Kurdî  ■  كوردی  ■  عربي
THU, 18 AUG 2022 07:40 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

دژوار فایەق: بڕیارەکەی پارێزگاری سەپێندراوی کەرکووک تەعریبێکی رێکخراوە
| KDP.info


ھەولێر-KDP.info- پارێزگاری سەپێندراوی کەرکووک بڕیارێکی دەرکردووە بۆ کوژاندنەوەی فۆرمی خۆراک و کارتی زانیاری ئەو کەسانەی لە کەرکووک نیشتەجێ نین، ھاوکات سەرۆکی بۆردی ماددەی ١٤٠ لە حکوومەتی ھەرێمی کوردستانیش دەڵێ، بڕیارەکە تەعربێکی رێکخراوە.

 

 

دژوار فایەق، سەرۆکی بۆردی ماددەی ١٤٠ لە ئەنجوومەنی وەزیران، بە ماڵپەڕی فەرمیی پارتی دیموکراتی کوردستانی راگەیاند: “ئەمە تەعریبە و تەعریبێکی رێکخراوە و پشتیوانیشی ھەیە، لەبەر ئەوەی پڕۆژەیە و ھەبوونی پارێزگاری سەپێندراوی کەرکووک خۆی نا یاساییە و بەشێکە لە پرۆسەی تەعریبکردن لە پارێزگای کەرکووک، ھەروەھا دەرکردنی بڕیارێکی لەو شێوەیە مەترسی ھەیە بۆ کورد و بە ئاشکرا کار بۆ دژایەتی کورد دەکرێت و ئەو بڕیارە و چەندین بڕیاری دیکەش بەڵگەی ئەوەن تەعریب بەشێوەیەکی مەترسیدار بەڕێوەدەچێت”.

 

راکان سەعید، پارێزگاری سەپێندراوی کەرکووک بڕیارێکی دەرکردووە و تێدا ئاماژەی بۆ ئەوەکردووە، ھەر ھاووڵاتیەک لەنێو سنووری کەرکووک نیشتەجێ نەبێت فۆرمی خۆراک و کارتی زانیاری لەسەر کەرکووک نامێنێ.

 

دژوار فایەق گوتیشی: “پێشتریش کاری پێچەوانەوەی ئەم بڕیارە کراوە بۆ گواستنەوەی فۆرمی خۆراکی ئەو عەرەبانەی ھاوردەن و بە مەبەستی بە عەرەبکردن دێنە کەرکووک کار ئاسانیان بۆ دەکرێت لە دەزگاکانی حکوومەتی خۆجێی کەرکووک و فۆرمی خۆراکیان دەگوازرێتەوە بۆ کەرکووک، ئەمەش پێچەوانەی دەستووری عێراق و ماددەی ١٤٠ی دەستوورە، چونکە نابێت دەستکاری ئەو ناوچانە بکرێت تا ئەوکاتەی چارەنووسیان بەپێی دەستوور ئاسایی بکرێتەوە”.

 

قائید میرۆ




دوایین هەواڵەکان

بە بڕیاری سەرۆکی حکوومەت زیاتر لە 736 ملیار دینار بۆ جێبەجێکردنی پڕۆژە خزمەتگوزارییەکان تەرخان کرا

WEDNESDAY, 17 AUGUST 2022 20:08:20

هەولێڕ-KDP.info- بە بڕیاری سەرۆکی حکوومەتی هەرێمی کوردستان ئەمڕۆ چوارشەممە 17ـی 08ـی 2022 زیاتر لە 736 ملیار دینار بۆ جێبەجێکردنی پڕۆژە خزمەتگوزارییەکان تەرخان کرا.

ناوەڕۆکی کۆبوونەوەی لایەنە سیاسییەکانی عێراق بڵاوکرایەوە

WEDNESDAY, 17 AUGUST 2022 19:08:39

بەغدا-KDP.info- ڕۆژی چوارشەممە 17ـی 08ـی 2022 بە ئامادەبوونی سەرۆک و نوێنەری حزبە سیاسییەکانی عێراق و جینین پلاسخارت، نێردەی گشتیی نەتەوەیەکگرتووەکان بۆ کاروباری عێراق لەسەر بانگهێشتی مستەفا کازمی سەرۆک وەزیرانی عێراق کۆبوونەوە.

ئەنجومەنی وەزیران هەوڵەکانی چارەسەرکردنی کێشەکان لەگەڵ حکومەتی فیدراڵ تاووتوێ دەکات

WEDNESDAY, 17 AUGUST 2022 19:08:39

ئەمڕۆ چوارشەممە 17ی ئابی 2022 ، بە سەرپەرشتی سەرۆک وەزیران مەسرور بارزانی، ئەنجومەنی وەزیرانی هەرێمی کوردستان کۆبووەوە.

 
فازڵ میرانى پێشوازى له‌ میر حازم میر ته‌حسین بەگ كرد

WEDNESDAY, 17 AUGUST 2022 15:08:51

پیرمام-KDP.info- ئه‌مڕۆ له‌ مه‌كته‌بى سیاسى پارتى دیموكراتى كوردستان، فازڵ میرانى سكرتێرى مه‌كته‌بى سیاسى پێشوازى له‌ (میر حازم میر ته‌حسین بەگ)، میرى ئێزدیانى كوردستان و عێراق و جیهان كرد.

 
پەیامی پیرۆزبایی یەکێتی نەتەوەیی دیموکراتی کوردستان

WEDNESDAY, 17 AUGUST 2022 15:08:35

بەبۆنەی ساڵیادی دامەزراندنی پارتی دیموکراتی کوردستان، یەکێتی نەتەوەیی دیموکراتی کوردستان، پەیامی پیرۆزباییان ئاڕاستەی سەرۆک بارزانی کردووە، کە تێدا هاتووە، برای بەڕێزمان جەنابی سەرۆک مەسعود بارزانی رێبەری بزاڤی رزگاریخوازی کوردستان، بە ناوی خۆمان و مەکتەبی سیاسی، پیرۆزبایی ئاڕاستەی جەنابتان و مەکتەبی سیاسی و جەماوەری پارتی دەکەین.

 


 
© 2022 Kurdistan Democratic Party, KDP

Contact