Kurdî  ■  كوردی  ■  عربي
MON, 25 SEP 2023 16:55 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

پارتی دیموكراتی كوردستان له‌ ئه‌ورووپا خۆی بۆ چالاكیی زیاتر ئاماده‌ ده‌كات
| KDP.info


هۆڵه‌ندا –KDP.info-  پارتی دیموكراتی كوردستان به‌ به‌رنامه‌ و پلانێكی نوێوه‌ خۆی ئاماده‌ ده‌كات له‌ ئه‌ورووپا بۆ هاوئاهه‌نگیی زیاتر له‌گه‌ڵ ڕه‌وه‌ندی كوردستانی له‌ ده‌ره‌وه‌ی وڵات و به‌رپرسێكی ڕێكخستنی ئه‌و حزبه‌ ڕایگه‌یاند، هه‌وڵ و چالاكییه‌كانمان هه‌م له‌ چوارچێوه‌ی كاری ڕێكخستندا و هه‌م له‌ بواری په‌یوه‌ندییه‌ كوردستانییه‌كان و ڕه‌وه‌ندی كوردستانی له‌ وڵاتانی ده‌ره‌وه‌ و به‌تایبه‌تی له‌ هۆڵه‌ندا فراوانتر و چڕتر ده‌كه‌ین.

عه‌لی هروری، به‌رپرسی ڕێكخستنی پارتی دیموكراتی كوردستان له‌ هۆڵه‌ندا، له‌ لێدوانێكی تایبه‌تدا بۆ ماڵپه‌ڕی فه‌رمی پارتی دیموكراتی كوردستان ڕایگه‌یاند: ''ئێمه‌ له‌ 22/1/2023 كۆبوونه‌وه‌یه‌كی فراوانمان ئه‌نجام دا له‌ ناوچه‌ی هۆڵەندا بۆ دوو مه‌به‌ستی سه‌ره‌كی، بابه‌تی یه‌كه‌می ئه‌و كۆبوونه‌وەیە‌ په‌یوه‌ست بوو به‌ كاری پارتایه‌تی و ڕێكخستنی پارتی دوای كۆنگره‌ی 14 و ئاینده‌ی پارتی له‌ هۆڵه‌ندا و گه‌شه‌كردنی پارتی له‌م وڵاته‌ و ڕۆڵی زیاتری ئافره‌تان و لاوان له‌ناو ڕێكخستنه‌كانی پارتیمان، دیاره‌ ته‌وه‌ری دووهه‌ممان ته‌وه‌ری چالاكییه‌ نه‌ته‌وایه‌تییه‌كانمان بوون، به‌تایبه‌تی بۆ مانگی 3 و‌ دوو جۆره‌ چالاكی له‌خۆ ده‌گرێ كه‌ هه‌ندێكیان خۆمان وه‌ك ناوچه‌ی پارتی له‌ هۆڵەندا جێبه‌جێی ده‌كه‌ین به‌ هه‌ماهه‌نگی له‌گه‌ڵ ڕێكخراوه‌ جه‌ماوه‌ری و پیشه‌ییه‌كانی پارتیمان وه‌ك یه‌كیه‌تییه‌كانی قوتابیان و لاوان و ئافره‌تان بۆ یاده‌ جۆراوجۆره‌كان، وه‌ك یاده‌كانی بارزانیی نه‌مر و یادی دامه‌زراندنی قوتابییان و لاوان و ڕۆژی جیهانیی ئافره‌تان.''

عه‌لی هروری هه‌روه‌ها ڕایگه‌یاند: ''لایه‌نێكی تری چالاكی و به‌رنامه‌كانمان بۆ ساڵی 2023 و له‌ دوای كۆنگره‌ی 14 بریتی ده‌بێت له‌ فراوانتركردنی چالاكییه‌كانمان له‌گه‌ڵ پارته‌كانی هه‌ر چوار به‌شی كوردستان له‌ هۆڵه‌ندا بۆ بۆنه‌ نه‌ته‌وایه‌تییه‌كانی وه‌ك نه‌ورۆز له‌ پایته‌ختی هۆڵەندا و هه‌روه‌ها یادكردنه‌وه‌ی ڕووداوه‌ تراژیدیاكانی كوردستان، دیاره‌ به‌ شێوه‌یه‌كی گشتی ئێمه‌ وه‌ك پارتی به‌ دوو شێوه‌ له‌ هۆڵه‌ندا كار ده‌كه‌ین، یه‌كیان له‌ژێر چتری هاوكاریی هه‌موو پارته‌ كوردستانییه‌كانی هه‌ر چوار پارچه‌ی كوردستان و ئه‌وی تریش له‌ژێر چه‌تری ڕێكخراوی كاری كۆمه‌ڵگه‌ی مه‌ده‌نی بۆ كاری هاوبه‌شه‌ كه‌ ئه‌م دوو ناوه‌نده‌ له‌ هۆڵه‌ندا به‌فه‌رمی تۆمار كراون، له‌ لایه‌كی تر ئێمه‌ وه‌ك پارتی كار ده‌كه‌ین كه‌ ئه‌ندامان و لایه‌نگرانی ئێمه‌ ڕۆڵیان هه‌بێ له‌ هه‌ڵبژاردنه جۆراوجۆره‌كانی هۆڵه‌ندا كه‌ بریتین له‌ هه‌ڵبژاردنی په‌رله‌مانی هۆڵه‌ندا و ئه‌نجومه‌نی شاره‌وانییه‌كان و ئه‌نجومه‌نی پارێزگاكانی ئه‌م وڵاته‌ و دواین هه‌ڵبژاردنیان بۆ پارێزگاكانه‌ كه‌ بڕیاره‌ له‌ كۆتاییی مانگی ئاداری ئه‌مساڵ به‌ڕێوه‌ بچێت، ئه‌م چالاكییانه‌ی كه‌ باسمان كردن، لیژنه‌ی ناوچه‌ی پارتیمان له‌ هۆڵه‌ندا به‌ هه‌ماهه‌نگی له‌گه‌ڵ ڕێكخراوه‌ مه‌ده‌نییه‌كانی سنووره‌كه‌مان كاریان له‌سه‌ر ده‌كا و به‌ نیسبه‌ت ڕه‌وه‌ندی كوردستانییش به‌ دڵنیاییه‌وه‌ ئێمه‌ وه‌كوو پارتی پابه‌ندی هه‌موو ئه‌و بڕیارانه‌ ده‌بین كه‌ به‌رژه‌وه‌ندی و یه‌كڕیزیی ناوماڵی كورد ده‌پارێزێ.''

 

سه‌ڵاح جه‌لال

 




دوایین هەواڵەکان

"ده‌بێت یاسای پێكهێنانی دادگای فیدڕاڵی دووباره‌ دابڕێژرێته‌وه‌"

MONDAY, 25 SEPTEMBER 2023 16:09:26

یه‌كێك له‌ دامه‌زرێنه‌رانی یه‌كگرتووی ئیسلامی كوردستان باس له‌ هه‌ڵوێستی به‌غدا ده‌كات به‌رانبه‌ر به‌ هه‌رێمی كوردستان و ئاماژه‌ به‌وه‌ ده‌كات ناكرێت سیاسه‌تی برسیكردن په‌یڕه‌و بكرێت.

 

"لە خانەقین ئامادەکاری باش بۆ هەڵبژاردن کراوە"

MONDAY, 25 SEPTEMBER 2023 16:09:42

خانەقین_KDP.info_ بەرپرسی لقی 15ی پارتی دیموکراتی کوردستان لە خانەقین گوتی: ئامادەکاری زۆر باشمان بۆ هەلبژاردنی ئەنجوومەنی پارێزگاکان کردووە و کار دەکەین بۆ ئەوەی لەکۆی ئەو 15 کورسیەی هەیە وەکو پارتی بەلایەنی کەمەوە کورسییەک بەدەست بێنین.

 

فراکسیۆنی پارتی: پێویستە هەر بڕیارێک حکوومەت بیدات جێبەجێ بکرێت

MONDAY, 25 SEPTEMBER 2023 16:09:44

بەغدا _KDP.info_  سەرۆکی فراکسیۆنی پارتی دیموکراتی کوردستان لە پەرلەمانی عێراق گوتی: حکوومەتی هەرێمی کوردستان پابەندی ڕێککەوتن لەگەڵ بەغدا بووە و پێویستە حکوومەتی عێراقیش پابەند بێت، بۆیە ئەو پارەیەی ڕەوانەی هەرێمی کوردستان دەکرێت کەمە و پێویستە مانگانە ترلیۆنێک و375ملیار دینار بۆ هەرێمی کوردستان ڕەوانە بکەن، گوتیشی: ڕاگرتنی نەوتی هەرێمی کوردستان بۆ دەرەوە زیانی لە قازانج زیاترە ، چونکە عێراق داوای ملیارێک و400ملیۆن لە تورکیا دەکات تا ئێستا شەش ملیار زیانی کردووە، بۆیە باشترە بگەنە ڕێککەوتن و دەست بە هەناردەکردن بکرێتەوە.

 

"کۆمسیۆن ئامادەکاری کردووە"

MONDAY, 25 SEPTEMBER 2023 16:09:16

شارەزایەکی ھەڵبژاردن پێی وایە، ھەردوو سیستەمی ئەلیکترۆنی و دەستی بۆ ژماردنی دەنگەکان لە ھەڵبژاردنی داھاتووی پەرلەمانی کوردستان جێبەجێ بکرێن، دەشڵێ: کۆمسیۆنی باڵای ھەڵبژاردنەکانی عێراق ئامادەکاری کردووە بۆ بەڕێوەبردنی ئەو پرۆسەیە.

 

"ھەزار جار بەڵێ بۆ ڕیفراندۆم"

MONDAY, 25 SEPTEMBER 2023 15:09:50

ئەمڕۆ شەش ساڵ بەسەر پرۆسەی ڕیفراندۆمی ھەرێمی کوردستاندا تێدەپەڕێت و ھاووڵاتییانیش ئەم یادە بەرز ڕادەگرن، دەشڵێن: ھەزار جار ئامادەین بۆ ڕیفراندۆم و سەربەخۆیی کوردستان.

 



 
© 2023 Kurdistan Democratic Party, KDP

Contact