Kurdî  ■  كوردی  ■  عربي
SUN, 22 MAY 2022 03:45 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئاشتی کۆچەر: پارتی لە هەوڵدایە سەقامگیری بۆ شنگال بگەڕێتەوە
| KDP.info


شنگال -KDP.info- لە چەند ڕۆژی ڕابردوو بەھۆی پێکدادانی نێوان ھێزە عێراقییەکان و چەکدارانی پەکەکە ڕەوشی شنگالی زیاتر ئاڵۆزیی بە خۆیەوە بینی و بەرپرسێکی پارتییش لە شنگال دەڵێت، پارتی دەیەوێت سەقامگیری بگەڕێتەوە بۆ شنگال.

ئاشتی کۆچەر، بەرپرسی لقی ١٧ی پارتی، بە ماڵپەڕی فەرمیی پارتی دیموکراتی کوردستانی ڕاگەیاند: "دوای ڕووداوەکانی ١٦ی ئۆکتۆبەر ژمارەیەک ھێز خۆیان خزاندووەتە نێو دەڤەری شنگال و بەردەوام ئاڵۆزییان ناوەتەوە، بەتایبەتی ھێزەکانی سەر بە پەکەکە و ھەندێک ھێزی حەشدی شەعبی، ئەوەیش ھۆکارە ئاوارە ئێزدییەکان ناگەڕێنەوە بۆ شوێنەکانیان و لەنێو ١٤ کەمپی ھەرێمی کوردستاندا نیشتەجێن، ڕێککەوتنی شنگال کراوە لەنێوان حکوومەتی فیدڕاڵ و ھەرێمی کوردستاندا، ئێستا حکوومەتی کازمی دەیەوێت ڕێککەوتنی شنگال جێبەجێ بکات و ئەو ھێزانەی ناشەرعین دەربکرێن.''

بەرپرسی لقی پارتی لە شنگال دەشڵێت: "ئاڵۆزییەکانی چەند ڕۆژی ڕابردووی شنگال ھێشتا بەردەوامییان ھەیە و تا ئێستا زیاتر لە ھەزار و ٧٠٠ خێزان ئاوارە بوون و گەیشتوونەتە پارێزگای دھۆک، بێگومان بەردەوامیی ئاڵۆزییەکانی شنگال زیانی زۆری دەبێت و ئێمە چاودێریی ڕەوشەکە دەکەین.''

لەبارەی هەوڵەکان بۆ گەڕانەوەی سەقامگیری بۆ شنگال، ئاشتی کۆچەر ڕوونی کردەوە: "ئێمە وەک پارتی ھەر لەسەرەتاوە هەوڵەکانمان بە ئاراستەی ئاساییکردنەوەی ڕەوشی شنگال بووە، لە شەڕی داعش شەھیدەکانمان گەواھیدەری ئەوەن کە پارتی چەند بەرگریی لە شنگال کردووە، ئێستاش هەوڵەکان بە ئاراستەی گەڕانەوەی سەقامگیرین بۆ قەزای شنگال و پاراستنی خەڵکی شنگال، واتە ئێستا لەلایەن پارتییەوە دانوستان و هەوڵ ھەیە بۆ ئەوەی ڕەوشی شنگال ئاسایی بکرێتەوە.''

 

قائید میرۆ

 




دوایین هەواڵەکان

بروسکەی سەرەخۆشیی سەرۆک بارزانی بۆ کۆچی دوایی وشیار كاكە زیاد حەمە ئاغای غفوری

SATURDAY, 21 MAY 2022 21:05:49

بەڕێزان خانەوادەی كاكە زیادی کۆیە
بەخەم و پەژارەیەکی زۆرەوە هەواڵی كۆچی دوایی كاك(وشیار كاكە زیاد حەمە ئاغای غەفوری)مان پێگەیشت.

بەڕێوەبەری گشتیی شارەوانییەکان: ئەو زەوییانەی کارتن، تاپۆ دەکرێن

SATURDAY, 21 MAY 2022 18:05:36

هەولێر –KDP.info- لە سنووری شارەوانیی قەزا و ناحیەکانی پارێزگای ھەولێر، ساڵانی ڕابردوو ژمارەیەکی بەرچاوی زەوی دابەش کراون و ھێشتا کارتن و نەکراونەتە سەنەد، بەڕێوەبەری گشتیی شارەوانییەکانیش دەڵێت، پڕۆسەی تاپۆکردنیان دەست پێ کردووە و یەکەیەکی تایبەت کراوەتەوە بۆ تاپۆکردنیان.

 

دوو پسپۆڕ شیکاری بۆ بەشداریی مەسرور بارزانی لە کۆڕبەندی داڤووس دەکەن

SATURDAY, 21 MAY 2022 17:05:33

هەولێر-KDP.info- شارەزایانی سیاسی پێیان وایە، هەرێمی کوردستان ناوەندێکی دیار و گرنگە لە جیۆسیاسی و ئەمنییەتی ناوچەکەدا و ئێستا جیهان بە گرنگییەوە دەڕوانێتە هەرێمی کوردستان، چونکە شوێنیکی دیار و گرنگە و توانیویەتی خۆی بسەلمێنیت و لە گۆڕەپانێکی جەنگ و ململانێیەکاندا توانیویەتی بە پارێزراوی بمێنیتەوە و ببێتە ناوەندێکی ئابووریی گرنگی جیهانی و پێشیان وایە، ئێستا چاوی وڵاتان زیاتر لە سەر هەرێمی کوردستانە کە توانیویەتی دەستی وڵاتانی جیهان بگرێت بۆ ئەوە بێنە هەرێمی کوردستان.

 

"پێویستە یوئێن و ھاوپەیمانان ھەڵوێستیان ھەبێت"

SATURDAY, 21 MAY 2022 15:05:59

ھەولێر -KDP.info- ڕاوێژکاری سەرۆکی حکوومەتی ھەرێمی کوردستان بۆ کاروباری ناوچە کوردستانییەکان گوتی، بە بەرچاوی ئیدارە و ھێزە ئەمنییەکانەوە تەعریب دەکرێت و ڕێگایان بۆ خۆش دەکرێت، بۆیە چارەسەرکردنی ئەو کێشەیە بە یەکڕیزی و جێبەجێکردنی مادەی ١٤٠ دەکرێت و پێویستە یوئێن و ھاوپەیمانانیش ھەڵوێستیان ھەبێت و بێدەنگ نەبن.

 

"دەستپێشخەریی پارتی دۆخەکەی ئارام کردووەتەوە"

SATURDAY, 21 MAY 2022 15:05:57

ھەولێر -KDP.info- بەرپرسی لقی ٢٤ی سەفینی پارتی دیموکراتی کوردستان لە شەقڵاوە گوتی، دەستپێشخەریی پارتی دیموکراتی کوردستان بۆ یەکڕیزیی ناوماڵی کوردی وای کردووە کە ئارامی لە ھەرێمی کوردستان دروست بێت و مەکتەبی سیاسییش ڕاسپێردراوە کە پەیوەندی لەگەڵ ھەموو لایەنەکان ئاسایی بکرێتەوە و ئەگەر گرفتێکیشمان لەگەڵ بەغدا ھەبێت لەناو کێشەکانی خۆماندا چارەسەری بکەین.

 



 
© 2021 Kurdistan Democratic Party, KDP

Contact