Kurdî  ■  كوردی  ■  عربي
TUE, 6 DEC 2022 23:39 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

دیاری حوسێن بۆ KDP: داوای جێبەجێکردنی ڕێککەوتنەکە دەکەین بۆ چۆڵکردنی بارەگاكانمان
| KDP.info


کەرکووک-KDP.info- لە دوای خیانەتی 16ـی ئۆکتۆبەر و داگیرکردنی کەرکووک و ناوچە کوردستانییەکان، ماوەی دوو ساڵە سەرۆکوەزیرانی عێراق بڕیاری چۆڵکردنی بارەگاکانی پارتیی داوە، بەڵام سوپای عێراق و ئیدارەی ناشەرعیی کەرکووک جێبەجێی ناکەن، بەرپرسێکی باڵای پارتیش دەڵێ، یەکەم حزبی جەماوەریی کەرکووکین و دەمانەوێ زوو بگەڕێینەوە و داوای جێبەجێکردنی ڕێککەوتنەکانمان لەگەڵ لایەنی عێراقیدا دەکەین.

دیاری حوسێن، جێگری لێپرسراوی مەکتەبی ڕێکخستنی کەرکووک - گەرمیانی پارتی، بە ماڵپەڕی فەرمیی پارتی دیموکراتی کوردستانی ڕاگەیاند: "بڕیاری چۆڵکردنی بارەگای مەکتەبی ڕێکخستنی کەرکووک - گەرمیان و لق و تەواوی ناوچەکانمان دراوە و ماوەیەکی زۆریشە چاوەڕێین هێزە عێراقییەکان چۆڵیان بکەن، کە ڕێژەیەکی ڕەمزیی چەکداری سوپای عێراق لە بارەگای لق و مەکتەبی ڕێکخستن لە ئێستادا بوونیان هەیە، بەڵام ڕێککەوتنمان هەیە و داوای جێبەجێکردنی ڕێککەوتنەکە دەکەین، تاکو زوو پارتی بگەڕێتەوە، چونکە تاکو درەنگتر بگەڕێینەوە، بۆ ئێمەی پارتی و کەرکووکییەکانیش خراپە".

حوسێن دەڵێ: "لە عێراقدا حکوومەتێک نییە دەسەڵاتی هەبێت و بڵێی ئەمە حکوومەتێکی بەدەسەڵاتە، سەرۆکوەزیران بیەوێت ئیشێک بکات، وەزیری ناوخۆ ناهێڵێت، وەزیری ناوخۆ کارێک دەکات، سوپا ڕێگری لێ دەکات و حەشدی شەعبیش ڕێگری لە سوپا دەکات و لە ناوخۆدا ناڕێکن".

ناوبراو ڕوونیشی کردەوە: "بە بڕیاری سەرۆکوەزیران و حکوومەتی عێراق، دەبوو بارەگاکانی پارتییان دوو ساڵ لەمەوبەر چۆڵ بکردایە و پارتی بگەڕایەتەوە بۆ کەرکووک، بەڵام بڕیاری حکوومەت جێبەجێ نەکراوە".

هێمای بۆ ئەوەش کرد: "سوپای عێراق لە بارەگاکانی پارتییە و میلیشیاکانی حەشدی شەعبی تێدا نییە، بە شێوەیەکی ڕەمزیش سەربازانی سوپای عێراقی تێیاندا ماون".

"لە دواهەڵبژاردنی ئەنجوومەنی نوێنەرانی عێراق، پارتی دەنگی یەکەمی پارێزگای کەرکووکی بەدەست هێنا، لە ئێستاشدا پارتی هەوڵی جیددی دەدات بۆ گەڕانەوە بۆ کەرکووک و ئاساییکردنەوەی دۆخی ئەو پارێزگایە". دیاری حوسێن وای گوت".

جێگری لێپرسراوی مەکتەبی ڕێکخستنی کەرکووک - گەرمیانی پارتی دەشڵێ: "لە کەرکووک و دووزخورماتوو و دووبز و داقووق و قەرەتەپە و جەبارە و جەلەولا و خانەقین و مەندەلی و سەعدییە، بارەگاکانمان لە ژێر دەستی سوپای عێراقدان".

 

عەزیز ڕەسووڵ

 




دوایین هەواڵەکان

مەكتەبی سیاسی پارتی سەرەخۆشی لە بەڕێز سەنعان قەساب دەكات

TUESDAY, 06 DECEMBER 2022 20:12:10

بۆ بەڕێز سەنعان قەساب

پەیامی سەرەخۆشیی سەرۆك بارزانی بۆ بەڕێز سەنعان قەساب ئاغا

TUESDAY, 06 DECEMBER 2022 19:12:54

بەناوی خودای مەزن و دلۆڤان

 
د. ڤیان سەبری: چەندین داواکاریمان ئاراستەی سوودانی کردووە

TUESDAY, 06 DECEMBER 2022 16:12:42

بەغدا -KDP.info- فراکسیۆنی پارتی لە پەرلەمانی عێراق سەردانی سەرۆکوەزیرانی عێراقی کردووە و سەرۆکی فراکسیۆنیش دەڵێت، جگە لەوەی پاڵپشتیی خۆمان بۆ بەرنامەی کابینەکەی سوودانی ڕاگەیاند، ھاوکات چەندین داواکاریی خەڵکی ھەرێمی کوردستانمان پێشکەش بە سەرۆکوەزیران کرد.

 

جووتیاران و بازرگانان: مەسرور بارزانى بەڵێنێکی پێداوین

TUESDAY, 06 DECEMBER 2022 16:12:14

هەڵەبجە -KDP.info- مەسرور بارزانى، سەرۆکوەزیرانى کوردستان ڕاىگەیاند لە ئایندەدا نەوت نامێنێت و گرنگى بە کەرتى کشتوکاڵ دەدەین، هاوکارى جووتیاران دەبین و بازاڕى دەرەوە دەدۆزینەوە بۆ بەرهەمەکانیان، جووتیاران و بازرگانانى کشتوکاڵى دەڵێن، مەسرور بارزانى بەڵێنەکەى بردە سەر و هاوکارمانە لە بەرهەمهێنان و بە بازاڕکردنى لە دەرەوەى وڵات.

 

نێچیرڤان بارزانى پێشوازى له‌ باڵیۆزى نوێى سوید كرد

TUESDAY, 06 DECEMBER 2022 15:12:30

ئه‌مڕۆ سێشه‌ممه‌ 2022/12/6 به‌ڕێز نێچیرڤان بارزانى، سه‌رۆكى هه‌رێمى ‏كوردستان له‌ دیدارێكدا له‌ هه‌ولێر له‌گه‌ڵ خاتوو جێسیكا سڤاردسترۆم باڵیۆزى نوێى ‏سوید له‌ عێراق، وێڕاى به‌خێرهێنان و پیرۆزبایى بۆ ده‌ستبه‌كاربوونى وه‌ك باڵیۆزى ‏وڵاته‌كه‌ى له‌ عێراق، هه‌موو پشتگیرییه‌كى بۆ سه‌رخستنى ئه‌ركه‌كه‌ى نیشان دا.‏

 


 
© 2022 Kurdistan Democratic Party, KDP

Contact