Kurdî  ■  كوردی  ■  عربي
SUN, 5 FEB 2023 08:18 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ڤیان سەبری بۆ KDP: باس له‌ هۆکاری جێگیرنەبوونی نرخی دۆلار ده‌كات
| KDP.info


هه‌ولێر-KDP.info- سەرۆکی فراکسیۆنی پارتی دیموکراتی کوردستان لە پەرلەمانی عێراق گوتی، یەکێک لە هۆکارەکانی جێگیر نەبوونی دۆلار بەرامبەر بەدینار بۆ ئەوە دەگەڕێتەوە پڕۆژە یاسای بودجەی گشتی عێراق  ڕەوانەی پەرلەمان نەکراوە، چونکە لە ناو بودجە نرخی دۆلار بەرامبەر بە دینار دیاری دەکرێت  و ئەگەر نرخەکە جێگیر نەکرێت مەترسی بۆ سەر ئابووری عێراق دروست دەکات.

دکتۆرە ڤیان سەبری، بۆ ماڵپەڕی فەرمیی پارتی دیموکراتی کوردستان گوتی، یەکێک لە هۆکارەکانی جێگیرنەبوونی نرخی دۆلاری ئەمەریکی بەرامبەر بە دیناری عێراقی بۆ ئەوە دەگەڕێتەوە، کە پڕۆژە یاسای بودجەی گشتی عێراق تەواو نەکراوە و بۆ ئەمساڵ ڕەوانەی پەرلەمان نەکراوە، چونکە پێویستە لە ناو پڕۆژە یاسای بودجەی گشتی عێراق ئەوە دیاری بکرێت کە نرخی دۆلار بەرامبەر بەدینار چەند بێت.

سەبری گوتیشی، ئەگەربێت و نرخی دۆلار جێگیر نەکرێت و بەو شێوەیە بەرز و نزمی بەردەوامی هەبێت مەترسی دروست دەکات لەسەر ئابوری عێراق، بۆیە پێویستە چارەسەر بکرێت، ئەگەر نا دواتر چارەسەر کردنی زەحمەت دەبێت.

سەرۆکی فراکسیۆنی پارتی باسی لەوەشکرد، زۆر گرنگە کوردیش نوێنەری هەبێت لە دەزگا فیدراڵیەکان لەوانە بانکی ناوەندی عێراقی، بۆیە  پێویستە هەرێمی کوردستان نوێنەری لەو دەزگا فیدراڵیە هەبێت و مافی هەرێمی کوردستانە.

 

بڵند ئیبراهیم 




دوایین هەواڵەکان

بە نوێنەرایەتی سەرۆک بارزانی، فەلاح حەسەن بەشداریی لە کۆنگرەی پارتی کەتائیبی لوبناندا کرد

SATURDAY, 04 FEBRUARY 2023 19:02:34

فەلاح حەسەن بە نوێنەرایەتیی سەرۆك بارزانی بەشداریی لە كۆنگرەی پارتی كەتائیبی لوبناندا كرد و لەلایەن سەرۆککۆماری پێشووی ئەو وڵاتەوە پێشوازیی لێ كرا.

 

پسپۆڕانی یاسایی: پێویستە ڕێگری لە بڕیارەکانی دادگای باڵای فیدراڵی دژ بە کورد بکرێت

SATURDAY, 04 FEBRUARY 2023 18:02:44

هەڵەبجە -KDP.info- دادگاى فیدراڵى پاش ئەوەى بڕیاری دا لەوەى حکوومەتى عێراق بۆى نییە ٤٠٠ ملیار دینار بۆ هەرێمى کوردستان بنێرێت، ناڕەزایی گەورەى بەدواى خۆیدا هێنا و بڕیارەکەى بە سیاسى و دژ بە بەرژەوەندیى گەلى کورد شرۆڤە کرا و یاساناسان دەڵێن، پێویستە ڕێگرى لە بڕیارەکانى ئەو دادگایە بکرێت لە ڕێگەى گوشارى نێودەوڵەتى و گۆڕانکارى لە یاساکە و زیادکردنى ئەندامەکانى.

 

زیرەک کەمال: سەرۆکی هەرێم لەگەڵ هەڵبژاردنە لە کاتی خۆیدا

SATURDAY, 04 FEBRUARY 2023 18:02:18

هەولێر -KDP.info- ڕاوێژکارێکی سەرۆکایەتیی هەرێمی کوردستان دەڵێت، سەرۆکی هەرێم لەگەڵ بەڕێوەچوونی پرۆسەی هەڵبژاردنە لە کاتی خۆیدا و فەرمانی هەرێمییش بۆ دیاریکردنی ڕۆژی هەڵبژاردن دەردەکات.

 

لەیلا عەبدولجەبار: بۆ نەهێشتنی گەندەڵی دەمانەوێ سوود لە ئەزموونی مالیزیا وەربگرین

SATURDAY, 04 FEBRUARY 2023 17:02:24

هەولێر -KDP.info- ئەندامێکی لیژنەی دەستپاکیی پەرلەمانی کوردستان ئاشکرای کرد، شاندێکی پەرلەمان سەردانی مالیزیا دەکات و دەیەوێت سوود لە ئەزموونی مالیزیا وەربگیرێت بۆ بنەبڕکردنی گەندەڵی.

 

نەخۆشخانەیەکی نوێی حکوومی لە شاری هەولێر کەوتە خزمەت هاووڵاتیان

SATURDAY, 04 FEBRUARY 2023 16:02:44

هەولێر-KDP.info- گوتەبێژی تەندروستیی هەولێر گوتی، نەخۆشخانەیەکی دیکەی حکوومی بۆ ئافرەتان و لەدایکبوون لە هەولێر کرایەوە کە خزمەت بە خەڵکی شاری هەولێر و دەورەبەری دەکات.

 



 
© 2023 Kurdistan Democratic Party, KDP

Contact