Kurdî  ■  كوردی  ■  عربي
SUN, 5 FEB 2023 07:28 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

د. ڤیان سەبری: چەندین داواکاریمان ئاراستەی سوودانی کردووە
| KDP.info


بەغدا -KDP.info- فراکسیۆنی پارتی لە پەرلەمانی عێراق سەردانی سەرۆکوەزیرانی عێراقی کردووە و سەرۆکی فراکسیۆنیش دەڵێت، جگە لەوەی پاڵپشتیی خۆمان بۆ بەرنامەی کابینەکەی سوودانی ڕاگەیاند، ھاوکات چەندین داواکاریی خەڵکی ھەرێمی کوردستانمان پێشکەش بە سەرۆکوەزیران کرد.

د. ڤیان سەبری، سەرۆکی فراکسیۆنی پارتی، بە ماڵپەڕی فەرمیی پارتی دیموکراتی کوردستانی ڕاگەیاند: "دوێنی وەک فراکسیۆنی پارتی لە پەرلەمانی عێراق سەردانی محەمەد شیاع سوودانی، سەرۆکوەزیرانی عێراقمان کرد، مەبەست لە سەردانەکە بۆ پیرۆزبایی و پشتیوانی بوو لە کابینەی سوودانی وەک ھاوپەیمانیی ئیدارەی دەولە، داوامان کرد پابەند بن بەو ڕێککەتننانەی لە نێوان لایەنە سیاسییەکاندا کراون لە چوارچێوەی ھاوپەیمانیی ئیدارەی دەولەتدا.''

سەرۆکی فراکسیۆنی پارتی گوتیشی: "بە نووسراوی فەرمیی ژمارەیەک داواکاریی خەڵکی ھەرێمی کوردستانمان پێشکەش بە سەرۆکوەزیرانی عێراق کرد، لەوانەش جێبەجێکردنی ماددەی ١٤٠ی دەستووری عێراق و ھەنگاوەکانی ئاساییکردنەوەی ڕەوشی ئەو ناوچانە، ھەروەھا دابینکردنی مافەکانی پێشمەرگە و کێشەکانی سەر سنووریش چارەسەر بکرێن.''

د. ڤیان سەبری ڕوونی کردەوە: ''داوامان لە سوودانی کرد ژمارەی فەرمانبەرانی ھەرێمی کوردستان زیاد بکرێن لە چوارچێوەی بودجەی گشتیی عێراقدا، ھەروەھا خەرجکردنی پارەی ساڵانی ڕابردووی جووتیارانی ھەرێم خەرج بکرێت و ژمارەیەک قوتابخانە لە چوارچێوەی ڕێککەوتنی عێراق و چین لە ھەرێمی کوردستان دروست بکرێن، جگە لەوەش، داوای مافی کەسوکاری شەھیدان و ئەنفالکراوامان کردووە.''

 

قائید میر




دوایین هەواڵەکان

بە نوێنەرایەتی سەرۆک بارزانی، فەلاح حەسەن بەشداریی لە کۆنگرەی پارتی کەتائیبی لوبناندا کرد

SATURDAY, 04 FEBRUARY 2023 19:02:34

فەلاح حەسەن بە نوێنەرایەتیی سەرۆك بارزانی بەشداریی لە كۆنگرەی پارتی كەتائیبی لوبناندا كرد و لەلایەن سەرۆککۆماری پێشووی ئەو وڵاتەوە پێشوازیی لێ كرا.

 

پسپۆڕانی یاسایی: پێویستە ڕێگری لە بڕیارەکانی دادگای باڵای فیدراڵی دژ بە کورد بکرێت

SATURDAY, 04 FEBRUARY 2023 18:02:44

هەڵەبجە -KDP.info- دادگاى فیدراڵى پاش ئەوەى بڕیاری دا لەوەى حکوومەتى عێراق بۆى نییە ٤٠٠ ملیار دینار بۆ هەرێمى کوردستان بنێرێت، ناڕەزایی گەورەى بەدواى خۆیدا هێنا و بڕیارەکەى بە سیاسى و دژ بە بەرژەوەندیى گەلى کورد شرۆڤە کرا و یاساناسان دەڵێن، پێویستە ڕێگرى لە بڕیارەکانى ئەو دادگایە بکرێت لە ڕێگەى گوشارى نێودەوڵەتى و گۆڕانکارى لە یاساکە و زیادکردنى ئەندامەکانى.

 

زیرەک کەمال: سەرۆکی هەرێم لەگەڵ هەڵبژاردنە لە کاتی خۆیدا

SATURDAY, 04 FEBRUARY 2023 18:02:18

هەولێر -KDP.info- ڕاوێژکارێکی سەرۆکایەتیی هەرێمی کوردستان دەڵێت، سەرۆکی هەرێم لەگەڵ بەڕێوەچوونی پرۆسەی هەڵبژاردنە لە کاتی خۆیدا و فەرمانی هەرێمییش بۆ دیاریکردنی ڕۆژی هەڵبژاردن دەردەکات.

 

لەیلا عەبدولجەبار: بۆ نەهێشتنی گەندەڵی دەمانەوێ سوود لە ئەزموونی مالیزیا وەربگرین

SATURDAY, 04 FEBRUARY 2023 17:02:24

هەولێر -KDP.info- ئەندامێکی لیژنەی دەستپاکیی پەرلەمانی کوردستان ئاشکرای کرد، شاندێکی پەرلەمان سەردانی مالیزیا دەکات و دەیەوێت سوود لە ئەزموونی مالیزیا وەربگیرێت بۆ بنەبڕکردنی گەندەڵی.

 

نەخۆشخانەیەکی نوێی حکوومی لە شاری هەولێر کەوتە خزمەت هاووڵاتیان

SATURDAY, 04 FEBRUARY 2023 16:02:44

هەولێر-KDP.info- گوتەبێژی تەندروستیی هەولێر گوتی، نەخۆشخانەیەکی دیکەی حکوومی بۆ ئافرەتان و لەدایکبوون لە هەولێر کرایەوە کە خزمەت بە خەڵکی شاری هەولێر و دەورەبەری دەکات.

 



 
© 2023 Kurdistan Democratic Party, KDP

Contact