Kurdî  ■  كوردی  ■  عربي
MON, 25 SEP 2023 17:23 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

زێباری: واژۆکردنی یاداشتی لێکتێگەیشتن قورسایی ھەرێم لە سەر ئاستی نێودەوڵەتی نیشان دەدات
| KDP.info


ھەولێر-KDP.info- راوێژکاری سەربازی سەرۆکی ھەرێمی کوردستان گوتی، واژۆکردنی یاداشتی لێکتێگەیشتنی نێوان ھەرێم و ئەمەریکا گرنگیەکی زۆری ھەیە و قورسایی ھەرێمی کوردستان لە سەر ئاستی نێودەوڵەتی نیشان دەدات و ئەمەش نوێکردنەوەی ھاوپەیمانیەتی نێوان ھەرێم و ئەمەریکایە.

رۆژی چوارشەممە ٢٠٢٢/٩/٢١ لە ڕێوڕەسمێکدا بە سەرپەرشتیی ‏بەڕێز نێچیرڤان بارزانی، سەرۆکی ھەرێمی کوردستان و بە ئامادەبوونی بەڕێز ‏مەسروور بارزانی، سەرۆکوەزیرانی ھەرێمی کوردستان و خاتوو سێلێست واڵندەر، ‏یاریدەدەری وەزیری بەرگریی ئەمەریکا بۆ کاروباری ئاسایشی نێودەوڵەتی و شاندی ‏یاوەری و بەڕێزان جێگرانی سەرۆکی ھەرێمی کوردستان، جێگری سەرۆکوەزیرانی ھەرێمی کوردستان، باڵیۆزی ئەمەریکا لە عێراق، ژمارەیەک لە وەزیران و راوێژکارانی سەربازی‌، یاداشتێکی لێکگەیشتن لە نێوان ‏وەزارەتی پێشمەرگە و وەزارەتی بەرگریی ئەمەریکادا واژۆکرا.‏

لەمبارەیەوە راوێژکاری سەربازی سەرۆکی ھەرێمی کوردستان، بابەکر زێباری، بۆ ماڵپەڕی فەرمیی پارتی دیموکراتی کوردستان گوتی: "ئیمزاکردنی یاداشتی لێکتێگەیشتنەکە زۆر گرنگە کە ئەمەریکا گەورەترین وڵاتە و گرنگیەکەشی نەک تەنھا لە ڕووی سەربازی بەڵکو لە ڕووی سیاسی و ئابووری و دیبلۆماسیش ھەیە و دەبێتە ھاوپەیمانیەتیەک لە ناوچەکە کە ئارام نیە و ھەموو کێشەیە، بۆیە ئەم رێککەوتنە زۆر گەورەیە و دەبێتە ھۆی پاراستنی ھەرێم و ھەر دەستدرێژیەک بکرێتە سەر ھەرێم دەپارێزرێت و ئەمەش زەمانەتێکە بۆ ھەرێم".

بابەکر زێباری گوتیشی: "ئەمە نوێکردنەوەی ھاوپەیمانیەتییە و ئەوانیش بەرژەوەندیان لە ھەرێم ھەیە و ھەرێمیش بەرژەوەندی لە گەڵ ئەوان ھەیە، بەڵام بەرژەوەندی ئەوان زیاتر لێرە ھەیە و جگە لەوەش ھاوکاریان بۆ پێشمەرگە لە ڕووی ماددی و پرچەککردن و مەشق و راھێنان و رێکخستن بەردەوام دەبیت، بۆیە ھاوکاری ئەوان زۆر گرنگە و پێدانی زانیاری ھەوالگری و ھەر کاتێک پێویستمان بە ھاوکاری ئاسمانی ھەبێت ھاوکاریمان دەکەن و قورسایی ھەرێمیش لە سەر ئاستی نێودەوڵەتی نیشان دەدات".

زێباری ڕوونیشیکردەوە: "ھێزی پێشمەرگە ھێزێکی دەستووری و بەشێکە لە مەنزومەی عێراقی و لەڕووی دەستووری ئەوە یەکلایی کراوەتەوە".

 

بڵند ئیبراھیم

 




دوایین هەواڵەکان

"ده‌بێت یاسای پێكهێنانی دادگای فیدڕاڵی دووباره‌ دابڕێژرێته‌وه‌"

MONDAY, 25 SEPTEMBER 2023 16:09:26

یه‌كێك له‌ دامه‌زرێنه‌رانی یه‌كگرتووی ئیسلامی كوردستان باس له‌ هه‌ڵوێستی به‌غدا ده‌كات به‌رانبه‌ر به‌ هه‌رێمی كوردستان و ئاماژه‌ به‌وه‌ ده‌كات ناكرێت سیاسه‌تی برسیكردن په‌یڕه‌و بكرێت.

 

"لە خانەقین ئامادەکاری باش بۆ هەڵبژاردن کراوە"

MONDAY, 25 SEPTEMBER 2023 16:09:42

خانەقین_KDP.info_ بەرپرسی لقی 15ی پارتی دیموکراتی کوردستان لە خانەقین گوتی: ئامادەکاری زۆر باشمان بۆ هەلبژاردنی ئەنجوومەنی پارێزگاکان کردووە و کار دەکەین بۆ ئەوەی لەکۆی ئەو 15 کورسیەی هەیە وەکو پارتی بەلایەنی کەمەوە کورسییەک بەدەست بێنین.

 

فراکسیۆنی پارتی: پێویستە هەر بڕیارێک حکوومەت بیدات جێبەجێ بکرێت

MONDAY, 25 SEPTEMBER 2023 16:09:44

بەغدا _KDP.info_  سەرۆکی فراکسیۆنی پارتی دیموکراتی کوردستان لە پەرلەمانی عێراق گوتی: حکوومەتی هەرێمی کوردستان پابەندی ڕێککەوتن لەگەڵ بەغدا بووە و پێویستە حکوومەتی عێراقیش پابەند بێت، بۆیە ئەو پارەیەی ڕەوانەی هەرێمی کوردستان دەکرێت کەمە و پێویستە مانگانە ترلیۆنێک و375ملیار دینار بۆ هەرێمی کوردستان ڕەوانە بکەن، گوتیشی: ڕاگرتنی نەوتی هەرێمی کوردستان بۆ دەرەوە زیانی لە قازانج زیاترە ، چونکە عێراق داوای ملیارێک و400ملیۆن لە تورکیا دەکات تا ئێستا شەش ملیار زیانی کردووە، بۆیە باشترە بگەنە ڕێککەوتن و دەست بە هەناردەکردن بکرێتەوە.

 

"کۆمسیۆن ئامادەکاری کردووە"

MONDAY, 25 SEPTEMBER 2023 16:09:16

شارەزایەکی ھەڵبژاردن پێی وایە، ھەردوو سیستەمی ئەلیکترۆنی و دەستی بۆ ژماردنی دەنگەکان لە ھەڵبژاردنی داھاتووی پەرلەمانی کوردستان جێبەجێ بکرێن، دەشڵێ: کۆمسیۆنی باڵای ھەڵبژاردنەکانی عێراق ئامادەکاری کردووە بۆ بەڕێوەبردنی ئەو پرۆسەیە.

 

"ھەزار جار بەڵێ بۆ ڕیفراندۆم"

MONDAY, 25 SEPTEMBER 2023 15:09:50

ئەمڕۆ شەش ساڵ بەسەر پرۆسەی ڕیفراندۆمی ھەرێمی کوردستاندا تێدەپەڕێت و ھاووڵاتییانیش ئەم یادە بەرز ڕادەگرن، دەشڵێن: ھەزار جار ئامادەین بۆ ڕیفراندۆم و سەربەخۆیی کوردستان.

 



 
© 2023 Kurdistan Democratic Party, KDP

Contact