دادگای فیدراڵیی عێراق دانی بە کۆمسیۆنی هەڵبژاردنی هەرێمدا ناوە و بە یاسایی لەقەڵەمی داوە

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

TUE, 27 SEP 2022 15:37 | KDP.info

هەولێر -KDP.info- سەرۆکی کۆمسیۆنی بالای سەربەخۆی هەڵبژاردن و ڕاپرسیی هەرێمی کوردستان گوتی، ئەو بڕیارەی دادگای فیدراڵی لەبارەی کۆمسیۆن داویەتی، زۆر باشە و لە بەرژەوەندیی هەرێمی کوردستاندایە، چونکە دان بە کۆمسیۆندا نراوە و بە یاسایی لەقەڵەم دراوە و هەموو دەسەڵاتەکانیشی وەکوو خۆی ماوە.

هندرێن محەمەد ساڵح بۆ ماڵپەڕی فەرمیی پارتی دیموکراتی کوردستان گوتی: ''دادگای فیدراڵیی عێراق لەبارەی کۆمسیۆنی بالای سەربەخۆی هەڵبژاردن و ڕاپرسیی هەرێمی کوردستانەوە کە داوا کرابوو هەڵبوەشێتەوە، ئەو داوایەی ڕەت کردووەتەوە، بۆیە بڕیارەکە لە بەرژەوەندیی کۆمسیۆنە و ئەو دەسەڵاتانەی هەیەتی وەکوو خۆیان ماونەتەوە و لە بەرژەوەندیی کۆمسیۆنی هەرێمە، بۆیە دادگا دەستکاریی یاسای کۆمسیۆنی نەکردووە کە بەپێی یاسای ژمارە چوار دەسەڵاتەکانی وەکوو خۆیان ماون و نوێکردنەوەی تۆماری دەنگدەران و هەموو شتەکان وەکوو خۆیان ماون و تەنها باس لەوە دەکات کە دەسەڵاتی حەسری نەبێت کە ئەویش کۆمسیۆنی عێراق لە هەرێمیش مافی هەڵبژاردنی هەبێت و ئێمە لێکتێگەیشتنی هاوبەشمان لەگەڵ کۆمسیۆنی عێراق هەیە و لەو بارەیەوە هیچ کێشەمان نییە''.

هندرێن محەمەد ساڵح گوتیشی: ''بڕیارەکەی دادگای فیدراڵی زۆر باش بوو کە دان بە کۆمسیۆنی هەرێمدا نراوە و فەرمی و یاسایییە، بۆیە ئەو سکالایەی تۆمار کراوە خێری بۆ هەرێمی کوردستان تێدایە و لە بەرژەوەندیی هەرێمیش یەکلایی بووەتەوە و دادگا دانی بە کۆمسیۆنی بالای سەربەخۆی هەڵبژاردن و ڕاپرسیی هەرێمی کوردستاندا ناوە.''

بڵند ئیبراهیم

دوایین هەواڵەکان

ماڵپەڕی KDP کاتی دابەشکردنی ٩ ھەزار یەکەی نیشتەجێبوون بڵاو دەکاتەوە

WEDNESDAY, 09 JULY 2025 12:07:14

ھەولێر-KDP.info- بەڕێوەبەری گشتی لە وەزارەتی ئاوەدانکردنەوەی حکوومەتی ھەرێمی کوردستان دەڵێ، ئامادەکاریی تەواو کراوە و لە چەند ڕۆژی داھاتوودا دەست بە دابەشکردنی زیاتر لە ٩ ھەزار یەکەی نیشتەجێبوون بەسەر خەڵکی ھەژار و کەمدەرامەت دەکرێت، کە دابەشکردنیشی لە ڕێگەی تیروپشکەوە دەبێت.

مەسروور بارزانی: تا کۆتایی 2026 پڕۆژەی ڕووناکی دەگاتە سەرتاسەری هەرێمی کوردستان

WEDNESDAY, 09 JULY 2025 11:07:38

هەولێر-KDP.info- مەسروور بارزانی سەرۆکی حکوومەتی هەرێمی کوردستان بەبۆنەی فراوان بوونی پڕۆژەی ڕووناکی و سوودمەندبوونی زیاتر لە دوو ملیۆن هاووڵاتی لە کارەبای 24 کاتژمێری لە ئێکس نووسیویەتی، "تا کۆتایی 2026 پڕۆژەی ڕووناکی دەگاتە سەرتاسەری هەرێمی کوردستان.

پڕۆژەی ڕووناکی گەیشتە زیاتر لە 2 ملیۆن هاووڵاتی

WEDNESDAY, 09 JULY 2025 09:07:18

هەولێر-KDP.info- وه‌زاره‌تی كاره‌بای حكوومه‌تی هه‌رێمی كوردستان ڕایگه‌یاند، زیاتر لە دو ملیۆن هاووڵاتی و 544 هەزار هاوبەش ئێستا سومەندن لە کارەبای 24 کاتژمێری، هەرروەها، زیاتر لە دوو هه‌زار و 100 مۆلیدەی گازوایل لە گەڕەکەکان کوژێنراونەتەوە و تا کۆتایی ساڵی 2026یش، حکوومەتی هەرێم لە پلانیدایە زیاتر لە حه‌وت هه‌زار مۆلیدە بکوژێنێتەوە.

سه‌رۆكى هه‌رێمى كوردستان سه‌ره‌خۆشی له‌ توركیا ده‌كات

TUESDAY, 08 JULY 2025 18:07:58

ھەولێر-KDP.info- سەرۆکی هەرێمی کوردستان لە نامەیەکدا، سه‌ره‌خۆشى له‌ توركیا، خێزان و كه‌سوكارى ئه‌و سه‌ربازانه‌ى وڵاته‌كه‌ كرد، كه‌ ڕۆژانى ڕابردوو له‌ ئه‌شكه‌وتێكى ناوچه‌ شاخاوییه‌كانى هه‌رێمى كوردستان، گیانیان له‌ده‌ست دابوو.

سەرۆکی حکوومەت پێشوازی لە سەرۆکی ئەکادیمیای کوردی کرد

TUESDAY, 08 JULY 2025 16:07:46

هەولێر-KDP.info- سێشەممە 8ـی تەممووزی 2025، مەسروور بارزانی، سەرۆکی حکوومەتی هەرێمی کوردستان، پێشوازی لە حەمەسەعید حەسەن نووسەر و ڕەخنەگری ناسراو و سەرۆکی ئەکادیمیای کوردی کرد.

سەرۆك بارزانی لە 63ـیەمین ساڵیادی دەستپێكی پێشمەرگایەتییدا پەیامێكی بڵاوكردەوە

ھەولێر-KDP.info- سەرۆك بارزانی لە ساڵیادی بوونی بە پێشمەرگەدا، پەیامێكی بڵاو كردەوە و سڵاوی بۆ هەموو پێشمەرگەی كوردستان و رۆحی پاكی شەهیدان نارد.

سه‌رۆك بارزانی: ئومێدەوارم هەموو لایەك بەخۆدا بچنەوە و بگەڕێنەوە بۆ ئەو سێ مەبدەئە و بۆ دەستوور

ھەولێر-KDP.info- ئەمڕۆ پێنجشەممە 15/5/2025، لە هەولێر، بە ئامادبوونی سەرۆک بارزانی و مەسروور بارزانی، جێگری سەرۆکی پارتی دیموکراتی کوردستان، کۆنگرەی یەکگرتنی یەکێتیی قوتابیان و لاوانی دیموکراتی کوردستان دەستی پێكرد، لە كۆنگرەكەدا سەرۆك بارزانی وتارێكی پێشكەش كرد. دەقی وتاری سەرۆك بارزانی:

سەرۆک بارزانی: لە ئاهەنگی کۆڵن ڕێبازی دڵسۆزی بۆ وڵات و كوردستانیبوون سەركەوت

هەولێر-KDP.info- ئەمڕۆ یەكشەممە 23ی 3ی 2025، سەرۆك مەسعود بارزانی لەبارەی ئاهەنگی نەورۆزی شاری كۆڵنی ئەڵمانیا پەیامێكی بڵاو كردەوە و ڕایگەیاند: "جێگەی خۆشحاڵییە ژمارەیەكی زۆری هاووڵاتییانی كورد بە جۆش و خرۆشێكی بێ وێنە بەشدارییان لە ئاهەنگی نەورۆز لە شاری (كۆڵن)ی ئەڵمانیادا كرد."