Kurdî  ■  كوردی  ■  عربي
MON, 5 JUN 2023 20:43 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ئە‌لفوبێی ئاشتی و مرۆڤدۆستی
| KDP.info


زکری موسا

وتاری سەرۆك بارزانی لە ڕێوڕەسمی ناساندنی كتێبەكانی پڕۆژەی دۆكیۆمێنتاریی شۆڕشەكانی بارزان لە شاری هەولێر گرنگ و مێژوویی بوو. سەرۆك بۆ هەموومانی شی كردەوە كە بنەماكانی ڕێبازی بارزانی چین.

ئەو ڕێبازەی كە سەدوپەنجا ساڵە زیندوو و بەردەوامە و بووەتە كۆڵەگەی سەرەكیی بزووتنەوەی ڕزگاریخوازی كورد. بارزان شازدە جار لە لایەن بریتانی و عوسمانی و حكوومەتەكانی عێراق سووتێندراوە و وێران كراوە. بەڵام هەموو جار بارزان هەستاوەتە سەر پێ و بەهێزتر لە جاران بەردەوام بووە. بارزانییەكان ئەنفال كران، ئاوارە و دەربەدەر بوون بەڵام كۆڵیان نەدا و تووشی نائومێدی نەبوون و خۆیان بەدەستەوەنەدا. بۆچی وایە؟

چونكە خاوەنی ڕێبازێكی دەوڵەمەندن كە تژییە لە هەست و بیر و عیرفانێكی ڕەسەن و خۆماڵی و، ڕەگی قووڵی لە ویژدانی بارزانییەكان و كورددا داكوتاوە. بۆیە قەت خۆیان بەدەستەوە نەداوە و هەر بۆیەشە ئەمڕۆش سەرۆك بە ناحەزان و نەیارانی كوردی گوت “تەسلیم نابین”.

ڕێبازەكە لەسەر بنەمای خوداپەرستی و مرۆڤدۆستی بنیات نراوە. بڕوای بەوە نیە ئایین بسەپێندرێت بەڵكو بەلای بارزانەوە ڕەوشتبەرزیی مرۆڤەكان دینی مرۆڤەكانە. عەقیدەی بارزان زۆر بەر لەوەی ئایدیۆلۆژیاكان درۆزنانە جاڕی یەكسانیی مرۆڤەكان بدەن، گوتویەتی لە مرۆڤایەتیدا هەموومان براین. لە عەقیدەی بارزاندا موسڵمان و جوولەكە و مەسیحی ڕاستە لە ئاییندا جیاوازن بەڵام لە ئینسانیەتدا هاوبەش و هاوخەمی یەكترین. ئەمە ئەلفوبێی ئاشتی و مرۆڤدۆستیی ڕاستەقینەیە.

عەقیدەی بارزان كۆڵەگەیەكی تریشی هەیە. ئەویش بەرەنگاربوونەوەی ستەمكارانە. بارزان ئەوە بە ئەركی سەر شانی هەموو كەسێك دەزانێ كە نابێ بەرانبەر ستەمكار و داگیركاردا بێدەنگ بن. لە عقیدەی بارزاندا سرووشت و ژینگە بەشێكی دانەبڕاوی ژیانی مرۆڤەكانە. ژینگە دایك و نیشتیمانە و دەبێ وەك گلێنەی چاو بپارێزرێت. ئێستا دەبێ زۆر چاك لە حیكمەتی ئەو بنەمایەی بارزان بگەین كە دەبینین تێكچوونی ژینگە بۆتە هەڕەشە و پرسێكی جیهانی كەچی سەد و پەنجا ساڵ بەر لە ئێستا لە بارزان خۆشەویستیی و پاراستنی ژینگە ئەرك بووە و خەڵك بە عەشقەوە ئەركی پاراستنی ژینگەیان ڕاپەڕاندووە. ئەوە لە بارزان بووە پێكەوەژیانی ئایینی گەیشتووەتە لووتكە و ئەم بڕوایە ئەوەندە قووڵ بووە و بە شێوەیەك ڕەنگی داوەتە سەر ژیانی ئاسایی كە كەس نەیدەتوانی لەڕووی جل و بەرگ و پێگە و هەڵسوكەوتەوە خەڵكی موسوڵمان مەسیحی و ئایینەكانی تر لە بارزان لێك جیا بكاتەوە.

لە بارزاندا خەباتی كورد لە قەپێلكی عەشیرەت و بازنەی تەسكی ناوچەگەرێتی ڕزگاری بوو و هاتە نێو بازنەی فراوانی نەتەوە و وڵات. لە هەر شوێنێكی كوردستان خەبات دژی زاڵم و داگیركار هەبووبێت ئەوە دەستی یارمەتیی بارزانیەكانی پێ گەییشتووە و فیداكارانە یارمەتیی براكانیان داوە لە جیۆگرافیای پانوبەرینی كوردستان كورد خاوەنی ئەو عەقیدە و كولتوورە دەوڵەمەندەیە كە لە یەك كاتدا هەم زۆر ئینسانیە هەمیش نوێخواز و سەردەمیانە. جێگەی سەرسووڕمانێكی زۆرە لەناو جەرگەی ڕۆژهەڵاتی ناوەڕاست و لەنێو ململانێی هێزی داگیركار و زاڵمان و لە نێو دووكەڵی شەڕ و بۆنی باڕووت و خوێندا میڵەتێك هەبووبێت ئەوها پابەند بێت بەو بنەمایانەی سەروەریی و كەرامەتی مرۆڤ دە‌پارێزن.




دوایین هەواڵەکان

100 ساڵ بەسەر پەیمانی لۆزان، کاریگەری لەسەر سەربەخۆیی و خۆبەڕێوەبەریی کوردستان..

MONDAY, 05 JUNE 2023 20:06:10

کاژڵ دەروێش

 
پرسەنامەیەک لە سەرۆکی حکومەتی هەرێمی کوردستانەوە

MONDAY, 05 JUNE 2023 18:06:31

بە داخەوە هەواڵی کۆچی دوایی کەسایەتیی ناسراوی کلدانی شاری شەقڵاوە خوالێخۆشبوو قەشە فرانسیس جوبرائیل شێر-م پێگەیشت. پرسە و سەرەخۆشی لە سەرۆکایەتی کەنیسەی کلدانی ومەتڕانی ئیبارشیەی هەولێر وبنەماڵە بەڕێزەکەی و کەس و کار و ئاشنایانی و خوشک و برایانی کریستیانی شەقڵاوە دەکەم و هاوخەمیانم. خوای مەزن گیانی بە بەهەشت شاد بکات و ئارامی و دڵنەوایی بە هەمووان ببەخشێت.

 

شەوکەوت بەربھاری: ھاتوچۆی ھاووڵاتیان و گەشتیاران لە دەروازەی پێشابوور ئاسایی بووەتەوە

MONDAY, 05 JUNE 2023 16:06:25

دوای 25 ڕۆژ لە داخستنی، ئەمڕۆ دووشەممە دەروازەی پێشابوور کرایەوە و بەڕێوەبەری دەروازەکەش دەڵێ، ھاتوچۆی ھاووڵاتیان و بارزگانی وەک پێشتر لە پێشابوور ئاسایی بووەتەوە.

 

بە گوژمەی 25 ملیار دینار پرۆژە لە سێکتەری ئاو جێبەجێ دەکرێن

MONDAY, 05 JUNE 2023 16:06:27

هەولێر -KDP.info- بەڕێوەبەری ئاوی هەرێمی کوردستان گوتی، ئەمساڵ بەراورد بە ساڵی ڕابردوو کێشەکانی ئاو کەمتر بوون و حکوومەتی هەرێمی کوردستان 25 ملیار دیناری بۆ تەرخان کردووین و ئێستا دەکرێتە پرۆژە و لە هەرێمی کوردستان جێبەجێ دەکرێن، کە بەشێک لە پرۆژەکان کەوتوونەتە واری جێبەجێکردنەوە.

 
پلانی حکوومەتی هەرێمی کوردستان ئەوەیە بە بەرهەمی ناوخۆ پێداویستیی ناوخۆ پڕ بکاتەوە و هەناردەی دەرەوەشی بکات

MONDAY, 05 JUNE 2023 16:06:24

هەولێر -KDP.info- حکوومەتی هەرێمی کوردستان لەم کابینەیەدا گرنگیی تایبەت بە کەرتی کشتوکاڵ دەدات بە جۆرێک کە پێداویستیی ناوخۆ پڕ بکرێتەوە و هەناردەی دەرەوەش بکرێت، بۆ ئەو مەبەستەش هەنگاوی زۆر باش لە لایەن وەزارەتی کشتوکاڵ و حکوومەتی هەرێمی کوردستانەوە نراوە.

 



 
© 2023 Kurdistan Democratic Party, KDP

Contact