Kurdî  ■  كوردی  ■  عربي
MON, 14 JUL 2025 22:19 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

گەیلان حاجی سەعید: ڕێککەوتنی لایەنەکان کاریگەریی لەسەر جووڵەی بازاڕ دەبێت
| KDP.info


هەولێر -KDP.info- دوای کۆبوونەوەی پارتی و یەکێتی ڕەوشی بازاڕ بەرەو ئاساییبوونەوە دەچێت و بەرپرسێکی یەکێتیی ھاوردە و ھەناردەکارانی کوردستانیش دەڵێت، ھەموو ڕێککەوتنێکی سیاسی، کاریگەریی لەسەر بازاڕ و جووڵەی بازرگانی ھەیە.

گەیلان حاجی سەعید، سەرۆکی یەکێتیی ھاوردە و ھەناردەکارانی کوردستان لە ھەولێر، بە ماڵپەڕی فەرمیی پارتی دیموکراتی کوردستانی ڕاگەیاند: "تێکچوونی ڕەوشی سیاسی و ھەبوونی گرژی لە نێوان لایەنە سیاسییەکان، بەتایبەتی پارتی و یەکێتی کاریگەریی لەسەر کەرتی بازرگانی و زۆربەی کەرتەکان ھەیە، چونکە دەبێتە ھۆی بڵاوبوونەوەی نیگەرانی و ڕاگرتنی جووڵەی بازاڕ و بازرگانی، لەبەر ئەوەی کۆبوونەوەی ڕابردوو تەنیا یەک کۆبوونەوە کراوە و ئەنجامی دیار نییە، ھێشتا کاریگەریی دیار نییە لەسەر بازاڕ.''

ئەو بەرپرسەی بازرگانان دەشڵێت: "ئەگەر لایەنە سیاسییەکان بگەنە ڕێککەوتن و پرۆسەی سیاسی ئاسایی ببێتەوە، کاریگەریی لەسەر جووڵەی بازاڕ دەبێت، چونکە بێگومان ھەموو ڕێککەوتنی سیاسی، کاریگەریی لەسەر ڕەوشی بازرگانی دەبێت.''

سەرھنگ حامید، بازرگانی خانووبەرە لە شاری ھەولێر، بۆ ماڵپەڕی فەرمیی پارتی دیموکراتی کوردستان گوتی: "دوای سەردانی نێچیرڤان بارزانی و کۆبوونەوەی پارتی و یەکێتی جووڵە کەوتووەتە بازاڕ بەگشتی و بازاڕی خانووبەرە بەتایبەتی، لەڕووی نرخەوە گۆڕانکاری ڕووی داوە و خواستیش زیادی کردووە، ئەگەر بگەنە ڕێککەوتن و کێشەکان چارەسەر بکرێن، دوای ساڵێک زیاتر لە وەستانی بازاڕ ئەوە کاریگەریی خۆی دەبێت.''

ئەو بازرگانەی شاری ھەولێر ڕوونی کردەوە: "پێشبینی دەکەین لە ڕۆژانی داھاتوو لەگەل بەڕێوەچوونی کۆبوونەوەی لایەنەکان ڕاستەوخۆ کاریگەری لەسەر بازاڕ پەیدا ببێت و گەشبینین بەوەی داھاتوویەکی گەش لەپێش بازاڕی ھەرێمی کوردستانە، لەبەر ئەوەی کێشە سیاسییەکان کاریگەرییان لەسەر بازاڕ ھەیە، خەڵکێک پارەی ھەیە و دەیەوێت بیخاتە بازاڕەوە، بەڵام کاتێک ڕەوشی سیاسی ئاڵۆزیی تێ دەکەوێت، خەڵک و بازرگانانیش ترسیان بۆ پەیدا دەبێت و خۆیان دەکێشنەوە لە بازاڕ.''

 

قائید میرۆ


 




دوایین هەواڵەکان

دوو درۆنی بۆمبڕێژکراو لە پارێزگای هەولێر کەوتنە خوارەوە

MONDAY, 14 JULY 2025 21:07:00

ھەولێر-KDP.info- دژە تیرۆری کوردستان بڵاویکردەوە، دوو درۆنی بۆمبڕێژکراو لە سنووری پارێزگای ھەولێر کەوتنە خوارەوە.

 

سەرۆک بارزانی بەشداری لە مەڕاسیمی ڕۆژی نیشتمانی فەڕەنسا دەکات

MONDAY, 14 JULY 2025 21:07:00

ھەولێر-KDP.info- ئێوارەی ڕۆژی دووشەممە ١٤ی تەمموزی ٢٠٢٥ سەرۆک مەسعود بارزانی لە ھۆتێل ڕۆتانای شاری ھەولێر بەشداریی لە مەڕاسیمی یادی ڕۆژی نیشتمانی فەڕەنسا کرد.

 
وەزارەتی ناوخۆ ڕوونکردنەوەیەکی لەبارەی ڕووداوەکەی وەرتێ بڵاوکردەوە

MONDAY, 14 JULY 2025 20:07:00

ھەولێر-KDP.info- وەزارەتی ناوخۆی حکوومەتی ھەرێمی کوردستان دەڵێت: لایەنە پەیوەندیدارەکان ڕاسپێدراون بۆ لێکۆڵینەوە و گرتنەبەری ڕێکاری یاسایی لەسەر ڕووداوەکانی شەوی ڕابردووی سنووری شارەدێی وەرتێ.

ھەڵگورد شێخ نەجیب: دۆخی سنوورەکە ئارامە و ئەمڕۆ کێشەی کارەباش چارەسەر دەکرێت

MONDAY, 14 JULY 2025 17:07:04

سۆران -KDP.info- سەرپەرشتیاری ئیدارەی سەربەخۆی سۆران گوتی "ئێستا دۆخی ئیدارەی سەربەخۆی سۆران ئارامە و ئاساییبۆتەوە، ئەو کێشەیەی کارەباش کە ھەبوو ئەمڕۆ چارەسەر دەبێت."

 
باشترین گوندی گەشتیاری لەسەر ئاستی وڵاتان دەستنیشان دەکرێت

MONDAY, 14 JULY 2025 16:07:22

ھەولێر -KDP.info- بەڕێوەبەری بەبازاڕکردن لە دەستەی گەشتوگوزاری ھەرێمی کوردستان گوتی "لەسەر ئاستی عێراق دوو شوێن لە هەریمی کوردستان دیاریکراون کێبڕکێ دەکەن بۆ نازناوی باشترین گوندی گەشتیاری لەسەر ئاستی وڵاتانی عەرەبی، بۆ ئەو مەبەستە ئامادەکاریی تەواو کراوە و پێشبینی دەکەین ئەنجامی باش بەدەست بێنین."

 


 
© 2023 Kurdistan Democratic Party, KDP

Contact