Kurdî  ■  كوردی  ■  عربي
TUE, 6 DEC 2022 23:44 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"ژمارەیەک بڕیار لەبارەی قوتابییانی ھەرێم لە ئێران دەرچوو"
| KDP.info


بەغدا -KDP.info- دوای خۆپێشاندانەکانی وڵاتی ئێران ترس لای قوتابییانی ھەرێمی کوردستان، ئەوانەی بۆ خوێندن چوونەتە ئێران، دروست بووە و جێگری سەرۆکی لیژنەی خوێندنی باڵای پەرلەمانی عێراقیش دەڵێت، لەگەڵ خوێندنی باڵای ھەرێم گەیشتوونە ئەنجام و بڕیاری پێویست لەبارەی چارەنووسی قوتابییانەوە دراوە.

د. نەھلە قادر، جێگری سەرۆکی لیژنەی خوێندنی باڵای پەرلەمانی عێراق، بە ماڵپەڕی فەرمیی پارتی دیموکراتی کوردستانی راگەیاند: "بەھۆی رووداوەکانی کۆماری ئیسلامیی ئێران و رەوشێکی ناھەموار بۆ قوتابییانی ھەرێمی کوردستان لەو وڵاتە دروست بووە و لە دانوستاندا بووین لەگەڵ وەزارەتی خوێندنی باڵای ھەرێمی کوردستان بۆ دۆزینەوەی چارەسەرێکی گونجاو، تا لەسەر کێشەی قوتابییانی کورد لە ئێران گەیشتنە ئەنجام.''

جێگری سەرۆکی لیژنەی خوێندنی باڵا گوتیشی: "چەند ھەنگاوێک نراوە بۆ چارەسەرکردنی کێشەی قوتابییانی کورد لە ئێران و ژمارەیەک بڕیار دەرکراون و کەوتوونەتە واری جێبەجێکردن، لەوانەش تا کۆتاییی ئەم وەرزەی خوێندن بۆ قوتابییان رەچاو ناکرێت، ئەم ماوەیەی لە ھەرێمی کوردستانیان بەسەر برد بویان قەرەبوو دەکرێتەوە.''

د. نەھلە قادر ئاماژەی بۆ ئەوەش کرد: "ھەر قوتابییەک ئارەزووی دواخستنی خوێندنی ھەبێت رەزامەندیی لەسەر دەدرێت و ئەم بڕیارانە لە ١٥ی ئەم مانگەوە بۆیان ھەژمار دەکرێت، واتە جێبەجێ دەکرێن و زۆر سوپاسی وەزیر و بریکار و ھەموو وەزارەتی خوێندنی باڵا و توێژینەوەی زانستی دەکەین بۆ دەرکردنی ئەم بڕیارانە و لەبەرچاوگرتنی رەوشی قوتابییانی کورد لە ئێران.''

 

قائید میرۆ

 




دوایین هەواڵەکان

مەكتەبی سیاسی پارتی سەرەخۆشی لە بەڕێز سەنعان قەساب دەكات

TUESDAY, 06 DECEMBER 2022 20:12:10

بۆ بەڕێز سەنعان قەساب

پەیامی سەرەخۆشیی سەرۆك بارزانی بۆ بەڕێز سەنعان قەساب ئاغا

TUESDAY, 06 DECEMBER 2022 19:12:54

بەناوی خودای مەزن و دلۆڤان

 
د. ڤیان سەبری: چەندین داواکاریمان ئاراستەی سوودانی کردووە

TUESDAY, 06 DECEMBER 2022 16:12:42

بەغدا -KDP.info- فراکسیۆنی پارتی لە پەرلەمانی عێراق سەردانی سەرۆکوەزیرانی عێراقی کردووە و سەرۆکی فراکسیۆنیش دەڵێت، جگە لەوەی پاڵپشتیی خۆمان بۆ بەرنامەی کابینەکەی سوودانی ڕاگەیاند، ھاوکات چەندین داواکاریی خەڵکی ھەرێمی کوردستانمان پێشکەش بە سەرۆکوەزیران کرد.

 

جووتیاران و بازرگانان: مەسرور بارزانى بەڵێنێکی پێداوین

TUESDAY, 06 DECEMBER 2022 16:12:14

هەڵەبجە -KDP.info- مەسرور بارزانى، سەرۆکوەزیرانى کوردستان ڕاىگەیاند لە ئایندەدا نەوت نامێنێت و گرنگى بە کەرتى کشتوکاڵ دەدەین، هاوکارى جووتیاران دەبین و بازاڕى دەرەوە دەدۆزینەوە بۆ بەرهەمەکانیان، جووتیاران و بازرگانانى کشتوکاڵى دەڵێن، مەسرور بارزانى بەڵێنەکەى بردە سەر و هاوکارمانە لە بەرهەمهێنان و بە بازاڕکردنى لە دەرەوەى وڵات.

 

نێچیرڤان بارزانى پێشوازى له‌ باڵیۆزى نوێى سوید كرد

TUESDAY, 06 DECEMBER 2022 15:12:30

ئه‌مڕۆ سێشه‌ممه‌ 2022/12/6 به‌ڕێز نێچیرڤان بارزانى، سه‌رۆكى هه‌رێمى ‏كوردستان له‌ دیدارێكدا له‌ هه‌ولێر له‌گه‌ڵ خاتوو جێسیكا سڤاردسترۆم باڵیۆزى نوێى ‏سوید له‌ عێراق، وێڕاى به‌خێرهێنان و پیرۆزبایى بۆ ده‌ستبه‌كاربوونى وه‌ك باڵیۆزى ‏وڵاته‌كه‌ى له‌ عێراق، هه‌موو پشتگیرییه‌كى بۆ سه‌رخستنى ئه‌ركه‌كه‌ى نیشان دا.‏

 


 
© 2022 Kurdistan Democratic Party, KDP

Contact