Kurdî  ■  كوردی  ■  عربي
WED, 28 SEP 2022 00:51 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پڕۆسەی دەنگدان بۆ ھەڵبژاردنی ٨٠٠ ئەندامی کۆنگرەی ١٤ـی پارتی دەستی پێکرد
| KDP.info


ھەولێر-KDP.info- ئەمڕۆ ٢٧ی مانگ پڕۆسەی ھەڵبژاردن بۆ ئەندامانی کۆنگرەی ١٤ی پارتی دیموکراتی کوردستان دەستی پێکرد، دوو بازنەش بۆ فڕاکسیۆنەکانی کوردستان و بەغدای پارتی زیادکران.

نەجات حەسەن، جێگری سەرۆکی لیژنەی کۆنگرەی ١٤ی پارتی، بە ماڵپەڕی فەرمیی پارتی دیموکراتی کوردستانی ڕاگەیاند: "لیژنەکانی ھەڵبژاردنی مەندووبانی کۆنگرەی ١٤ـی پارتییمان بەگشتی دەستیان بە کارەکانیان کردووە، لەو شوێنانەی پلانیان بۆ داناوە پڕۆسەی ھەڵبژاردن لە ئەمڕۆوە بەڕێوەدەچێت".

ناوبراو ئاماژەی بەوەشکرد: "پێنچ لیژنەی سەرەکییمان ھەیە لە پارێزگاکان سەرپەرشتی پڕۆسەی ھەڵبژاردنی مەندووبانی ئەندامانی کۆنگرە دەکەن، ھەروەھا لیژنەیەکی تایبەتیشمان ھەیە بۆ ھەڵبژاردنی مەکتەبە ناوەندییەکان".

ھاوکات گوتیشی: "ئەندامان بۆ ھەڵبژاردنی مەندووبەکانی کۆنگرە دەبرێنە ئەو بازنەیەی بۆیان دیاریکراوە کە تێدا دەنگ دەدەن، دەشڵێ، بازنەی یەک و بازنەی دوومان ھەیە بۆ فڕاکسیۆنەکانی پەرلەمانی کوردستان و عێراق، لە فڕاکسیۆنی پەرلەمانی کوردستان ٩ ئەندام سەردەکەون و بۆ فڕاکسیۆنی ئەنجوومەنی نوێنەرانی عێراق ٦ کەس سەردەکەوێت".

 

 عەزیز ڕەسووڵ




دوایین هەواڵەکان

سەرۆکی حكومەت سەردانی جووتیارێکی نموونەیی لە پارێزگای دهۆک دەکات

TUESDAY, 27 SEPTEMBER 2022 20:09:15

ئەمڕۆ سێشەممە 27ی ئەیلوول، مەسرور بارزانی سەرۆکی حکومەتی هەرێمی کوردستان، سەردانی جووتیار محەمەد سەلیم بەربهاری لە گوندی بەربهار کرد لە پارێزگای دهۆک، کە یەکێکە لە جووتیارە نموونەییەکانی دەڤەرەکە و پێش دوو ڕۆژ داوای لە جەنابی سەرۆک بارزانی کردبوو ھاوکاری زیاتری جووتیاران بکرێت .

 
سەرۆکی حکومەت لە گەڵ ژمارەیەک لە وەبەرهێنەر و خاوەنکارانی سنووری ئیدارەی سەربەخۆی زاخۆ کۆدەبێتەوە

TUESDAY, 27 SEPTEMBER 2022 18:09:38

ئەمڕۆ سێشەممە 27 ی ئەیلوول ، مەسرور بارزانی سەرۆکی حکومەتی هەرێمی کوردستان، لە شاری زاخۆ، لە گەڵ ژمارەیەک لە وەبەرهێنەر و خاوەنکارانی سنووری ئیدارەی سەربەخۆی زاخۆ کۆبووەوە.

 
ژمارەیەک ئەفسەری پێشمەرگە خانەنشین دەکرێن

TUESDAY, 27 SEPTEMBER 2022 15:09:37

هەولێر -KDP.info- دوای ڕێکارە یاسایی و سەربازییەکان بە فەرمانی سەرۆکی حکوومەتی ھەرێمی کوردستان زیاتر لە دوو ھەزار ئەفسەری ھێزەکانی پێشمەرگە خانەنشین کران و سەرچاوەیەکیش ئاشکرای کرد، ئەو ئەفسەرانەی خانەنشین کراون بەپێی یاسا بووە.

 

نووسینگەی کوردانی فەیلی بووەتە چەترێک بۆ کۆکردنەوەی کوردانی فەیلی و چارەسەرکردنی کێشەکانیان

TUESDAY, 27 SEPTEMBER 2022 15:09:37

هەولێر -KDP.info- بەرپرسی نووسینگەی کوردانی فەیلی سەر بە بارەگای بارزانی گوتی، نووسینگەی کوردانی فەیلی سەر بە بارەگای بارزانی بووەتە چەترێک بۆ کۆکردنەوەی کوردانی فەیلی لە عێراق و چارەسەرکردنی کێشەکانیان، کە لە عێراق دوو ملیۆن کوردی فەیلی هەیە و هەوڵ دەدرێت ناسنامەش بۆ ئەوانە بگەڕێتەوە کە ناسنامەیان لێ وەرگیراوەتەوە.

 

دادگای فیدراڵیی عێراق دانی بە کۆمسیۆنی هەڵبژاردنی هەرێمدا ناوە و بە یاسایی لەقەڵەمی داوە

TUESDAY, 27 SEPTEMBER 2022 15:09:38

هەولێر -KDP.info- سەرۆکی کۆمسیۆنی بالای سەربەخۆی هەڵبژاردن و ڕاپرسیی هەرێمی کوردستان گوتی، ئەو بڕیارەی دادگای فیدراڵی لەبارەی کۆمسیۆن داویەتی، زۆر باشە و لە بەرژەوەندیی هەرێمی کوردستاندایە، چونکە دان بە کۆمسیۆندا نراوە و بە یاسایی لەقەڵەم دراوە و هەموو دەسەڵاتەکانیشی وەکوو خۆی ماوە.

 



 
© 2022 Kurdistan Democratic Party, KDP

Contact