Kurdî  ■  كوردی  ■  عربي
WED, 28 SEP 2022 00:57 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

جێگری پارێزگار: ئامادەکاریی تەواو بۆ بەرەنگاربوونەوەی لافاو کراوە
| KDP.info


هەولێر -KDP.info- زیاتر لە مانگێکە ئیدارەی ھەولێر خەریکی ئامادەکارین بۆ وەرزی زستان و بەرەنگاربوونەوەی لافاو. جێگری پارێزگاری ھەولێریش دەڵێ، بودجەیەکی باش بۆ بەرەنگاربوونەوەی لافاو تەرخان کراوە و حکوومەت پێش مانگێک دەستی بە ئامادەکاری کردووە.

مەسعود کاڕەش، جێگری پارێزگاری ھەولێر، بە ماڵپەڕی فەرمیی پارتی دیموکراتی کوردستانی ڕاگەیاند: "ماوەی مانگێکە حکوومەت ئامادەکاری بۆ بەرەنگاربوونەوەی لافاو دەکات، نزیکەی ملیارێک و ٦٠٠ ملیۆن تەرخان کراوە تەنیا بۆ کەندی کۆڕنیش، دوو پرد لەسەر کۆڕنشینی ھەولێر دروست دەکرێن. لە لایەکی دیکەوە ٤٠٠ ملیۆن دینار تەرخان کراوە بۆ خاوێنکردنەوەی کۆڕنیش، لەناو سەنتەری ھەولێر دەست بە خاوێنکردنەوەی ئاوەڕۆی ھەولێر کراوە، جگە لەو ئامادەکارییانە لەسەر ڕاسپاردەی سەرۆکی حکوومەتی ھەرێمی کوردستان کۆنفڕانسێک بۆ بەرەنگاربوونەوەی لافاو بەڕێوە چوو، مامۆستایانی زانکۆ خۆیان ئامادە کردبوو، بەڕێوەچوونی کۆنفڕانس ھەنگاوێکی باش بوو لە نێوان زانکۆکان و ئیدارەی خۆجێی ھەولێردا.''

جێگری پارێزگاری ھەولێر گوتی: "ھەر لە چوارچێوەی ئامادەکارییەکان بۆ بەرەنگاربوونەوەی لافاودا پێش چەند ڕۆژێک ٨٠٠ ملیار دینار خەرج کراوە بۆ دروستکردن و خاوێنکردنەوەی ئاوەڕۆی دەوروبەری شەقامی ١٥٠یی ھەولێر و ئێستا بەڵێندەر دەستی بە جێبەجێکردنی کردووە و کاریگەریی دەبێت لەسەر کەمکردنەوەی زیانەکانی لافاو.''

مەسعود کاڕەش ڕوونی کردەوە: "ئەمساڵ وەک حکوومەت ئامادەکاریی تەواوی کردووە بۆ پاراستنی ھەولێر لە لافاو، حکوومەت ناتوانێت ڕێگری لە دروستبوونی لافاو بکات، چونکە گۆڕانکاری لە کەشوھەوا ڕووداوە، وەک ساڵی ڕابردوو لە ماوەیەکی کەم و لەسەر ڕووبەرێکی دیاریکراو بارانێکی زۆر دابارێت، بۆ نموونە لە ساڵی ڕابردوو لە ماوەی دوو کاتژمێردا چوار ملیۆن مەتر سێجا باران باری، ئەوە کێشە دروست دەکات و لافاو پەیدا دەبێت، بەڵام ئێمە وەک ئیدارەی خۆجێی ھەولێر ئەرکی خۆمان جێبەجێ کردووە و ئامادەین بۆ ھەر حاڵەتێکی نەخوازراو.''

قائید میرۆ




دوایین هەواڵەکان

سەرۆکی حكومەت سەردانی جووتیارێکی نموونەیی لە پارێزگای دهۆک دەکات

TUESDAY, 27 SEPTEMBER 2022 20:09:15

ئەمڕۆ سێشەممە 27ی ئەیلوول، مەسرور بارزانی سەرۆکی حکومەتی هەرێمی کوردستان، سەردانی جووتیار محەمەد سەلیم بەربهاری لە گوندی بەربهار کرد لە پارێزگای دهۆک، کە یەکێکە لە جووتیارە نموونەییەکانی دەڤەرەکە و پێش دوو ڕۆژ داوای لە جەنابی سەرۆک بارزانی کردبوو ھاوکاری زیاتری جووتیاران بکرێت .

 
سەرۆکی حکومەت لە گەڵ ژمارەیەک لە وەبەرهێنەر و خاوەنکارانی سنووری ئیدارەی سەربەخۆی زاخۆ کۆدەبێتەوە

TUESDAY, 27 SEPTEMBER 2022 18:09:38

ئەمڕۆ سێشەممە 27 ی ئەیلوول ، مەسرور بارزانی سەرۆکی حکومەتی هەرێمی کوردستان، لە شاری زاخۆ، لە گەڵ ژمارەیەک لە وەبەرهێنەر و خاوەنکارانی سنووری ئیدارەی سەربەخۆی زاخۆ کۆبووەوە.

 
ژمارەیەک ئەفسەری پێشمەرگە خانەنشین دەکرێن

TUESDAY, 27 SEPTEMBER 2022 15:09:37

هەولێر -KDP.info- دوای ڕێکارە یاسایی و سەربازییەکان بە فەرمانی سەرۆکی حکوومەتی ھەرێمی کوردستان زیاتر لە دوو ھەزار ئەفسەری ھێزەکانی پێشمەرگە خانەنشین کران و سەرچاوەیەکیش ئاشکرای کرد، ئەو ئەفسەرانەی خانەنشین کراون بەپێی یاسا بووە.

 

نووسینگەی کوردانی فەیلی بووەتە چەترێک بۆ کۆکردنەوەی کوردانی فەیلی و چارەسەرکردنی کێشەکانیان

TUESDAY, 27 SEPTEMBER 2022 15:09:37

هەولێر -KDP.info- بەرپرسی نووسینگەی کوردانی فەیلی سەر بە بارەگای بارزانی گوتی، نووسینگەی کوردانی فەیلی سەر بە بارەگای بارزانی بووەتە چەترێک بۆ کۆکردنەوەی کوردانی فەیلی لە عێراق و چارەسەرکردنی کێشەکانیان، کە لە عێراق دوو ملیۆن کوردی فەیلی هەیە و هەوڵ دەدرێت ناسنامەش بۆ ئەوانە بگەڕێتەوە کە ناسنامەیان لێ وەرگیراوەتەوە.

 

دادگای فیدراڵیی عێراق دانی بە کۆمسیۆنی هەڵبژاردنی هەرێمدا ناوە و بە یاسایی لەقەڵەمی داوە

TUESDAY, 27 SEPTEMBER 2022 15:09:38

هەولێر -KDP.info- سەرۆکی کۆمسیۆنی بالای سەربەخۆی هەڵبژاردن و ڕاپرسیی هەرێمی کوردستان گوتی، ئەو بڕیارەی دادگای فیدراڵی لەبارەی کۆمسیۆن داویەتی، زۆر باشە و لە بەرژەوەندیی هەرێمی کوردستاندایە، چونکە دان بە کۆمسیۆندا نراوە و بە یاسایی لەقەڵەم دراوە و هەموو دەسەڵاتەکانیشی وەکوو خۆی ماوە.

 



 
© 2022 Kurdistan Democratic Party, KDP

Contact