Kurdî  ■  كوردی  ■  عربي
WED, 7 DEC 2022 00:20 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پەرلەمانتارێکی پارتی: لایەنەکان لە خاڵی ھاوبەش نزیک بوونەتەوە
| KDP.info


بەغدا -KDP.info- شاندی دانوستانی پارتی لە بەغدا خەریکی دانوستانە بۆ گەیشتن بە ڕێککەوتن لەسەر ڕەوشی عێراق و پەرلەمانتارێکی پارتییش دەڵێ، لێک نزیکبوونەوە ھەیە و بڕیارە پەرلەمان لە ئایندەیەکی نزیکدا کۆ ببێتەوە.

شیروان جەمال، پەرلەمانتاری پارتی لە بەغدا، بە ماڵپەڕی فەرمیی پارتی دیموکراتی کوردستانی ڕاگەیاند: "هەوڵەکان بۆ ئەنجامدانی کۆبوونەوەی پەرلەمانی عێراق بەردەوامن و کۆبوونەوەی یەکەم بۆ دیاریکردنی جێگری یەکەمی سەرۆکی پەرلەمانە، دواتر بۆ ھەڵبژاردنی سەرۆککۆماری عێراق، بەڵام تا ئەمڕۆ ڕۆژی بەڕێوەچوونی کۆبوونەوەکە دیاری نەکراوە، بڕیار بوو ئەم حەفتەیە پەرلەمان کۆ ببێتەوە، ھێشتا پشتڕاست نەکراوەتەوە، لەگەڵ ئەوەشدا دانوستانەکان لە نێوان لایەنە عێراقییەکاندا بەردەوامن."

پەرلەمانتارەکەی پارتی گوتیشی: "لێک تێگەیشتن ھەیە لە نێوان لایەنەکاندا، شاندی پارتییش لە بەغدایە و بەردەوام لەگەڵ ھەموو لایەنە سیاسییەکان دانوستان دەکات بۆ گەیشتن بە ئەنجامێک لە بەرژەوەندیی گەلانی عێراق و کوردستان، دانوستانەکانی پارتی لەگەل ھەموو لایەنەکانە بەبێ جیاوازی."

شیروان جەمال ئاماژەی بۆ ئەوەش کرد: "پارتی دەیەوێ لایەنەکان بگەنە خاڵی ھاوبەش بۆ ئەوەی عێراق لەو قەیرانەی تێیدایە دەربازی ببێت، چونکە ئەگەر پەرلەمان کۆ نەبێتەوە و حکوومەتی نوێ پێک نەیەت ئەوە ناتوانن ھەنگاو بەرەو ھەڵبژاردنی پێشوەختە بنێن، لەبەر ئەوەی حکوومەتی کاربەڕێکەر ناتوانێت ئامادەکاری بۆ ھەڵبژاردنی داھاتوو بکات، بەپێچەوانەوە ئەگەر لایەنە عێراقییەکان دەیانەوێ ھەڵبژاردنی پێشوەختیش بەڕێوە بچێت، دەبێت سەرۆککۆمار و حکوومەتی نوێ دەستبەکار بن."

قائید میرۆ
 




دوایین هەواڵەکان

مەكتەبی سیاسی پارتی سەرەخۆشی لە بەڕێز سەنعان قەساب دەكات

TUESDAY, 06 DECEMBER 2022 20:12:10

بۆ بەڕێز سەنعان قەساب

پەیامی سەرەخۆشیی سەرۆك بارزانی بۆ بەڕێز سەنعان قەساب ئاغا

TUESDAY, 06 DECEMBER 2022 19:12:54

بەناوی خودای مەزن و دلۆڤان

 
د. ڤیان سەبری: چەندین داواکاریمان ئاراستەی سوودانی کردووە

TUESDAY, 06 DECEMBER 2022 16:12:42

بەغدا -KDP.info- فراکسیۆنی پارتی لە پەرلەمانی عێراق سەردانی سەرۆکوەزیرانی عێراقی کردووە و سەرۆکی فراکسیۆنیش دەڵێت، جگە لەوەی پاڵپشتیی خۆمان بۆ بەرنامەی کابینەکەی سوودانی ڕاگەیاند، ھاوکات چەندین داواکاریی خەڵکی ھەرێمی کوردستانمان پێشکەش بە سەرۆکوەزیران کرد.

 

جووتیاران و بازرگانان: مەسرور بارزانى بەڵێنێکی پێداوین

TUESDAY, 06 DECEMBER 2022 16:12:14

هەڵەبجە -KDP.info- مەسرور بارزانى، سەرۆکوەزیرانى کوردستان ڕاىگەیاند لە ئایندەدا نەوت نامێنێت و گرنگى بە کەرتى کشتوکاڵ دەدەین، هاوکارى جووتیاران دەبین و بازاڕى دەرەوە دەدۆزینەوە بۆ بەرهەمەکانیان، جووتیاران و بازرگانانى کشتوکاڵى دەڵێن، مەسرور بارزانى بەڵێنەکەى بردە سەر و هاوکارمانە لە بەرهەمهێنان و بە بازاڕکردنى لە دەرەوەى وڵات.

 

نێچیرڤان بارزانى پێشوازى له‌ باڵیۆزى نوێى سوید كرد

TUESDAY, 06 DECEMBER 2022 15:12:30

ئه‌مڕۆ سێشه‌ممه‌ 2022/12/6 به‌ڕێز نێچیرڤان بارزانى، سه‌رۆكى هه‌رێمى ‏كوردستان له‌ دیدارێكدا له‌ هه‌ولێر له‌گه‌ڵ خاتوو جێسیكا سڤاردسترۆم باڵیۆزى نوێى ‏سوید له‌ عێراق، وێڕاى به‌خێرهێنان و پیرۆزبایى بۆ ده‌ستبه‌كاربوونى وه‌ك باڵیۆزى ‏وڵاته‌كه‌ى له‌ عێراق، هه‌موو پشتگیرییه‌كى بۆ سه‌رخستنى ئه‌ركه‌كه‌ى نیشان دا.‏

 


 
© 2022 Kurdistan Democratic Party, KDP

Contact