Kurdî  ■  كوردی  ■  عربي
WED, 28 SEP 2022 00:36 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نەجات حەسەن: لە ئەمڕۆوە لە ھەر پێنچ پارێزگاکە ھەڵبژاردن دەست پێدەکات
| KDP.info


ھەولێر-KDP.info- چەند ڕۆژێکە ھەڵبژاردن بۆ ئەندامانی کۆنگرەی ١٤ـی پارتی دەستی پێکردووە، ئەمڕۆش لە پێنچ پارێزگا و مەکتەبە ناوەندییەکانی حیزب، بە چڕی ھەڵبژاردنی ئەندامانی کۆنگرە بەڕێوەدەچێت.

نەجات حەسەن، جێگری سەرۆکی لیژنەی کۆنگرەی ١٤ـی پارتی، بە ماڵپەڕی فەرمیی پارتی دیموکراتی کوردستانی ڕاگەیاند: "پڕۆسەی بەڕێوەچوونی ھەڵبژاردنی مەندووبانی کۆنگرەی ١٤ی پارتی بەردەوامە، لە لق و مەکتەبەکان ھەڵبژاردن دەستی پێکردووە، ھەڵبژاردنەکان زۆرباش دەڕوات کادر و ئەندامانی حیزب ڕوو لە سندوقەکانی دەنگدان دەکەن بە ئازادی نوێنەری دڵخوازی خۆیان ھەڵدەبژێرن".

نەجات حەسەن گوتیشی: "لیژنەی یاسایی بە وردی چاودێری پڕۆسەی ھەڵبژاردنەکان دەکەن لە بازنەکان، سەرکەوتوانە کارەکان بەڕێوەدەچن، لە کاتژمێر ٩ی بەیانی تاوەکو ٥ی ئێوارە سندوقی دەنگدان دادەندرێت، بە ئاماددەبوونی بەشی یاسایی و پاڵێوراوەکان فەرزی دەنگەکان دەکرێت".

ناوبراو گوتیشی: "لە ئەمڕۆوە لە ھەر پێنچ پارێزگاکەی ھەڵەبجە و ھەولێر و کەرکووک و سلێمانی و دھۆک و مووسڵ، لیژنەکان دەست دەکەن بە ھەڵبژاردن، لە مەکتەبی ناوەندییەکان بەڕێوەدەچێت".

ھاوکات ئاماژەی بۆ ئەوەکرد: "بۆ ھەڵبژاردنی مەندوبانی کۆنگرە لە لقی ٥ی بەغدا، لیژنەی خۆی ھەیە و لیژنەکە دەڕواتە بەغدا و بەھەمان شێوە ھەڵبژاردن دەکرێت و نوێنەرانیان ھەڵدەبژێرن".

 

عەزیز ڕەسووڵ




دوایین هەواڵەکان

سەرۆکی حكومەت سەردانی جووتیارێکی نموونەیی لە پارێزگای دهۆک دەکات

TUESDAY, 27 SEPTEMBER 2022 20:09:15

ئەمڕۆ سێشەممە 27ی ئەیلوول، مەسرور بارزانی سەرۆکی حکومەتی هەرێمی کوردستان، سەردانی جووتیار محەمەد سەلیم بەربهاری لە گوندی بەربهار کرد لە پارێزگای دهۆک، کە یەکێکە لە جووتیارە نموونەییەکانی دەڤەرەکە و پێش دوو ڕۆژ داوای لە جەنابی سەرۆک بارزانی کردبوو ھاوکاری زیاتری جووتیاران بکرێت .

 
سەرۆکی حکومەت لە گەڵ ژمارەیەک لە وەبەرهێنەر و خاوەنکارانی سنووری ئیدارەی سەربەخۆی زاخۆ کۆدەبێتەوە

TUESDAY, 27 SEPTEMBER 2022 18:09:38

ئەمڕۆ سێشەممە 27 ی ئەیلوول ، مەسرور بارزانی سەرۆکی حکومەتی هەرێمی کوردستان، لە شاری زاخۆ، لە گەڵ ژمارەیەک لە وەبەرهێنەر و خاوەنکارانی سنووری ئیدارەی سەربەخۆی زاخۆ کۆبووەوە.

 
ژمارەیەک ئەفسەری پێشمەرگە خانەنشین دەکرێن

TUESDAY, 27 SEPTEMBER 2022 15:09:37

هەولێر -KDP.info- دوای ڕێکارە یاسایی و سەربازییەکان بە فەرمانی سەرۆکی حکوومەتی ھەرێمی کوردستان زیاتر لە دوو ھەزار ئەفسەری ھێزەکانی پێشمەرگە خانەنشین کران و سەرچاوەیەکیش ئاشکرای کرد، ئەو ئەفسەرانەی خانەنشین کراون بەپێی یاسا بووە.

 

نووسینگەی کوردانی فەیلی بووەتە چەترێک بۆ کۆکردنەوەی کوردانی فەیلی و چارەسەرکردنی کێشەکانیان

TUESDAY, 27 SEPTEMBER 2022 15:09:37

هەولێر -KDP.info- بەرپرسی نووسینگەی کوردانی فەیلی سەر بە بارەگای بارزانی گوتی، نووسینگەی کوردانی فەیلی سەر بە بارەگای بارزانی بووەتە چەترێک بۆ کۆکردنەوەی کوردانی فەیلی لە عێراق و چارەسەرکردنی کێشەکانیان، کە لە عێراق دوو ملیۆن کوردی فەیلی هەیە و هەوڵ دەدرێت ناسنامەش بۆ ئەوانە بگەڕێتەوە کە ناسنامەیان لێ وەرگیراوەتەوە.

 

دادگای فیدراڵیی عێراق دانی بە کۆمسیۆنی هەڵبژاردنی هەرێمدا ناوە و بە یاسایی لەقەڵەمی داوە

TUESDAY, 27 SEPTEMBER 2022 15:09:38

هەولێر -KDP.info- سەرۆکی کۆمسیۆنی بالای سەربەخۆی هەڵبژاردن و ڕاپرسیی هەرێمی کوردستان گوتی، ئەو بڕیارەی دادگای فیدراڵی لەبارەی کۆمسیۆن داویەتی، زۆر باشە و لە بەرژەوەندیی هەرێمی کوردستاندایە، چونکە دان بە کۆمسیۆندا نراوە و بە یاسایی لەقەڵەم دراوە و هەموو دەسەڵاتەکانیشی وەکوو خۆی ماوە.

 



 
© 2022 Kurdistan Democratic Party, KDP

Contact