Kurdî  ■  كوردی  ■  عربي
SAT, 4 FEB 2023 08:16 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"لایەنەکان پێشوازی لە بڕیارێکی پارتی دەکەن"
| KDP.info


هەولێر -KDP.info- یەکێک لە بڕیارەکانی کۆنگرەی ١٤ی پارتی دیموکراتی کوردستان کردنەوەی لاپەڕەیەکی نوێیە لەگەل ھەموو لایەنە کوردستانییەکان و لایەنەکانیش ئەو بڕیارەی پارتی بۆ چارەسەرکردنی کێشەکان بە کاریگەر دەزانن و پێشوازیی لێ دەکەن.

بێکەس قادر، ئەندامی مەکتەبی سیاسیی حزبی زەحمەتکێشانی کوردستان، بە ماڵپەڕی فەرمیی پارتی دیموکراتی کوردستانی ڕاگەیاند: "ئێمە پێشوازی لە ھەموو پێشنیارێک دەکەین بۆ یەکڕیزی و ئاشتەوایی لەپێناو چارەسەرکردنی کێشە ناوخۆیییەکانی ھەرێم لە ڕێگەی دانوستانەوە، ھەڵدانەوەی لاپەڕەی نوێ و دەستپێشخەری بۆ لایەنەکان بە ھەنگاوی باش دەزانین و پێمان وایە ئێستا بۆ چارەسەرکردنی کێشە ناوخۆییەکان جگە لە دانوستان ھیچ بەدیلێکی دیکەمان نییە، پێشتریش ڕێگەی دیکە تاقی کراونەتەوە و دواجار گەڕاوینەتەوە بۆ دیالۆگ و داوامان لە ھەموو لایەنەکان ئەوەیە بەتایبەتی پارتی و یەکێتی وەک دوو لایەنی سەرەکیی پێکھێنەری حکوومەتی ھەرێم کێشەکان بە دانوستان چارەسەر بکرێن.''

هەر لەم بارەیەوە، ھەندرێن ئەحمەد، بەرپرسی پەیوەندییەکانی حزبی شیوعیی کوردستان، بۆ ماڵپەڕی فەرمیی پارتی دیموکراتی کوردستان گوتی: "ئێمە وەک حزبی شیوعی و لیژنەی کاری ھاوبەشی لایەنە چەپەکان سەردانی لایەنە سیاسییەکانمان کردووە و یەکێک لە بیرۆکەکانی خستمانە بەردەست لایەنەکان، کە پێویستە لایەنە سیاسییەکان لە ناوەندێکدا کۆ ببنەوە و لەسەر بەرنامەیەک بگەنە ڕێککەوتن لەبارەی پرسە باڵاکانەوە، ئەوانەی پەیوەندییان بە ئایندەی نیشتمانەوە ھەیە، ھەروەھا ڕێککەوتنیش بکرێت لەبارەی پرسە نیشتمانییەکان بۆ پاراستنی ھەرێمی کوردستان.''

بەرپرسەکەی حزبی شیوعی دەڵێت: "پێش کۆنگرە ئێمە لەگەڵ پارتی باسی پەیوەندییەکانمان کرد، دوای کۆنگرەش پێمان باشە پارتی بڕیاری داوە لاپەڕەیەکی نوێ لەگەل ھەموو لایەنە سیاسییەکان بکاتەوە، ئەو پێشنیارانە لە ھەر لایەنێکەوە بێت پێشوازیی لێ دەکەین، ئەو کێشە و گرفتانەی ھەیە بە ڕێککەوتن چارەسەر بکرێن، چ ئەوانەی بەشدارن لە حکوومەتی ھەرێمی کوردستان و چ ئەوانەیشی کە لە  ئۆپۆزسیۆنن، دەبێ ئالیەتێک ھەبێت ئەوانیش بەشدار بن لە پرسە نیشتمانییەکان، بڕیارەکەی پارتییش لە کۆنگرە بە ھەنگاوێکی باش دەزانین.''

 

قائید میرۆ




دوایین هەواڵەکان

ب ڤان بڕیار و ره‌فتارا ئێراق دێ به‌ره‌ف تۆنێله‌كا تاری چیت

THURSDAY, 02 FEBRUARY 2023 19:02:07

كاڤین شیخ سعید*

 
هاوڕێ مەنسوور بەگ: به‌ ئاماده‌بوونی دیپلۆماتكار و نوێنه‌رانی 13 وڵاتی ئەورووپا باسی نه‌وت و غازی سروشتیی كوردستان كرا

THURSDAY, 02 FEBRUARY 2023 17:02:54

كۆماری چیك -KDP.info- ڕۆژی 27/1/2023 له‌ پایته‌ختی كۆماری چیك كۆنفرانسێك پێك هات كه، نوێنه‌ری 13 وڵاتی یه‌كیه‌تیی ئەورووپا تێیدا به‌شدار بوون، له‌و كۆنفرانسه‌دا پرێزنته‌یشنێكی فراوان بۆ زانای كورد پ. د. هاوڕێ مەنسوور بەگ، زانای جیۆلۆجیی كوردستان پێك هات كه‌ تێیدا ناوبراو به‌وردی باسی بارودۆخی نه‌وت و غاز‌ له‌ كوردستان و عێراقی كرد و ڕه‌هه‌نده‌ سیاسی و جیۆپۆلیتیكی و ئابوورییه‌كانی بۆ به‌شداربووان شی كرده‌وه‌ و وه‌ڵامی پرسیاری ئاماده‌بووانی دایه‌وه‌.

 

پشتیوان سادق: ئەمساڵ هەڵبژاردن لە کاتی خۆی نەکرێت تەواوی ئەزموونی هەرێمی کوردستان دەکەوێتە ژێر پرسیارەوە

THURSDAY, 02 FEBRUARY 2023 16:02:58

هەولێر -KDP.info- دکتۆر پشتیوان سادق، ئەندامی مەکتەبی سیاسیی پارتی دیموکراتی کوردستان گوتی، پارتی دیموکراتی کوردستان ئامادەیە بۆ هەموو ئامادەکاری و ئاسانکارییەک بۆ ئەوەی ئەمساڵ و پێش مانگی 10 هەڵبژاردن ئەنجام بدرێت، چونکە هەڵبژاردن لە کاتی خۆی نەکرێت تەواوی ئەزموونی هەرێمی کوردستان دەکەوێتە ژێر پرسیارەوە.

 

جووتیار عادل: دادگا بە شێوەیەکی یاسایی و دەستووری مامەڵە ناکات

THURSDAY, 02 FEBRUARY 2023 13:02:28

هەولێر-KDP.info- گوتەبێژی حکوومەتی هەرێمی کوردستان گوتی، دادگای فیدراڵی بە شێوەیەکی یاسایی و دەستووری مامەڵە ناکات، بەڵام ئێمە لە گفتوگۆ لەگەڵ حکوومەتی عێراق بۆ گەیشتن بە رێککەوتن بەردەوام دەبین.

 
سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق دەکات

THURSDAY, 02 FEBRUARY 2023 13:02:27

هه‌ولێر-KDP.info- ئه‌مڕۆ پێنجشەممە 2/2 مەسرور بارزانى سه‌رۆكى حکومەتی هه‌رێمى كوردستان، پێشوازى له‌ مایك برایسن ریچاردسن باڵیۆزى به‌ریتانیا له‌ عێراق كرد.

 


 
© 2023 Kurdistan Democratic Party, KDP

Contact