لە سبەی بەدواوە نەوتەكه‌ دەگاتە ھەرێم و بەسەر ھاووڵاتیاندا دابەش دەکرێت

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

WED, 25 JAN 2023 12:02 | KDP.info

هه‌ولێر-KDP.info- بڕیارە حکوومەتی فیدڕاڵ پابەندی ناردنی بەشە نەوتی ھەرێمی کوردستان بێت و پەرلەمانتارێکی پارتیش لە بەغدا گوتی، ناردنی نەوتی سپی لەسەر داوای مەسروور بارزانیە و لە ساڵی رابردووە ھەرێم پارەی نەوتەکەی رادەستی بەغدا کردووە.

شوان کەلاری، پەرلەمانتاری فڕاکسیۆنی پارتی، بە ماڵپەڕی فەرمیی پارتی دیموکراتی کوردستانی راگەیاند، "لە دوای سەردانی مەسروور بارزانی سەرۆکی حکوومەتی ھەرێمی کوردستان بۆ بەغدا داوای لە حکوومەتی فیدڕاڵ کردبوو پابەندبێت بە ناردنی بەشە نەوتی ھەرێمی کوردستان و سەرۆک وەزیرانی عێراقیش بەڵێنی ئەوەی بە مەسروور بارزانی دابوو پەنجا ملیۆن لیتر نەوتی سپی بەشە نەوتی ھەرێمی کوردستان ڕەوانە بکرێت و لە سبەی بەدواوە بە چەند قۆناغێک ئەو نەوتەی بەغدا دەگاتە ھەرێمی کوردستان و بەسەر ھاووڵاتیان دابەش دەکرێت.

پەرلەمانتارەکەی پارتی ئاماژەی بۆ ئەوەشکرد، "ئەو نەوتەی حکوومەتی فیدڕاڵ رەوانەی ھەرێمی کوردستانی دەکات پشکی ھەرێمی کوردستانە و لەسەر داوای سەرۆکی حکوومەتی ھەرێمی کوردستان بووە.

کەلاری گوتیشی، "ساڵی ڕابردوو رێكکەووتن ھەبووە لەنێوان ھەرێم و بەغدا بۆ ناردنی بەشە نەوتی ھاووڵاتیانی ھەرێم، بەڵام بەغدا پابەندی رێكکەوتنەکە نەبووە ئەمە لەکاتێكدایە ساڵی رابردوو ھەرێمی کوردستان پارەی نەوتەکەشیان ڕادەستی بەغدا کردبوو.

قائید میرۆ

دوایین هەواڵەکان

بە نوێنەرایەتی سەرۆک بارزانی، فەلاح حەسەن بەشداریی لە کۆنگرەی پارتی کەتائیبی لوبناندا کرد

SATURDAY, 04 FEBRUARY 2023 19:02:34

فەلاح حەسەن بە نوێنەرایەتیی سەرۆك بارزانی بەشداریی لە كۆنگرەی پارتی كەتائیبی لوبناندا كرد و لەلایەن سەرۆککۆماری پێشووی ئەو وڵاتەوە پێشوازیی لێ كرا.

پسپۆڕانی یاسایی: پێویستە ڕێگری لە بڕیارەکانی دادگای باڵای فیدراڵی دژ بە کورد بکرێت

SATURDAY, 04 FEBRUARY 2023 18:02:44

هەڵەبجە -KDP.info- دادگاى فیدراڵى پاش ئەوەى بڕیاری دا لەوەى حکوومەتى عێراق بۆى نییە ٤٠٠ ملیار دینار بۆ هەرێمى کوردستان بنێرێت، ناڕەزایی گەورەى بەدواى خۆیدا هێنا و بڕیارەکەى بە سیاسى و دژ بە بەرژەوەندیى گەلى کورد شرۆڤە کرا و یاساناسان دەڵێن، پێویستە ڕێگرى لە بڕیارەکانى ئەو دادگایە بکرێت لە ڕێگەى گوشارى نێودەوڵەتى و گۆڕانکارى لە یاساکە و زیادکردنى ئەندامەکانى.

زیرەک کەمال: سەرۆکی هەرێم لەگەڵ هەڵبژاردنە لە کاتی خۆیدا

SATURDAY, 04 FEBRUARY 2023 18:02:18

هەولێر -KDP.info- ڕاوێژکارێکی سەرۆکایەتیی هەرێمی کوردستان دەڵێت، سەرۆکی هەرێم لەگەڵ بەڕێوەچوونی پرۆسەی هەڵبژاردنە لە کاتی خۆیدا و فەرمانی هەرێمییش بۆ دیاریکردنی ڕۆژی هەڵبژاردن دەردەکات.

لەیلا عەبدولجەبار: بۆ نەهێشتنی گەندەڵی دەمانەوێ سوود لە ئەزموونی مالیزیا وەربگرین

SATURDAY, 04 FEBRUARY 2023 17:02:24

هەولێر -KDP.info- ئەندامێکی لیژنەی دەستپاکیی پەرلەمانی کوردستان ئاشکرای کرد، شاندێکی پەرلەمان سەردانی مالیزیا دەکات و دەیەوێت سوود لە ئەزموونی مالیزیا وەربگیرێت بۆ بنەبڕکردنی گەندەڵی.

نەخۆشخانەیەکی نوێی حکوومی لە شاری هەولێر کەوتە خزمەت هاووڵاتیان

SATURDAY, 04 FEBRUARY 2023 16:02:44

هەولێر-KDP.info- گوتەبێژی تەندروستیی هەولێر گوتی، نەخۆشخانەیەکی دیکەی حکوومی بۆ ئافرەتان و لەدایکبوون لە هەولێر کرایەوە کە خزمەت بە خەڵکی شاری هەولێر و دەورەبەری دەکات.

سبەی پارتی سەردانی چەند لایەنێکی سیاسی دەکات

عومەر بەکر، بەرپرسی پەیوەندییەکانی بەشی رۆشنبیری و راگەیاندنی پارتی دیموکراتی کوردستان لە لێدوانێکی تایبەت بۆ ماڵپەڕی فەرمی پارتی رایگەیاند، لە درێژەی سەردانەکانی پارتی دیموکراتی کوردستان بۆ لای پارت و لایەنە سیاسییەکانی کوردستان، وا بڕیارە سبەی چوارشەممە رێکەوتی ١ـی ٢ـی ٢٠٢٣ شاندێکی باڵای پارتیمان سەردانی (حزبی شیوعی کوردستان و پارتی سوسیالیست دیموکراتی کوردستان و حزبی زەحمەتکێشانی کوردستان و پارتی رەنجدەرانی کوردستان) بکات.

پارتی سەردانی یەکگرتوو و کۆمەڵ دەکات

عومەر بەکر، بەرپرسی پەیوەندییەکانی بەشی رۆشنبیری و راگەیاندنی پارتی دیموکراتی کوردستان لە لێدوانێکی تایبەت بۆ ماڵپەڕی فەرمی پارتی رایگەیاند، کە وا بڕیارە سبەی سێشەممە رێکەوتی ٣١ـی ١ـی ٢٠٢٣، لە درێژەی سەردانی پارتی دیموکراتی کوردستان بۆ لای لایەنە سیاسییەکانی ھەرێمی کوردستان، شاندێکی باڵای پارتی سەردانی یەکگرتوی ئیسلامی کوردستان و کۆمەڵی دادگەری کوردستان بکات.

سەرۆکی هەرێمی کوردستان دەستپێشخەریی هەیە

هەولێر-KDP.info- راوێژکاری سەرۆکی هەرێمی کوردستان رایگەیاند، سەرۆکی هەرێمی کوردستان دەستپێشخەریی هەیە، بۆ ئەوەی ناوماڵی کوردی یەک بخرێت و ئێستاش سەرقاڵی زەمینەسازییە، چونکە لە پێناو پاراستنی قەوارەی هەرێمی کوردستاندا، دۆستانمان داوای یەکڕیزیی ناوماڵی کوردی دەکەن.