Kurdî  ■  كوردی  ■  عربي
SUN, 22 MAY 2022 04:37 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

''ئەنجومەنی پارێزگای ھەولێر قایمقامی عەنکاوەی ھەڵبژارد''
| KDP.info


هەولێر – KDP.info- ئەمڕۆ پێنجشەممە ١٢ی ٥ی ٢٠٢٢، ئەنجومەنی پارێزگای ھەولێر کۆبوونەوەی ئاساییی خۆی بەڕێوە برد و لە کۆبوونەوەکەدا دەنگ بە کاندیدی پارێزگای ھەولێر بۆ قایمقامی قەزای عەنکاوە درا و یەکەم قایمقام بۆ قەزای عەنکاوە ھەڵبژێردرا.

ڕامی نووری، قایمقامی عەنکاوە، بە ماڵپەڕی فەرمیی پارتی دیموکراتی کوردستانی ڕاگەیاند: ''ساڵی ڕابردوو بە بڕیاری سەرۆکایەتیی ئەنجومەنی وەزیران شارۆچکەی عەنکاوە بڕیاری بەقەزابوونی دەر کراوە و پڕۆژەبڕیارێک لە لایەن سەرۆکایەتیی ئەنجومەنی وەزیران ئامادە کراوە، کە ژمارەیەک بڕیار لەبارەی تایبەتمەندیی عەنکاوە و ھەموو ناوچە کریستیاننیشینەکان دەر دەکرێن.''

قایمقامی عەنکاوە دەڵێت: ''حکوومەتی ھەرێمی کوردستان تایبەتمەندیی قەزای عەنکاوە بەرچاو دەگرێت و بەقەزابوونی عەنکاوە کاریگەریی لەسەر بەرەوپێشچوونی عەنکاوە دەبێت لە ھەموو ڕوویەکەوە.''

ڕامی نووری ئاماژەی بۆ ئەوەش کرد: ''پاکێجێک بۆ پڕۆژە خزمەتگوزارییەکانی عەنکاوە ئامادە کراوە و بەسەر دوو کەرتدا دابەش کراوە، بەشێکی پڕۆژەکان لەسەر بودجەی پەرەپێدانی پارێزگاکان و بەشێکی دیکەش لەسەر بودجەی وەزارەتی شارەوانی و گەشتوگوزار جێبەجێ دەکرێن.''

قائید میرۆ

 




دوایین هەواڵەکان

بروسکەی سەرەخۆشیی سەرۆک بارزانی بۆ کۆچی دوایی وشیار كاكە زیاد حەمە ئاغای غفوری

SATURDAY, 21 MAY 2022 21:05:49

بەڕێزان خانەوادەی كاكە زیادی کۆیە
بەخەم و پەژارەیەکی زۆرەوە هەواڵی كۆچی دوایی كاك(وشیار كاكە زیاد حەمە ئاغای غەفوری)مان پێگەیشت.

بەڕێوەبەری گشتیی شارەوانییەکان: ئەو زەوییانەی کارتن، تاپۆ دەکرێن

SATURDAY, 21 MAY 2022 18:05:36

هەولێر –KDP.info- لە سنووری شارەوانیی قەزا و ناحیەکانی پارێزگای ھەولێر، ساڵانی ڕابردوو ژمارەیەکی بەرچاوی زەوی دابەش کراون و ھێشتا کارتن و نەکراونەتە سەنەد، بەڕێوەبەری گشتیی شارەوانییەکانیش دەڵێت، پڕۆسەی تاپۆکردنیان دەست پێ کردووە و یەکەیەکی تایبەت کراوەتەوە بۆ تاپۆکردنیان.

 

دوو پسپۆڕ شیکاری بۆ بەشداریی مەسرور بارزانی لە کۆڕبەندی داڤووس دەکەن

SATURDAY, 21 MAY 2022 17:05:33

هەولێر-KDP.info- شارەزایانی سیاسی پێیان وایە، هەرێمی کوردستان ناوەندێکی دیار و گرنگە لە جیۆسیاسی و ئەمنییەتی ناوچەکەدا و ئێستا جیهان بە گرنگییەوە دەڕوانێتە هەرێمی کوردستان، چونکە شوێنیکی دیار و گرنگە و توانیویەتی خۆی بسەلمێنیت و لە گۆڕەپانێکی جەنگ و ململانێیەکاندا توانیویەتی بە پارێزراوی بمێنیتەوە و ببێتە ناوەندێکی ئابووریی گرنگی جیهانی و پێشیان وایە، ئێستا چاوی وڵاتان زیاتر لە سەر هەرێمی کوردستانە کە توانیویەتی دەستی وڵاتانی جیهان بگرێت بۆ ئەوە بێنە هەرێمی کوردستان.

 

"پێویستە یوئێن و ھاوپەیمانان ھەڵوێستیان ھەبێت"

SATURDAY, 21 MAY 2022 15:05:59

ھەولێر -KDP.info- ڕاوێژکاری سەرۆکی حکوومەتی ھەرێمی کوردستان بۆ کاروباری ناوچە کوردستانییەکان گوتی، بە بەرچاوی ئیدارە و ھێزە ئەمنییەکانەوە تەعریب دەکرێت و ڕێگایان بۆ خۆش دەکرێت، بۆیە چارەسەرکردنی ئەو کێشەیە بە یەکڕیزی و جێبەجێکردنی مادەی ١٤٠ دەکرێت و پێویستە یوئێن و ھاوپەیمانانیش ھەڵوێستیان ھەبێت و بێدەنگ نەبن.

 

"دەستپێشخەریی پارتی دۆخەکەی ئارام کردووەتەوە"

SATURDAY, 21 MAY 2022 15:05:57

ھەولێر -KDP.info- بەرپرسی لقی ٢٤ی سەفینی پارتی دیموکراتی کوردستان لە شەقڵاوە گوتی، دەستپێشخەریی پارتی دیموکراتی کوردستان بۆ یەکڕیزیی ناوماڵی کوردی وای کردووە کە ئارامی لە ھەرێمی کوردستان دروست بێت و مەکتەبی سیاسییش ڕاسپێردراوە کە پەیوەندی لەگەڵ ھەموو لایەنەکان ئاسایی بکرێتەوە و ئەگەر گرفتێکیشمان لەگەڵ بەغدا ھەبێت لەناو کێشەکانی خۆماندا چارەسەری بکەین.

 



 
© 2021 Kurdistan Democratic Party, KDP

Contact