Kurdî  ■  كوردی  ■  عربي
MON, 5 JUN 2023 20:15 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

وەزیری شارەوانی: کارکردن له‌ شەقامی 100مەتری سلێمانی نەوەستاوە و بەردەوامیش دەبێت
| KDP.info


هه‌ولێر-KDP.info- وەزیری شارەوانی و گەشتوگوزاری هەرێم رایگەیاند، ئەمڕۆ لەگەڵ فەرمانگەکانی ئاو و ئاوەڕۆی سلێمانی کۆبونەتەوە دڵنیاییان داونەتێ، کە هیچ کێشەیەک لە پاکی ئاوی خواردنەوەی شارەکەدا نییە، سەبارەت بە پرۆژەی شەقامی 100مەتری سلێمانیش دەڵێت کارکردن تێیدا نەوەستاوە و بەردەوامیش دەبێت.

ساسان عەونی، وەزیری شارەوانی و گەشتوگوزاری هەرێم، ئەمڕۆ پێنجشەممە لە کۆنفرانسێکی رۆژنامەوانیدا رایگەیاند،" ئەمڕۆ بە مەبەستی پیرۆزباییکردن لە سەرۆکی نوێی شارەوانی سلێمانی و کۆبونەوە لەگەڵ بەڕێوەبەرایەتیەکانی شارەوانی و ئاو و ئاوەڕۆ هاتوینەتە سلێمانی، هیچ گرفتێک لە ئاوی خواردنەوەی شارەکەدا نییە، هەمووی خاوێنە و فلتەر کراوە، 100% دڵنیاییمان پێدراوە لەو بارەیەوە".

ئاماژەی بەوەشکرد،" سەبارەت بەو سەوزاییانەی لەسەر رێڕەوەکانی ئاو دەکرێت، ئەوە تەنها کاری وەزارەتی ئێمە نییە، ئەوە کارێکی تەزامونییە، پێویستە ئیدارە خۆجێیەکان لەپێناو تەندروستی هاووڵاتیان رێگری لەو کارانە بکەن".

هاوکات سەبارەت بە بەهەمیشەییکردنی گرێبەستی فەرمانبەرانی وەزارەتەکەی ساسان عەونی رایگەیاند،" ژمارەیەکی زۆر فەرمانبەری گرێبەست هەیە، بەگوێرەی بڕیارێکی حکوومەت جارێکی دیکە هەژمارکردنیان بۆ دەکرێتەوە و ئەوەی گرنگ بێت بڕیاری لەبارەوە دەدرێت.

باسی لەوەشکرد،" پلانی وەزارەتی شارەوانی بۆ ساڵی 2022 پێشکەش بە وەزارەتی پلاندانان کراوە، کەی بڕیاری لەبارەوە بدرێت جێبەجێ دەکرێن، جگە لەوەش سەرۆکایەتی شارەوانی و بەڕێوەبەرایەتی ئاو و ئاوەڕۆ لەسەر داهاتی خۆیان پرۆژەی گەیاندنی ئاو و ئاوەڕۆ بۆ گەڕەکە نوێیەکان جێبەجێ دەکەن".

سەبارەت بە پرۆژەی شەقامی 100مەتری سلێمانی، وەزیری شارەوانی گوتی،" رۆژی 6-6 دوا بڕیار لە دیوانی ئەنجومەنی وەزیران سەبارەت بەو پرۆژەیە دەرچوو، کارکردن تێیدا بەردەوام دەبێت و پێشتریش هەر بەردەوام بووە، بە نیسبەت پارەی پرۆژەکەش میکانیزمێکی بۆ دیاریکراوە".

 

ڕامان وریا




دوایین هەواڵەکان

پرسەنامەیەک لە سەرۆکی حکومەتی هەرێمی کوردستانەوە

MONDAY, 05 JUNE 2023 18:06:31

بە داخەوە هەواڵی کۆچی دوایی کەسایەتیی ناسراوی کلدانی شاری شەقڵاوە خوالێخۆشبوو قەشە فرانسیس جوبرائیل شێر-م پێگەیشت. پرسە و سەرەخۆشی لە سەرۆکایەتی کەنیسەی کلدانی ومەتڕانی ئیبارشیەی هەولێر وبنەماڵە بەڕێزەکەی و کەس و کار و ئاشنایانی و خوشک و برایانی کریستیانی شەقڵاوە دەکەم و هاوخەمیانم. خوای مەزن گیانی بە بەهەشت شاد بکات و ئارامی و دڵنەوایی بە هەمووان ببەخشێت.

 

شەوکەوت بەربھاری: ھاتوچۆی ھاووڵاتیان و گەشتیاران لە دەروازەی پێشابوور ئاسایی بووەتەوە

MONDAY, 05 JUNE 2023 16:06:25

دوای 25 ڕۆژ لە داخستنی، ئەمڕۆ دووشەممە دەروازەی پێشابوور کرایەوە و بەڕێوەبەری دەروازەکەش دەڵێ، ھاتوچۆی ھاووڵاتیان و بارزگانی وەک پێشتر لە پێشابوور ئاسایی بووەتەوە.

 

بە گوژمەی 25 ملیار دینار پرۆژە لە سێکتەری ئاو جێبەجێ دەکرێن

MONDAY, 05 JUNE 2023 16:06:27

هەولێر -KDP.info- بەڕێوەبەری ئاوی هەرێمی کوردستان گوتی، ئەمساڵ بەراورد بە ساڵی ڕابردوو کێشەکانی ئاو کەمتر بوون و حکوومەتی هەرێمی کوردستان 25 ملیار دیناری بۆ تەرخان کردووین و ئێستا دەکرێتە پرۆژە و لە هەرێمی کوردستان جێبەجێ دەکرێن، کە بەشێک لە پرۆژەکان کەوتوونەتە واری جێبەجێکردنەوە.

 
پلانی حکوومەتی هەرێمی کوردستان ئەوەیە بە بەرهەمی ناوخۆ پێداویستیی ناوخۆ پڕ بکاتەوە و هەناردەی دەرەوەشی بکات

MONDAY, 05 JUNE 2023 16:06:24

هەولێر -KDP.info- حکوومەتی هەرێمی کوردستان لەم کابینەیەدا گرنگیی تایبەت بە کەرتی کشتوکاڵ دەدات بە جۆرێک کە پێداویستیی ناوخۆ پڕ بکرێتەوە و هەناردەی دەرەوەش بکرێت، بۆ ئەو مەبەستەش هەنگاوی زۆر باش لە لایەن وەزارەتی کشتوکاڵ و حکوومەتی هەرێمی کوردستانەوە نراوە.

 

لیژنەیەکی یاسایی سەردانی ناوچە کوردستانییەکان دەکات

MONDAY, 05 JUNE 2023 15:06:00

هەولێر -KDP.info- بڕیارە لیژنەیەکی یاسایی سەردانی ناوچە کوردستانییەکانی دەرەوەی ئیدارەی حکوومەتی ھەرێمی کوردستان بکات و ڕاوێژکاری دەستەی ناوچە کوردستانییەکانیش دەڵێ، حەفتانە ڕاپۆرت لەبارەی ڕەوشی ئەو ناوچانە دەدرێت بە سەرۆکایەتیی ئەنجومەنی وەزیران.

 



 
© 2023 Kurdistan Democratic Party, KDP

Contact