عومەر بەکر، بەرپرسی پەیوەندییەکانی بەشی رۆشنبیری و راگەیاندنی پارتی دیموکراتی کوردستان لە لێدوانێکی تایبەت بۆ ماڵپەڕی فەرمی پارتی رایگەیاند، لە درێژەی سەردانەکانی پارتی دیموکراتی کوردستان بۆ لای پارت و لایەنە سیاسییەکانی کوردستان، وا بڕیارە سبەی چوارشەممە رێکەوتی ١ـی ٢ـی ٢٠٢٣ شاندێکی باڵای پارتیمان سەردانی (حزبی شیوعی کوردستان و پارتی سوسیالیست دیموکراتی کوردستان و حزبی زەحمەتکێشانی کوردستان  و پارتی رەنجدەرانی کوردستان) بکات.

عومەر بەکر، بەرپرسی پەیوەندییەکانی بەشی رۆشنبیری و راگەیاندنی پارتی دیموکراتی کوردستان لە لێدوانێکی تایبەت بۆ ماڵپەڕی فەرمی پارتی رایگەیاند، کە وا بڕیارە سبەی سێشەممە رێکەوتی ٣١ـی ١ـی ٢٠٢٣، لە درێژەی سەردانی پارتی دیموکراتی کوردستان بۆ لای لایەنە سیاسییەکانی ھەرێمی کوردستان، شاندێکی باڵای پارتی سەردانی یەکگرتوی ئیسلامی کوردستان و کۆمەڵی دادگەری کوردستان بکات.

هەولێر-KDP.info- راوێژکاری سەرۆکی هەرێمی کوردستان رایگەیاند، سەرۆکی هەرێمی کوردستان دەستپێشخەریی هەیە، بۆ ئەوەی ناوماڵی کوردی یەک بخرێت و ئێستاش سەرقاڵی زەمینەسازییە، چونکە لە پێناو پاراستنی قەوارەی هەرێمی کوردستاندا، دۆستانمان داوای یەکڕیزیی ناوماڵی کوردی دەکەن.