Kurdî  ■  كوردی  ■  عربي
MON, 5 JUN 2023 20:54 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

حکوومەت بڕیاری داوە کێشەی بەنزین چارەسەر بکرێت
| KDP.info


ھەولێر -KDP.info- بەڕێوەبەری سووتەمەنیی ھەولێر گوتی، حکوومەتی ھەرێمی کوردستان بڕیاری داوە، کێشەی گرانیی بەنزین چارەسەر بکرێت، بۆ ئەو مەبەستەش ئەمڕۆ لەژێر چاودێریی سەرۆکی حکوومەت، وەزارەتی سامانە سروشتییەکان کۆبوونەوەیەکی بەڕێوە برد و بڕیار درا بەنزین بۆ ھەموو پارێزگاکان دابین بکرێت، هەم بەنزینی ٦٩٠ دیناری و هەم بەنزینی ٨٠٠ دیناری.

ئاری کاکە شین، بەڕێوەبەری سووتەمەنی ھەولێر، بۆ ماڵپەڕی فەرمیی پارتی دیموکراتی کوردستان گوتی: ''ئەمڕۆ لەژێر چاودێریی سەرۆکی حکوومەتی ھەرێمی کوردستاندا کۆبوونەوەیەک بەڕێوە چوو و بڕیار دراوە کە چارەسەری کێشەی گرانیی بەنزین بکرێت و ڕۆژانە بڕێکی باشی بەنزین دابین بکرێت، ھەم ئەو بەنزینەی نرخی ٦٩٠ دینارە و ھەم ئەوەی بە٨٠٠ دینارە، بۆیە ھەنگاوی باش نراوە و کێشەی بەنزین چارەسەر دەکرێت.''

ئاری کاکەشین گوتیشی: ''ڕۆژانە ٤٠٠ هەزار لیتر بەنزینی ٦٩٠ دیناری بۆ ھەولێر و ٤٠٠ ھەزار لیتر بۆ سلێمانی و ٢٠٠ ھەزار لیتریش بۆ دھۆک و ، بڕیارە ڕۆژانە ملیۆنێک لیتر بەنزینی ٨٠٠ دیناریشمان بۆ دابین بکرێت، ئەمەش وا دەکات کێشەی گرانیی بەنزین نەمێنێت، چونکە تا بەنزینی ھەرزان هەبێت، خەڵک بە گران نایکڕێت.''

کاکەشین باسی لەوەش کرد: ''حکوومەتی ھەرێمی کوردستان بەنزین بە گران دەکڕێت و بە نرخێکی ھەرزانتر دەیفرۆشێتەوە بە خەڵکی خۆمان، بۆ ئەوەی کێشەی بەنزین چارەسەر بکرێت.''

کاکە شین گوتیشی: ''ئەمڕۆ یەکەم ڕۆژە کە بەنزینی ٨٠٠ دیناری بە ئێمە گەیشتووە و بەسەر خەڵکدا دابەشمان کردووە و کوالێتیی بەنزینەکەش زۆر باشە.''

بڵند ئیبراھیم




دوایین هەواڵەکان

100 ساڵ بەسەر پەیمانی لۆزان، کاریگەری لەسەر سەربەخۆیی و خۆبەڕێوەبەریی کوردستان..

MONDAY, 05 JUNE 2023 20:06:10

کاژڵ دەروێش

 
پرسەنامەیەک لە سەرۆکی حکومەتی هەرێمی کوردستانەوە

MONDAY, 05 JUNE 2023 18:06:31

بە داخەوە هەواڵی کۆچی دوایی کەسایەتیی ناسراوی کلدانی شاری شەقڵاوە خوالێخۆشبوو قەشە فرانسیس جوبرائیل شێر-م پێگەیشت. پرسە و سەرەخۆشی لە سەرۆکایەتی کەنیسەی کلدانی ومەتڕانی ئیبارشیەی هەولێر وبنەماڵە بەڕێزەکەی و کەس و کار و ئاشنایانی و خوشک و برایانی کریستیانی شەقڵاوە دەکەم و هاوخەمیانم. خوای مەزن گیانی بە بەهەشت شاد بکات و ئارامی و دڵنەوایی بە هەمووان ببەخشێت.

 

شەوکەوت بەربھاری: ھاتوچۆی ھاووڵاتیان و گەشتیاران لە دەروازەی پێشابوور ئاسایی بووەتەوە

MONDAY, 05 JUNE 2023 16:06:25

دوای 25 ڕۆژ لە داخستنی، ئەمڕۆ دووشەممە دەروازەی پێشابوور کرایەوە و بەڕێوەبەری دەروازەکەش دەڵێ، ھاتوچۆی ھاووڵاتیان و بارزگانی وەک پێشتر لە پێشابوور ئاسایی بووەتەوە.

 

بە گوژمەی 25 ملیار دینار پرۆژە لە سێکتەری ئاو جێبەجێ دەکرێن

MONDAY, 05 JUNE 2023 16:06:27

هەولێر -KDP.info- بەڕێوەبەری ئاوی هەرێمی کوردستان گوتی، ئەمساڵ بەراورد بە ساڵی ڕابردوو کێشەکانی ئاو کەمتر بوون و حکوومەتی هەرێمی کوردستان 25 ملیار دیناری بۆ تەرخان کردووین و ئێستا دەکرێتە پرۆژە و لە هەرێمی کوردستان جێبەجێ دەکرێن، کە بەشێک لە پرۆژەکان کەوتوونەتە واری جێبەجێکردنەوە.

 
پلانی حکوومەتی هەرێمی کوردستان ئەوەیە بە بەرهەمی ناوخۆ پێداویستیی ناوخۆ پڕ بکاتەوە و هەناردەی دەرەوەشی بکات

MONDAY, 05 JUNE 2023 16:06:24

هەولێر -KDP.info- حکوومەتی هەرێمی کوردستان لەم کابینەیەدا گرنگیی تایبەت بە کەرتی کشتوکاڵ دەدات بە جۆرێک کە پێداویستیی ناوخۆ پڕ بکرێتەوە و هەناردەی دەرەوەش بکرێت، بۆ ئەو مەبەستەش هەنگاوی زۆر باش لە لایەن وەزارەتی کشتوکاڵ و حکوومەتی هەرێمی کوردستانەوە نراوە.

 



 
© 2023 Kurdistan Democratic Party, KDP

Contact