Kurdî  ■  كوردی  ■  عربي
TUE, 6 DEC 2022 23:00 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پاراستنی ڕۆحی پێكە‌وە‌یی
| KDP.info


ھاودەنگ فاروق

سەعدیی شـــیرازی دەڵێ: ئێمە هەموومان ئەندامی یەک جەستەین و ژانی ئەندامێک، ئۆقرە و ئارامی لە هەموو جەســـتەکەدا ناهێڵێ. بچووکترین ڕووداویش لەم نیشتمانەدا دەبێتە هۆی داخ و کەسەری هەمووان، نەخاسمە کارەساتێکی گەورە و دڵتەزێنی وەک ئەوەی كە پێرێ لە شـــاری ســـلێمانی ڕوویدا و ئەو هەموو قوربانییەی لێ کەوتەوە، بێگومان، زیانێکی گەورە و قەرەبۆ نەکراوەی نەتەوەیی و نیشتمانییە.

لە کاتێکدا نەتەوەی كورد لە قۆناغێکی ســـەختی مێژووییدایە و بەرەنگاری چەندین هەڕەشـــەی جیددی دەبێتەوە، یەک لەوانە نوغرۆکردنـــی تایبەتمەندییە فەرهەنگی و ڕۆحییەكانییەتی، دەبینین چەكی خۆڕسكی بەرگری لەخۆكردن، لە ساتێكی تراژیدیی ئاوادا، بەرجەستە دەبێت و هەموو نەتەوە، لەسەر یەك هێڵ و یەك ئامانج كۆدەكاتەوە. لـــەم قۆناغـــەدا، كۆمەڵگـــە لۆكاڵییەكان، لە بـــەردەم فشـــارەكانی گڵۆبالیزمدا ڕەگە کۆمەڵایەتییە خۆڕســـكەكان و لینكی پێكەوەبوونیان لێکترازاوە، بێگومان كۆمەڵگەی كوردســـتانیش مەعســـوم نییە لەم ئافاتە، بە جۆرێك تاكەكانی كۆمەڵگە تەنیا حساب بۆ خۆیـــان بكەن و تاکخوازیی خزاوەتە ناو بیركردنەوەی هەمووانەوە، كەچی لە ئاواها هەلومەرجێکدا ڕۆحی هاوکاریی و هاوخەمیی و هاوسۆزی، سەرلەنوێ دەبوژێتەوە.

ڕەنگە گەلی كوردســـتان، خۆڕاگرترین، ڕەسەنترین كۆمەڵگەی ناوچەكە بێت كە وێڕای نەبوونی دەوڵەت و نەبوونی سیاســـەتی دارێژراوی فەرهەنگی، لە هەمبەر كارەساتێكی وەك ئەوەی سلێمانیدا، ڕەگە خۆڕسكەكانی یەکبوونی خۆی ببوژێنەوە.

ئەمە خەســـڵەتێكی زۆر جوان و گرنگی كۆمەڵگەی كوردســـتانە كە پێویســـتە كاری لەســـەر بكرێت و لێكۆڵینەوەی شایســـتەی لەســـەر بكرێت؛ چونكـــە ئێمە لەبەردەم بەراوردێكی ناچاریداین، لە كۆمەڵگەكانی دیکەدا، دەوڵەت بە پلانی سەرتاسەری دنەی گەشـــەکردن و پتەوکردنی فەرهەنگی نەتەوایەتی دەدات بۆ بوژاندنەوەی خەســـڵەتە ڕەسەنەكانیان پشتیوانییان دەکات، سەرباری ئەوەش ناتوانن سەركەوتن بەدەستبهێنن چونکـــە گڵۆبالیزم بەتەواوی قووتـــی داون، بەڵام ئەوەتا کۆمەڵگـــەی کوردەواری بە شـــێوەیەکی خۆڕســـک ئەو ئەركە گرنگ و چارەنووسسازە جێبەجێ دەکات و هەستە

كوردایەتییەكەی لە شێوەی هاوشیوەنی، هاوخەمی و هاو هەڵوێستیدا نوێدەكاتەوە. ئەوە جوانترین تەحەدای كوردە لەبەردەم هەڕەشەكانی گڵۆبالیزم و پیلانی داگیركەران و نەیارەكاندا.

پێویستە دامەزراوەی فەرمیی هەرێمی كوردستان، لەم خەسڵەتە گرنگەی كۆمەڵگەی كوردستان باشتر تیبگات و بە ئاراستەی پتەوكردنی پایەكانی حوكمڕانیی لە كوردستاندا، سوودی پێویستی لێ وەربگرێت.

 




دوایین هەواڵەکان

مەكتەبی سیاسی پارتی سەرەخۆشی لە بەڕێز سەنعان قەساب دەكات

TUESDAY, 06 DECEMBER 2022 20:12:10

بۆ بەڕێز سەنعان قەساب

پەیامی سەرەخۆشیی سەرۆك بارزانی بۆ بەڕێز سەنعان قەساب ئاغا

TUESDAY, 06 DECEMBER 2022 19:12:54

بەناوی خودای مەزن و دلۆڤان

 
د. ڤیان سەبری: چەندین داواکاریمان ئاراستەی سوودانی کردووە

TUESDAY, 06 DECEMBER 2022 16:12:42

بەغدا -KDP.info- فراکسیۆنی پارتی لە پەرلەمانی عێراق سەردانی سەرۆکوەزیرانی عێراقی کردووە و سەرۆکی فراکسیۆنیش دەڵێت، جگە لەوەی پاڵپشتیی خۆمان بۆ بەرنامەی کابینەکەی سوودانی ڕاگەیاند، ھاوکات چەندین داواکاریی خەڵکی ھەرێمی کوردستانمان پێشکەش بە سەرۆکوەزیران کرد.

 

جووتیاران و بازرگانان: مەسرور بارزانى بەڵێنێکی پێداوین

TUESDAY, 06 DECEMBER 2022 16:12:14

هەڵەبجە -KDP.info- مەسرور بارزانى، سەرۆکوەزیرانى کوردستان ڕاىگەیاند لە ئایندەدا نەوت نامێنێت و گرنگى بە کەرتى کشتوکاڵ دەدەین، هاوکارى جووتیاران دەبین و بازاڕى دەرەوە دەدۆزینەوە بۆ بەرهەمەکانیان، جووتیاران و بازرگانانى کشتوکاڵى دەڵێن، مەسرور بارزانى بەڵێنەکەى بردە سەر و هاوکارمانە لە بەرهەمهێنان و بە بازاڕکردنى لە دەرەوەى وڵات.

 

نێچیرڤان بارزانى پێشوازى له‌ باڵیۆزى نوێى سوید كرد

TUESDAY, 06 DECEMBER 2022 15:12:30

ئه‌مڕۆ سێشه‌ممه‌ 2022/12/6 به‌ڕێز نێچیرڤان بارزانى، سه‌رۆكى هه‌رێمى ‏كوردستان له‌ دیدارێكدا له‌ هه‌ولێر له‌گه‌ڵ خاتوو جێسیكا سڤاردسترۆم باڵیۆزى نوێى ‏سوید له‌ عێراق، وێڕاى به‌خێرهێنان و پیرۆزبایى بۆ ده‌ستبه‌كاربوونى وه‌ك باڵیۆزى ‏وڵاته‌كه‌ى له‌ عێراق، هه‌موو پشتگیرییه‌كى بۆ سه‌رخستنى ئه‌ركه‌كه‌ى نیشان دا.‏

 


 
© 2022 Kurdistan Democratic Party, KDP

Contact