Kurdî  ■  كوردی  ■  عربي
THU, 30 MAR 2023 04:30 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

پشتیوان سادق: ئەمساڵ هەڵبژاردن لە کاتی خۆی نەکرێت تەواوی ئەزموونی هەرێمی کوردستان دەکەوێتە ژێر پرسیارەوە
| KDP.info


هەولێر -KDP.info- دکتۆر پشتیوان سادق، ئەندامی مەکتەبی سیاسیی پارتی دیموکراتی کوردستان گوتی، پارتی دیموکراتی کوردستان ئامادەیە بۆ هەموو ئامادەکاری و ئاسانکارییەک بۆ ئەوەی ئەمساڵ و پێش مانگی 10 هەڵبژاردن ئەنجام بدرێت، چونکە هەڵبژاردن لە کاتی خۆی نەکرێت تەواوی ئەزموونی هەرێمی کوردستان دەکەوێتە ژێر پرسیارەوە.

دکتۆر پشتیوان سادق، ئەندامی مەکتەبی سیاسی و ئەندامی شاندی پارتی دیموکراتی کوردستان، لە کۆنگرەیەکی ڕۆژنامەوانیدا دوای کۆبوونەوەی شاندی پارتی لەگەڵ شاندی بزووتنەوەی گۆڕان گوتی: ''ئەمڕۆ خۆشحاڵین لەگەڵ یەکێک لە هاوپەیمانە سەرەکییەکانمان کۆ بووینەوە و ئەو کۆبوونەوانە لە کۆنگرە بڕیاریاری لێ دراوە و دەستمان پێ کردووە و سەردانی یەکێتی و یەکگرتوو وکۆمەڵ و حزبی شیوعی و حزبی زەحمەتکێشان و حزبەکانی دیکەشمان کردووە و بەردەوامیش دەبین و گۆڕان بەهۆی ئەوەی یەکێکە لە پێکهێنەرە سەرکییەکانی پێکهێنانی حکوومەت بەپێویستمان زانی کۆمەڵێک بابەت هەبوون سەرلەنوێ ئەپدەێتیان بکەینەوە، بابەتی یەکەم، هەڵبژاردن وەکوو پرۆسەیەکی دیموکراسی زەروورە دوای درێژکردنەوەی پەرلەمان کە کرا لە کاتی خۆی بکرێت، چونکە هەڵبژاردن لە کاتی خۆی نەکرێت تەواوی ئەزموونی هەرێمی کوردستان دەکەوێتە ژێر پرسیارەوە، بۆیە پارتی دیموکراتی کوردستان ئامادەیە هەموو ئاسانکاری و ئامادەکارییەک بکات بۆ ئەوەی هەڵبژاردن لە مانگی10 تێپەر نەبێت و بۆ یاسای هەڵبژاردن ئامادەین لەگەڵ حزبەکان، بەتایبەت ئەوانەی لە پەرلەمان بەشدارن، هەمواری یاسای هەڵبژاردن بکرێت .

دکتۆر پشتیوان سادق گوتیشی: لەبارەی چەند بابەتێکی دیکە کە پەیوەندییان بە حوکمڕانی لە هەرێمی کوردستان هەبوو، کابینەی نۆیەمی حکوومەتی هەرێم کە لە پارتی و یەکێتی و گۆران و چەند حزبێکی دیکە پێک هاتووە درێغیی نەکردووە، بەپێی دۆخەکە لە ڕووی سیاسی و دارایییەوە خزمەتی خەڵکی کوردستان بکات و هەرسێ تیم لە ماوەی ڕابردوودا هەماهەنگیی باشمان کردووە و هیچ بڕیارێکی ئەنجومەنی وەزیران بە زۆرینە و کەمینە تێپەڕ نەبووە، بەڵکو سەرۆکوەزیران دەرفەتی بە هەموو تیم و وەزیرەکان داوە بۆ ئەوەی گفتوگۆ لەبارەی هەموو بابەتەکان بکەن کە دێنە ئەنجومەنی وەزیران، بۆیە دۆخی هەرێمی کوردستان ئەوەمان لێ دەخوازێت پێکهێنەرەکانی حکوومەت زیاتر هەماهەنگ بن و زیاتر بتوانن خزمەتی خەڵکی هەرێمی کوردستان بکەن.

هەر لەم بارەیەوە، دلێر عەبدولخاڵق، گوتەبێژی بزووتنەوەی گۆڕان گوتی: لە کۆبوونەوەمان لەگەڵ پارتی دیموکراتی کوردستان چەندین پرس گفتوگۆیان لەسەر کرا، لەوانە پرسی هەڵبژاردن و دارایی و حکومەت و بەغدا و ژیان و گوزەرانی خەڵک، ئێمە پێمان وایە بۆ ڕێزگرتن لە بنەماکانی دیموکراسی و بۆ نیشاندانی مۆدیلێکی حوکمڕانیی سەرکەوتوو لە هەرێمی کوردستان پێویستە ئاستەنگەکانی بەردەم هەڵبژاردن لاببرێت، بۆ ئەوەش دەبێ ئەو یاسایانەی ڕەهەندی نیشتمانی و یاسایی و سیاسییان هەیە بە دانوستان و سازان یەکلایی بکرێتەوە بەهەموو حزبەکانەوە .

 

بڵند ئیبراهیم

 




دوایین هەواڵەکان

سەرۆک بارزانی سەرەخۆشی لە سەید عەمار حەکیم دەکات

WEDNESDAY, 29 MARCH 2023 22:03:25

ئێوارەی ڕۆژی چوارشەممە 29ی ئاداری 2023 سەرۆک مەسعود بارزانی لەڕێی تەلەفۆنەوە پرسە و سەرەخۆشیی خۆی بە سەید عەمار حەکیم ڕاگەیاند بۆ کۆچی دوایی سەید سادق حەکیم کوڕی ئایەتوللا عوزما محەمەد باقر حەکیم.

"سێیەم کاروانی ھاوکاریی دھۆک ڕەوانەی باکوور و ڕۆژئاوای کوردستان کرا

WEDNESDAY, 29 MARCH 2023 16:03:47

دهۆک -KDP.info- ئەمڕۆ لە پارێزگای دھۆک سێیەم کاروانی ھاوکاری ڕەوانەی باکوور و ڕۆژئاوای کوردستان کرا و جێگری پارێزگاری دھۆکیش دەڵێ، ھاوکارییەکان بۆ زیانلێکەوتووانی بوومەلەرزە وەک ئەرکێکی مرۆڤایەتی بەردەوام دەبێت.

 

سەرۆکی حکومەت سەرەخۆشی لە بنەماڵەی ئەلحەکیم دەکات

WEDNESDAY, 29 MARCH 2023 16:03:34

ئەمڕۆ چوارشەممە 29 ی ئادار، مەسرور بارزانی سەرۆکی حکومەتی هەرێمی کوردستان ، پرسەنامەیەکی ئاراستە سەرۆکی ڕەوتی حیکمە عەممار ئەلحەکیم و بنەماڵەی ئەلحەکیم کرد بۆ کۆچی دوایی سەید سادق ئەلحەکیم ، کوڕی ئایەتوڵلای عوزما محەمەد باقر ئەلحەکیم .

 
حاكم ئازاد: ئه‌وه‌ی زه‌ڕه‌یه‌ك ئه‌خلاقی سیاسیی هه‌بێت پاره ‌ناداته‌ ئه‌و په‌یجانه‌ی ڕۆژانه‌ دڵی نه‌یارانی كوردستان خۆش ده‌كه‌ن

WEDNESDAY, 29 MARCH 2023 15:03:19

هەولێر -KDP.info- نه‌قیبی سه‌ندیكای ڕۆژنامه‌نووسانی كوردستان باس له‌ هه‌بوونی ئه‌و هه‌موو سایت و په‌یجانه‌ ده‌كات کە له‌لایه‌ن گرووپه‌ سیاسییه‌كانه‌وه‌ سه‌پۆرت ده‌كرێن به ‌مه‌به‌ستی سیاسی و ئاماژه‌ به‌وه‌ ده‌كات پرۆژه‌یه‌كیان هه‌یه‌ بۆ جیاكردنه‌وه‌ی میدیاكان.

 

لە ئاکرێ سێ جۆر بەرهەمی ناوخۆ هەناردەی دەرەوەی وڵات دەکرێن

WEDNESDAY, 29 MARCH 2023 15:03:09

ئاکرێ -KDP.info- بەڕێوەبەری کشتوکاڵی ئاکرێ گوتی، لە قەزای ئاکرێ کارگەیەک هەیە کە بەرهەمی خۆماڵی هەناردەی دەرەوە دەکات و بە هەموو شێوەیەک پشتگیری و ئاسانکاریی بۆ دەکەن، چونکە ئەمە هەنگاوێکی باشە بۆ ساخکردنەوەی بەرهەمی ناوخۆ و پشتگیریکردنی جووتیارانیش.

 



 
© 2023 Kurdistan Democratic Party, KDP

Contact