Kurdî  ■  كوردی  ■  عربي
SUN, 22 MAY 2022 05:24 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ھۆشیار سیوەیلی، بە ناوی سەرکردایەتی پارتیەوە سوپاسی ئەکایمیای کۆنراد ئادیناوەر (KAS)ی کرد
| KDP.info


بەرلین-KDP.info- ھۆشیار سیوەیلی بەرپرسی مەکتەبی پەیوەندییەکانی دەرەوەی پارتی دیموکراتی کوردستان، بەشداری لە کۆنفڕانسی ساڵانەی کۆنراد ئادناوەر شیفتۆنگ کرد، لە ژێر ناونیشانی (بەشداری سیاسیی لە ڕۆژھەڵاتی ناوەراست و باکووری ئەفریقا). کۆنفڕانسەکە لەسێ پەناڵی سەرەکی پێکھاتبوو، پەناڵی یەکەم بە ناونیشانی (پێگە و کاریگەریی پارتە سیاسیەکان لە ناوچەکەدا).

ھۆشیار سیوەیلی بابەتێکی پێشکەش کرد دەربارەی ڕۆڵی پارتی سیاسی لە ھەرێم و عێراقدا، بەڕێزیان جەختی لە ڕۆڵی مێژوویی و کاریگەری پارتی دیموکراتی کوردستان کردەوە لە پەرەسەندن و فراوانکردنی بەشداری سیاسی و پەرەپێدانی دیموکراسی و مافی مرۆڤ و حکومڕانی لە عێراق و ھەرێمی کوردستان. لە ھەمان پەناڵدا بەرپرسی پەیوەندییەکانی دەرەوەی پارتی باسی تەحەدا و کێشەکانی بەردەم گەشەکردنی دیموکراسی و دامەزراوە فەرمی و دەستووریەکان و گرفتی بەردەم داموودەزگاکان کرد و، گوتی، بۆ پەرەسەندن و گەشەکردنی سیاسیی و ئابووری و کۆمەڵایەتی پێویستە شەفافیەتی تەواو ھەبێت بۆ ئەوەی متمانەی نێوان گەل و دەسەڵات بپارێزێت و ھاوکاری و ھەماھەنگی بکرێت تاوەکو حکوومەت بتوانێت خزمەت بە وڵات و دانیشتوانەکەی بکات و سەروەری دەوڵەت و یاسا بپارێزێت. 

له‌ کۆتایی کۆنفڕانسەکەشدا بەشداربوان سەردانی وەزارەتی دەرەوەی ئەڵمانیایان کرد و چاویان بە بەرپرسانی وەزارەت کەوت و بارودۆخی ئێستای ناوچەکەیان لەگەڵ تاوتوێ کردن، ھاوکات لەھەمان ڕۆژدا سەردانی پەرلەمانی ئەو وڵاتەیان کرد و چاویان بە لیژنەی دەرەوە و بەرگری پەرلەمان کەوت و گفتوگۆیان لەسەر دوایین پێشھات و بارودۆخی ئێستای ناوچەکە و جیھان کرد، ھەروەھا جەختیان لە گرنگی ھەماھەنگی و ھاوکاری نێوان حیزبە سیاسیەکان و پەرلەمان و حکوومەت کردەوە بۆ تێپەڕاندنی قەیران و باشترکردنی ژیان و گوزەرانی خەڵک و بەھێزکردنی داموودەزگاکانی دەوڵەت. 

شایانی باسە ئەکادیمیای کۆنراد ئادناوەر سەنتەری توێژینەوە و سینک تانکی پارتی کریستیان دیموکراتی ئەڵمانیایە و پارتی دیموکراتی کوردستان پەیوەندیەکی بەھێزی لەگەڵیان ھەیە و ئەو حیزبە کاتێک خاتوو ئەنگێلا مێرکل ڕاوێژکاری ئەڵمانیا بوو ھاوکاری زۆری ھەرێمی کوردستانی کرد، ئێستاش پارتەکەی ھەرچەندە ئۆپۆزیسۆنە، بەڵام دۆستی کوردە و داکۆکی لە مانەوەی ھێزەکانی ئەڵمانیا دەکات لە ھەرێمی کوردستان.

لە کۆتاییدا ھۆشیار سیوەیلی بە ناوی سەرکردایەتی پارتیەوە سوپاسی ئەکایمیای کۆنراد ئادیناوەر (KAS) کرد و دووپاتی کردەوە لە بەردەوامبوونی ھاوئاھەنگی نێوانیان.




دوایین هەواڵەکان

بروسکەی سەرەخۆشیی سەرۆک بارزانی بۆ کۆچی دوایی وشیار كاكە زیاد حەمە ئاغای غفوری

SATURDAY, 21 MAY 2022 21:05:49

بەڕێزان خانەوادەی كاكە زیادی کۆیە
بەخەم و پەژارەیەکی زۆرەوە هەواڵی كۆچی دوایی كاك(وشیار كاكە زیاد حەمە ئاغای غەفوری)مان پێگەیشت.

بەڕێوەبەری گشتیی شارەوانییەکان: ئەو زەوییانەی کارتن، تاپۆ دەکرێن

SATURDAY, 21 MAY 2022 18:05:36

هەولێر –KDP.info- لە سنووری شارەوانیی قەزا و ناحیەکانی پارێزگای ھەولێر، ساڵانی ڕابردوو ژمارەیەکی بەرچاوی زەوی دابەش کراون و ھێشتا کارتن و نەکراونەتە سەنەد، بەڕێوەبەری گشتیی شارەوانییەکانیش دەڵێت، پڕۆسەی تاپۆکردنیان دەست پێ کردووە و یەکەیەکی تایبەت کراوەتەوە بۆ تاپۆکردنیان.

 

دوو پسپۆڕ شیکاری بۆ بەشداریی مەسرور بارزانی لە کۆڕبەندی داڤووس دەکەن

SATURDAY, 21 MAY 2022 17:05:33

هەولێر-KDP.info- شارەزایانی سیاسی پێیان وایە، هەرێمی کوردستان ناوەندێکی دیار و گرنگە لە جیۆسیاسی و ئەمنییەتی ناوچەکەدا و ئێستا جیهان بە گرنگییەوە دەڕوانێتە هەرێمی کوردستان، چونکە شوێنیکی دیار و گرنگە و توانیویەتی خۆی بسەلمێنیت و لە گۆڕەپانێکی جەنگ و ململانێیەکاندا توانیویەتی بە پارێزراوی بمێنیتەوە و ببێتە ناوەندێکی ئابووریی گرنگی جیهانی و پێشیان وایە، ئێستا چاوی وڵاتان زیاتر لە سەر هەرێمی کوردستانە کە توانیویەتی دەستی وڵاتانی جیهان بگرێت بۆ ئەوە بێنە هەرێمی کوردستان.

 

"پێویستە یوئێن و ھاوپەیمانان ھەڵوێستیان ھەبێت"

SATURDAY, 21 MAY 2022 15:05:59

ھەولێر -KDP.info- ڕاوێژکاری سەرۆکی حکوومەتی ھەرێمی کوردستان بۆ کاروباری ناوچە کوردستانییەکان گوتی، بە بەرچاوی ئیدارە و ھێزە ئەمنییەکانەوە تەعریب دەکرێت و ڕێگایان بۆ خۆش دەکرێت، بۆیە چارەسەرکردنی ئەو کێشەیە بە یەکڕیزی و جێبەجێکردنی مادەی ١٤٠ دەکرێت و پێویستە یوئێن و ھاوپەیمانانیش ھەڵوێستیان ھەبێت و بێدەنگ نەبن.

 

"دەستپێشخەریی پارتی دۆخەکەی ئارام کردووەتەوە"

SATURDAY, 21 MAY 2022 15:05:57

ھەولێر -KDP.info- بەرپرسی لقی ٢٤ی سەفینی پارتی دیموکراتی کوردستان لە شەقڵاوە گوتی، دەستپێشخەریی پارتی دیموکراتی کوردستان بۆ یەکڕیزیی ناوماڵی کوردی وای کردووە کە ئارامی لە ھەرێمی کوردستان دروست بێت و مەکتەبی سیاسییش ڕاسپێردراوە کە پەیوەندی لەگەڵ ھەموو لایەنەکان ئاسایی بکرێتەوە و ئەگەر گرفتێکیشمان لەگەڵ بەغدا ھەبێت لەناو کێشەکانی خۆماندا چارەسەری بکەین.

 



 
© 2021 Kurdistan Democratic Party, KDP

Contact