Kurdî  ■  كوردی  ■  عربي
THU, 18 AUG 2022 08:04 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

خۆشحال نیم بەو دۆخەی بەغدا
| KDP.info


هۆشیار سیوەیلی

من نیگەرانم بـــەوەی لە بەغدا دەگوزەرێت، بە تایبەتیش گەر ململانێکان بەرەو شەڕ و یەکدی کوشتن مل بنێن. ڕەنگە ڕای وا هەبێت کە لای وابێت ناسـەقامگیریی لە بەغدا لە بەرژەوەندی هەولێرە، چونکە لەبەر کێشـــەی خۆیان ســـەر ئێمەیان ناپەرژێت. ئەمە بۆچوونێکی چەوتە چونکە شەڕ و ئاژاوە، ماڵوێرانی و کوشتنی لێ دەکەوێتەوە کە ئەمە جگە لەوەی کارێکی خراپە، هیچ گەرەنتییەک نییە بۆ شـــوێنی تر تەشەنە نەکات و ڕەنگە تەڕ و وشـــکیش پێکەوە بسووتێنێت و زەمینەیەکی لەباریش بۆ گەشەکردن و سەهەڵدانەوەی داعش و رادیکالیزم بڕەخسێنێت. ئەمە سەرەڕای ئەوەی شەڕ و ئاژاوە لە بەغدا بۆشـــایی ئەمنی و سیاســـی دروست دەکات و لە دۆخی ئەمـــڕۆی عێراقدا لایەنی تری نێودەوڵەتی ئەو بۆشـــاییە پڕ دەکەنەوە کە بەرژەوەندییان لەگەڵ بەرژەوەندیی ئێمەدا یەک ناگرنەوە. بۆیە ئەو ڕایەی لای وایە ئاژاوە و ناسەقامگیری لە عێراقدا لە بەرژەوەندیی ئێمەدایە دروســـت نییە و نابێ ماڵی خۆمان بە کەلاوەیەکی دراوســـێمان بەراورد بکەین و بنمیچی پێشکەوتنمان نابێت دۆخی شپرزەی عێراق بێت و بڵێین مادام دۆخی ئێمە لەوان باشترە کەواتە ئێمە لە دۆخێکی باشداین. هەڵوێســـتی هەرێمی کوردســـتان کە ســـەرۆک بارزانی لە یادی ئەنفالی بارزانییەکان و بە خاکســـپاردنی کۆمەڵێکی تـــری ئەنفالکراوان لە بارزان دەریبڕی و بانگهێشتی سەرۆکی هەرێم بۆ لایەنە عێراقیەکان تا لە هەولێر کۆ ببنەوە، هەڵوێستی دروستن.

ڕەنگە ڕۆڵی هەرێم لە رێکخســـتنەوەی نێوماڵی شیعە و سەرپێخستنەوەی پرۆســـەی سیاســـی زۆر بەهیز نەبێت، بەڵام هەرگیز نابێت وەک چاودێر ســـەیری ڕووداوەکان بکەین چونکە قۆناخی دوای ئەم کێشـــە و راپەرینە جیاواز دەبێت لەوەی پێشتر و بەشێوەیەکی ڕاستەوخۆ کاریگەریی لەسەر کوردستان دەبێت. بۆ نموونە ئەوان باسی هەموارکردنەوەی دەستوور ناکەن کە رێکاری دەستووریی خۆی هەیە، بەڵکو باسی دانانی دەستوورێکی نوێ و گوڕینی سیستەمی سیاسی و نەهێشتنی پلورەلیزمی سیاسی دەکەن. بە تایبەتی گۆڕینی حوکمرانی لە پەرلەمانییەوە بۆ سەرۆکایەتی. بۆیـــە گرنگە کوردســـتان رۆڵـــی نزیککردنـــەوەی لایەنـــەکان بگێڕێت و هەمیشـــەش چاوی لەســـەر بەرژەوەندییەکانی خەڵکی کوردستان بێت و هەر لە ئێستەوە و بە ئاشکرا دژی هەر نیاز و جووڵەیەک بێت کە بیەوێت مافە دەســـتوورییەکانی هەرێم پێشێل بکات و گەلی کوردستان بۆ دواوە بگیڕێتەوە.




دوایین هەواڵەکان

بە بڕیاری سەرۆکی حکوومەت زیاتر لە 736 ملیار دینار بۆ جێبەجێکردنی پڕۆژە خزمەتگوزارییەکان تەرخان کرا

WEDNESDAY, 17 AUGUST 2022 20:08:20

هەولێڕ-KDP.info- بە بڕیاری سەرۆکی حکوومەتی هەرێمی کوردستان ئەمڕۆ چوارشەممە 17ـی 08ـی 2022 زیاتر لە 736 ملیار دینار بۆ جێبەجێکردنی پڕۆژە خزمەتگوزارییەکان تەرخان کرا.

ناوەڕۆکی کۆبوونەوەی لایەنە سیاسییەکانی عێراق بڵاوکرایەوە

WEDNESDAY, 17 AUGUST 2022 19:08:39

بەغدا-KDP.info- ڕۆژی چوارشەممە 17ـی 08ـی 2022 بە ئامادەبوونی سەرۆک و نوێنەری حزبە سیاسییەکانی عێراق و جینین پلاسخارت، نێردەی گشتیی نەتەوەیەکگرتووەکان بۆ کاروباری عێراق لەسەر بانگهێشتی مستەفا کازمی سەرۆک وەزیرانی عێراق کۆبوونەوە.

ئەنجومەنی وەزیران هەوڵەکانی چارەسەرکردنی کێشەکان لەگەڵ حکومەتی فیدراڵ تاووتوێ دەکات

WEDNESDAY, 17 AUGUST 2022 19:08:39

ئەمڕۆ چوارشەممە 17ی ئابی 2022 ، بە سەرپەرشتی سەرۆک وەزیران مەسرور بارزانی، ئەنجومەنی وەزیرانی هەرێمی کوردستان کۆبووەوە.

 
فازڵ میرانى پێشوازى له‌ میر حازم میر ته‌حسین بەگ كرد

WEDNESDAY, 17 AUGUST 2022 15:08:51

پیرمام-KDP.info- ئه‌مڕۆ له‌ مه‌كته‌بى سیاسى پارتى دیموكراتى كوردستان، فازڵ میرانى سكرتێرى مه‌كته‌بى سیاسى پێشوازى له‌ (میر حازم میر ته‌حسین بەگ)، میرى ئێزدیانى كوردستان و عێراق و جیهان كرد.

 
پەیامی پیرۆزبایی یەکێتی نەتەوەیی دیموکراتی کوردستان

WEDNESDAY, 17 AUGUST 2022 15:08:35

بەبۆنەی ساڵیادی دامەزراندنی پارتی دیموکراتی کوردستان، یەکێتی نەتەوەیی دیموکراتی کوردستان، پەیامی پیرۆزباییان ئاڕاستەی سەرۆک بارزانی کردووە، کە تێدا هاتووە، برای بەڕێزمان جەنابی سەرۆک مەسعود بارزانی رێبەری بزاڤی رزگاریخوازی کوردستان، بە ناوی خۆمان و مەکتەبی سیاسی، پیرۆزبایی ئاڕاستەی جەنابتان و مەکتەبی سیاسی و جەماوەری پارتی دەکەین.

 


 
© 2022 Kurdistan Democratic Party, KDP

Contact