Kurdî  ■  كوردی  ■  عربي
THU, 18 AUG 2022 07:20 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

له‌ KPDیه‌وه‌ بزانه‌ ئه‌و بەنزینخانە بەیەکجاری دادەخرێن
| KDP.info


ھەولێر-KPD.info- بەڕێوەبەری سوتەمەنی ھەولێر گوتی، بەھۆی ئەوەی بەنزینخانەکان بەشێکیان پابەند نابن بە فرۆشتنی بەنزینی کوالێت باش و چەند جاریش سزامان داون، بۆیە دەمانەوێت بەنزینخانەکان بانگھێشت بکەین و ئاگاداریان بکەینەوە ئەوەی ئەمجارە پابەند نەبێت بەنزینخانەکەی دادەخرێت، بۆ ئەو مەبەستە قایمقامیەتی ھەولێریشمان ئاگادارکردۆتەوە.

ئاری کاکەشین، بۆ ماڵپەڕی فەرمیی پارتی دیموکراتی کوردستان گوتی: "بەھۆی ئەوەی ژمارەیەکی زۆری بەنزینخانە لە ھەولێر بەنزینی خراپ بەنرخێکی ھەرزان دەفرۆشن کە ئۆکتانی لە خوار ٨٩ دەبێت کە نابێت لەوە کەمتر بێت، ئێمە لیژنەکانمان بەردەوام سەردانیان دەکەین و ئەوەی سەرپێچی بکات بەپێی جۆری سەرپێچیەکە سزای دەدەین کە تا ملیۆنێک و ھەشت سەد هه‌زار دینار سزای ماددی و سێ رۆژ داخستنی بەنزینخانەکە دەبێت، بەڵام بەداخەوە تا ئێستا بەشێکی زۆری بەنزینخانەکان پابەند نین سەرەڕای ئەوەی سزاش دەدرێن، چونکە وەکو خۆیان باسی لێوەدەکەن کە بەنزین ھەرزان دەفرۆشن زیاتر سەرف دەبێت و ئەگەر بە ھەزار و ٢٠٠ دینار بێت کەمتر دەفرۆشن بۆیە ئەو رێگایە دەگرنەبەر".

کاکەشین گوتیشی: "بۆ چارەسەرکردنی ئەو گرفتە بەشێوەی یەکجارەکی دەمانەوێت بەنزیخانەکان بانگھێشت بکرێن و ئاگاداریان بکەینەوە لەمەودوا تەنھا سزادان و داخستنی سێ رۆژ نابێت ئەگەر سەرپێچی بکەن و بەنزینی خراپ بفرۆشن بەڵکو بەیەکجاری دادەخرێن، بۆ ئەو مەبەستە قایمقامیەتی ھەولێریشمان ئاگادار کردۆتەوە، چونکە بەنزینی خراپ ھەم زیان بە ئۆتۆمبێل دەگەیەنێت و ھەمیش بەژینگە، بۆیە ناکرێت بەردەوام بن لە فرۆشتنی بەنزینی خراپ".

 

بڵند ئیبراھیم




دوایین هەواڵەکان

بە بڕیاری سەرۆکی حکوومەت زیاتر لە 736 ملیار دینار بۆ جێبەجێکردنی پڕۆژە خزمەتگوزارییەکان تەرخان کرا

WEDNESDAY, 17 AUGUST 2022 20:08:20

هەولێڕ-KDP.info- بە بڕیاری سەرۆکی حکوومەتی هەرێمی کوردستان ئەمڕۆ چوارشەممە 17ـی 08ـی 2022 زیاتر لە 736 ملیار دینار بۆ جێبەجێکردنی پڕۆژە خزمەتگوزارییەکان تەرخان کرا.

ناوەڕۆکی کۆبوونەوەی لایەنە سیاسییەکانی عێراق بڵاوکرایەوە

WEDNESDAY, 17 AUGUST 2022 19:08:39

بەغدا-KDP.info- ڕۆژی چوارشەممە 17ـی 08ـی 2022 بە ئامادەبوونی سەرۆک و نوێنەری حزبە سیاسییەکانی عێراق و جینین پلاسخارت، نێردەی گشتیی نەتەوەیەکگرتووەکان بۆ کاروباری عێراق لەسەر بانگهێشتی مستەفا کازمی سەرۆک وەزیرانی عێراق کۆبوونەوە.

ئەنجومەنی وەزیران هەوڵەکانی چارەسەرکردنی کێشەکان لەگەڵ حکومەتی فیدراڵ تاووتوێ دەکات

WEDNESDAY, 17 AUGUST 2022 19:08:39

ئەمڕۆ چوارشەممە 17ی ئابی 2022 ، بە سەرپەرشتی سەرۆک وەزیران مەسرور بارزانی، ئەنجومەنی وەزیرانی هەرێمی کوردستان کۆبووەوە.

 
فازڵ میرانى پێشوازى له‌ میر حازم میر ته‌حسین بەگ كرد

WEDNESDAY, 17 AUGUST 2022 15:08:51

پیرمام-KDP.info- ئه‌مڕۆ له‌ مه‌كته‌بى سیاسى پارتى دیموكراتى كوردستان، فازڵ میرانى سكرتێرى مه‌كته‌بى سیاسى پێشوازى له‌ (میر حازم میر ته‌حسین بەگ)، میرى ئێزدیانى كوردستان و عێراق و جیهان كرد.

 
پەیامی پیرۆزبایی یەکێتی نەتەوەیی دیموکراتی کوردستان

WEDNESDAY, 17 AUGUST 2022 15:08:35

بەبۆنەی ساڵیادی دامەزراندنی پارتی دیموکراتی کوردستان، یەکێتی نەتەوەیی دیموکراتی کوردستان، پەیامی پیرۆزباییان ئاڕاستەی سەرۆک بارزانی کردووە، کە تێدا هاتووە، برای بەڕێزمان جەنابی سەرۆک مەسعود بارزانی رێبەری بزاڤی رزگاریخوازی کوردستان، بە ناوی خۆمان و مەکتەبی سیاسی، پیرۆزبایی ئاڕاستەی جەنابتان و مەکتەبی سیاسی و جەماوەری پارتی دەکەین.

 


 
© 2022 Kurdistan Democratic Party, KDP

Contact