Kurdî  ■  كوردی  ■  عربي
THU, 18 AUG 2022 08:28 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

دژوار فایەق: ڕەوشی ئێستای عێراق کاریگەریی لەسەر ناوچە کوردستانییەکان دەبێت
| KDP.info


هەولێر -KDP.info- ڕاوێژکاری باڵای سەرۆکایەتیی ئەنجومەنی وەزیران ئاماژەی بۆ ئەوە کرد، حکوومەتی ھەرێمی کوردستان بەنیاز بوو لەگەڵ پێکھێنانی حکوومەتی نوێی عێراق ھەنگاو بۆ ئاساییکردنەوەی ڕەوشی ناوچە کوردستانییەکان بنێت و دەشڵێت: ''ئاڵۆزییەکانی ئێستای عێراق کاریگەرییان لەسەر ڕەوشی سنووری ماددەی ١٤٠ی دەستوور ھەیە''.

دژوار فایەق، ڕاوێژکاری سەرۆکایەتیی ئەنجوومەنی وەزیرانی حکوومەتی هەرێمی کوردستان، بە ماڵپەڕی فەرمیی پارتی دیموکراتی کوردستانی ڕاگەیاند: "ڕەوشی ئێستای عێراق و خۆپێشاندانەکانی چەند ڕۆژی ڕابردوو کاریگەری و زیانی بۆ ھەموو عێراق ھەیە، بەتایبەتی کاریگەریی لەسەر ڕەوشی ناوچە کوردستانییەکانی دەرەوەی ئیدارەی حکوومەتی ھەرێمی کوردستان ھەیە، چونکە حکوومەتی ھەرێم بەنیاز بوو لەگەڵ پێکھێنانی حکوومەتی زۆرینە لە عێراق دەست بە دانوستان بکرێت بۆ ئاساییکردنەوەی ڕەوشی ئەو ناوچانەی دەکەونە سنووری ماددەی ١٤٠ی دەستووری عێراق''.

ڕاوێژکارەکەی حکوومەت بۆ کاروباری ماددەی ١٤٠  دەشڵێت: "حکوومەتی ھەرێمی کوردستان پلانی ھەبوو لەگەڵ ھاوپەیمانەکانی لە سیادە دوای پێکھێنانی حکوومەتی نوێ کێشە ھەڵواسراوەکانی نێوان ھەرێم و بەغدا چارەسەر بکرێن، بەتایبەتی ھەنگاونان بۆ ئاساییکردنەوە و جێبەجێکردنی ماددەی ١٤٠ی دەستوور''.

دژوار فایەق ئاماژەی بۆ ئەوەش کرد: "تا دێت ڕەوشی عێراق بەرەو ئاڵۆزیی زیاتر دەچێت، پێم وایە عێراق پێویستی بە جێبەجێکردنی سیستەمێکی فیدڕاڵیی ڕاستەقینە ھەیە بەپێی دەستوور، چونکە دوور نییە شەڕێکی ناوخۆ لە عێراق بەرپا بێت، ئەوکات نەک زیان بە عێراق دەگات، بەڵکوو کورد و ناوچە کوردستانییەکان تووشی زیان دەبن، لەبەر ئەوە پێویستە کورد لەم قۆناغەدا یەکگرتوو بێت و پشتگیری حکوومەتی ھەرێم بکرێت و سوود لە ئەزموونی سەرۆک بارزانی ببینن بۆ دەربازبوون لە قۆناغی ئێستای عێراق''.

 

قائید میرۆ

 




دوایین هەواڵەکان

بە بڕیاری سەرۆکی حکوومەت زیاتر لە 736 ملیار دینار بۆ جێبەجێکردنی پڕۆژە خزمەتگوزارییەکان تەرخان کرا

WEDNESDAY, 17 AUGUST 2022 20:08:20

هەولێڕ-KDP.info- بە بڕیاری سەرۆکی حکوومەتی هەرێمی کوردستان ئەمڕۆ چوارشەممە 17ـی 08ـی 2022 زیاتر لە 736 ملیار دینار بۆ جێبەجێکردنی پڕۆژە خزمەتگوزارییەکان تەرخان کرا.

ناوەڕۆکی کۆبوونەوەی لایەنە سیاسییەکانی عێراق بڵاوکرایەوە

WEDNESDAY, 17 AUGUST 2022 19:08:39

بەغدا-KDP.info- ڕۆژی چوارشەممە 17ـی 08ـی 2022 بە ئامادەبوونی سەرۆک و نوێنەری حزبە سیاسییەکانی عێراق و جینین پلاسخارت، نێردەی گشتیی نەتەوەیەکگرتووەکان بۆ کاروباری عێراق لەسەر بانگهێشتی مستەفا کازمی سەرۆک وەزیرانی عێراق کۆبوونەوە.

ئەنجومەنی وەزیران هەوڵەکانی چارەسەرکردنی کێشەکان لەگەڵ حکومەتی فیدراڵ تاووتوێ دەکات

WEDNESDAY, 17 AUGUST 2022 19:08:39

ئەمڕۆ چوارشەممە 17ی ئابی 2022 ، بە سەرپەرشتی سەرۆک وەزیران مەسرور بارزانی، ئەنجومەنی وەزیرانی هەرێمی کوردستان کۆبووەوە.

 
فازڵ میرانى پێشوازى له‌ میر حازم میر ته‌حسین بەگ كرد

WEDNESDAY, 17 AUGUST 2022 15:08:51

پیرمام-KDP.info- ئه‌مڕۆ له‌ مه‌كته‌بى سیاسى پارتى دیموكراتى كوردستان، فازڵ میرانى سكرتێرى مه‌كته‌بى سیاسى پێشوازى له‌ (میر حازم میر ته‌حسین بەگ)، میرى ئێزدیانى كوردستان و عێراق و جیهان كرد.

 
پەیامی پیرۆزبایی یەکێتی نەتەوەیی دیموکراتی کوردستان

WEDNESDAY, 17 AUGUST 2022 15:08:35

بەبۆنەی ساڵیادی دامەزراندنی پارتی دیموکراتی کوردستان، یەکێتی نەتەوەیی دیموکراتی کوردستان، پەیامی پیرۆزباییان ئاڕاستەی سەرۆک بارزانی کردووە، کە تێدا هاتووە، برای بەڕێزمان جەنابی سەرۆک مەسعود بارزانی رێبەری بزاڤی رزگاریخوازی کوردستان، بە ناوی خۆمان و مەکتەبی سیاسی، پیرۆزبایی ئاڕاستەی جەنابتان و مەکتەبی سیاسی و جەماوەری پارتی دەکەین.

 


 
© 2022 Kurdistan Democratic Party, KDP

Contact