ به‌وه‌ ده‌كات پرۆژه‌یه‌كیان هه‌یه‌ بۆ جیاكردنه‌وه‌ی میدیاكان.

 

لە ئاکرێ سێ جۆر بەرهەمی ناوخۆ هەناردەی دەرەوەی وڵات دەکرێن

WEDNESDAY, 29 MARCH 2023 15:03:09

ئاکرێ -KDP.info- بەڕێوەبەری کشتوکاڵی ئاکرێ گوتی، لە قەزای ئاکرێ کارگەیەک هەیە کە بەرهەمی خۆماڵی هەناردەی دەرەوە دەکات و بە هەموو شێوەیەک پشتگیری و ئاسانکاریی بۆ دەکەن، چونکە ئەمە هەنگاوێکی باشە بۆ ساخکردنەوەی بەرهەمی ناوخۆ و پشتگیریکردنی جووتیارانیش.

 



 
© 2023 Kurdistan Democratic Party, KDP

Contact