Kurdî  ■  كوردی  ■  عربي
WED, 28 SEP 2022 00:41 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لە پەراوێزی سەردانەکەی سەرۆکی هەرێمی کوردستاندا بۆ لەندەن
| KDP.info


هۆشیار سیوەیلی

ئەمڕۆ پێگەی گەلی کوردســـتان بە گشتی و پێگەی هەرێمی کوردستان بە تایبەتی لە سەر شانۆی نێودەوڵەتی و ناوچەکەدا دیار و بەهێزە و لە مێژووی کۆن و نوێدا هەرگیز لەم پێگەیەدا نەبوون. بەشداربوونی سەرۆکی هەرێمی کوردســـتان لە مەراسیمی بەخاکســـپاردنی شاژنی بەریتانیا و سەردانی پێشووتری سەرۆکی حکومەت بۆ لەندەن و بینین و سەردان و کۆبوونەوەکانی ســـاڵانی ڕابردووش لە گەڵ گەورە بەرپرسانی بەریتانیا و وڵاتانی تر بەڵگەی ئاشـــکرای بەهێزیی ئەو پێگەیەن. هۆکاری سەرەکی ئـــەو گرنگیپێدانەش بوونی بەرژەوەندی هاوبەشـــە لـــە نێوان هەرێمی کوردستان و ئەو دەوڵەتانەدا. زۆرجـــار گوێم لەوە دەبێت کە بەریتانیا دۆســـتی کورد نییە و تەنانەت کەمیش نیـــن ئەوانەی کە هەڵوێســـتە کۆنەکانی ئـــەو وڵاتە بەرامبەر کوردستان دەخەنە خانەی (دژمنایەتی)یەوە و هەڵوێست و ڕووداوەکانی دوای یەکـــەم جەنگـــی جیهانی و ڕیفرانـــدۆم وەک نموونـــەی خراپی هەڵوێســـتی بەریتانیا باســـدەکەن. حەز ئەکەم پێداگری لەســـەر ئەوە بکەم کە ئەو هەڵوێســـتە خراپانەی ئەو کاتانەی بەریتانیا و هەڵوێستی (دۆستانە)ی ئێستایان لەسەر بنەمای بەرژەوەندییە باڵاکانی ئەو وڵاتە بنیات نراون. نە هەڵوێســـتی خراپی ئەو ســـەردەمانە هەڵقوڵاوی ڕق و تۆڵەســـەندنەوە و پاکتاوکردنی کورد بووە و نە دۆستایەتی ئەمڕۆشیان چەکێکی ســـپی یان کراوەیە بۆ ئێمە، بەڵکـــو بەرژەوەندییان لەوەدایە پەیوەندییان لە گەڵ هەرێمێکی بەهێزی پەرەسەندووی سەقامگیر هەبێت و ئێمەش بەرژەوەندیمان هەیە لە پشتگیری ئەوان بۆ هەرێمی کوردستان و هاوکاریکردنیـــان بۆ حکوومەت و دەزگاکانی حوکمڕانیمان. هەر لەبەر ئەمەشە کە هەوڵی جدی دەدەن بەڕێوەبردن و حوکمڕانییەکەمان بە دەزگا (دامەزراوە)یی بکەن و هێزی پێشمەرگە یەکبخەن و پەیوەندییەکانمان لەگەڵ بەغدا و کۆمەڵگای نێودەوڵەتی باشتر و پێشتر بخەن. مـــن لام وایە لەبەر ڕۆشـــنایی تیۆری (ڕیالیزم)دا بـــۆ پەیوەندییەکانی نێودەوڵەتـــی و دوور لـــە ئایدیاڵیزم و کەفوکوڵی ســـۆزاوی دەتوانین لێکدانەوەی دروستتر و شیاوتر بۆ هەڵسوکەوت و پەیوەندییەکانی وڵاتان بکەین. هـــەروەک ئەڵێن و جاری تریش وتوومە، لـــە پەیوەندی نێوان دەوڵەتان و وڵاتاندا دۆستایەتی و دژمنایەتی بە ڕبەی بەرژەوەندییەکان دەپێورێن.

 




دوایین هەواڵەکان

سەرۆکی حكومەت سەردانی جووتیارێکی نموونەیی لە پارێزگای دهۆک دەکات

TUESDAY, 27 SEPTEMBER 2022 20:09:15

ئەمڕۆ سێشەممە 27ی ئەیلوول، مەسرور بارزانی سەرۆکی حکومەتی هەرێمی کوردستان، سەردانی جووتیار محەمەد سەلیم بەربهاری لە گوندی بەربهار کرد لە پارێزگای دهۆک، کە یەکێکە لە جووتیارە نموونەییەکانی دەڤەرەکە و پێش دوو ڕۆژ داوای لە جەنابی سەرۆک بارزانی کردبوو ھاوکاری زیاتری جووتیاران بکرێت .

 
سەرۆکی حکومەت لە گەڵ ژمارەیەک لە وەبەرهێنەر و خاوەنکارانی سنووری ئیدارەی سەربەخۆی زاخۆ کۆدەبێتەوە

TUESDAY, 27 SEPTEMBER 2022 18:09:38

ئەمڕۆ سێشەممە 27 ی ئەیلوول ، مەسرور بارزانی سەرۆکی حکومەتی هەرێمی کوردستان، لە شاری زاخۆ، لە گەڵ ژمارەیەک لە وەبەرهێنەر و خاوەنکارانی سنووری ئیدارەی سەربەخۆی زاخۆ کۆبووەوە.

 
ژمارەیەک ئەفسەری پێشمەرگە خانەنشین دەکرێن

TUESDAY, 27 SEPTEMBER 2022 15:09:37

هەولێر -KDP.info- دوای ڕێکارە یاسایی و سەربازییەکان بە فەرمانی سەرۆکی حکوومەتی ھەرێمی کوردستان زیاتر لە دوو ھەزار ئەفسەری ھێزەکانی پێشمەرگە خانەنشین کران و سەرچاوەیەکیش ئاشکرای کرد، ئەو ئەفسەرانەی خانەنشین کراون بەپێی یاسا بووە.

 

نووسینگەی کوردانی فەیلی بووەتە چەترێک بۆ کۆکردنەوەی کوردانی فەیلی و چارەسەرکردنی کێشەکانیان

TUESDAY, 27 SEPTEMBER 2022 15:09:37

هەولێر -KDP.info- بەرپرسی نووسینگەی کوردانی فەیلی سەر بە بارەگای بارزانی گوتی، نووسینگەی کوردانی فەیلی سەر بە بارەگای بارزانی بووەتە چەترێک بۆ کۆکردنەوەی کوردانی فەیلی لە عێراق و چارەسەرکردنی کێشەکانیان، کە لە عێراق دوو ملیۆن کوردی فەیلی هەیە و هەوڵ دەدرێت ناسنامەش بۆ ئەوانە بگەڕێتەوە کە ناسنامەیان لێ وەرگیراوەتەوە.

 

دادگای فیدراڵیی عێراق دانی بە کۆمسیۆنی هەڵبژاردنی هەرێمدا ناوە و بە یاسایی لەقەڵەمی داوە

TUESDAY, 27 SEPTEMBER 2022 15:09:38

هەولێر -KDP.info- سەرۆکی کۆمسیۆنی بالای سەربەخۆی هەڵبژاردن و ڕاپرسیی هەرێمی کوردستان گوتی، ئەو بڕیارەی دادگای فیدراڵی لەبارەی کۆمسیۆن داویەتی، زۆر باشە و لە بەرژەوەندیی هەرێمی کوردستاندایە، چونکە دان بە کۆمسیۆندا نراوە و بە یاسایی لەقەڵەم دراوە و هەموو دەسەڵاتەکانیشی وەکوو خۆی ماوە.

 



 
© 2022 Kurdistan Democratic Party, KDP

Contact