Kurdî  ■  كوردی  ■  عربي
SUN, 22 MAY 2022 03:13 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

چە‌تری داگیركە‌ر تاسە‌ر بۆ پە‌كە‌كە‌ نامێنێ
| KDP.info


هاودەنگ فاروق

پەكەكە ســـاڵانێكە ســـوپای تورك پەلكێشی قووڵایی هەرێمی كوردستان دەكات و لە هیچ شوێنێكی ئەو بەشـــەی كوردستاندا كە لێی هەڵتۆقیوە، شەڕی سوپای توركی نەكردووە، لە هەرێمی كوردستانیشـــدا قۆناغ بە قۆناغ لەبەر سوپای توركیا ڕادەكات و بیانوو دەداتە دەست توركیا، كە بێتە نێو خاكی هەرێمەوە.

ئەم حزبە خۆســـەپێنە، چل ساڵە لە باکووری کوردستاندا بەس درووشم بەرز دەکاتەوە و ڕۆڵەی کورد بە کوشتدا دەدات، لە بەشەكانی دیكەی كوردستانیش دەبنە پاشکۆ و تۆپی بەرپێی داگیركەران، ئەوانیش بە ئاسانی لە دژی ئاسایشی نەتەوەییی هەرێمی کوردستان بەکاریان دێنن!

لەبـــری ئەوەی پەکەکە لە هەوڵی پاراســـتنی بەرژەوەندییە نەتەوەییەکانی کورد و بڕیاری ســـەربەخۆی خۆیدا بێت، کەوتۆتە ناو زەلـــکاوی ئەنتی بەرژەوەندییە نیشـــتمانییەکانی هەرێمی کوردستان!

ئەم حزبە، بە بڵاوەپێكردنی ڕێكخســـتنێكی هەڕەمەكی و نەشـــاز و نامۆ لە چیای شنگال و ناوچەکانی دیکەی هەرێم و، خۆتێکەڵکردنیان لەگەڵ حەشـــدی شەعبی و کرێگرتەیی بۆ داگیرکەران، لە دژی هەرێمی کوردســـتان، ئەجێندای دەرەکی جێبەجی دەکەن؛ بێ ئەوەی لێكی بدەنەوە، کە ئەمڕۆ پێگەی هەرێمی كوردستان لە چوارچێوەیەکی نێودەوڵەتیدایە، بێ ئەوەی درک بەوە بکەن هەرێم هێندە لاواز نییە، تا پەكەكە بیەوێ بە زۆر، ئەجێندا و هێزی خۆی بەســـەردا بســـەپێنێت، ئەمە ئەو هەقیقەتەیە کە پەکەکە تا ئێستا تێینەگەیشتووە، بۆیە لە ئایندەی نێزیکدا باجە قورسەکەی دەدات. ســـەرانی فیتنە لە کونە ئەشکەوتەکانی قەندیل، لەوە تێبگەن هیوابەستن بە داگیركەرانی كوردســـتان، بۆ دژایەتیی ئیرادەی گەلی كوردســـتان، ئاكامەكەی تەنیا دەســـتخەڕۆیی و شكست و داڕمانی خۆیانە، بۆیە دەبێ پەكەكە سەنگ و وەزنی خۆیان بزانن و چیتر سەبری پێشمەرگە و پارتی تاقی نەكەنەوە و، واز لە چەواشەكاری و دەستێوەردان و كوێخاگەرێتی لە گوند و شارە سنوورییەکانی هەرێمی کوردستان بێنن.

ســـووربوونیان لەسەر سیاسەتی شەڕفرۆشـــتن و سیاسەتی تەهدید و خۆسەپێنی، ئۆباڵی هەموو بەرپرســـیارەتییەكی مێژوویی و ڕووداوێكی نەخوازراو دەكەوێتە ئەســـتۆی قیادەی پەكەكە.

هیواداریـــن پەكەكـــە، ئەگەر بۆ تاقـــە جارێکیش بووبـــێ، لە مێـــژووی جووڵانەوەكەیدا بەرژەوەندیـــی نەتەوەیـــی لەبەرچاو بگرێـــت، ئەگەرچی ئەوان نە لەســـەر بنەمای بیری نەتەوەیی دامەزراون و نە لەو پێناوەشـــدا هیچ هەوڵێكیـــان داوە، بگرە بە دەنگی بەرز و ڕاشكاو ڕایانگەیاندووە، كە بەرژەوەندیی نەتەوەییی كورد لە هەر جێیەكدا بێ، ئەوان دژی دەوەستنەوە و بە كردەوەش سەلماندوویانە، هێزی نیشتمانپەروەری كورد لە هەر جێیەكدا بێ، ئەوان دوژمنایەتی دەكەن.

 




دوایین هەواڵەکان

بروسکەی سەرەخۆشیی سەرۆک بارزانی بۆ کۆچی دوایی وشیار كاكە زیاد حەمە ئاغای غفوری

SATURDAY, 21 MAY 2022 21:05:49

بەڕێزان خانەوادەی كاكە زیادی کۆیە
بەخەم و پەژارەیەکی زۆرەوە هەواڵی كۆچی دوایی كاك(وشیار كاكە زیاد حەمە ئاغای غەفوری)مان پێگەیشت.

بەڕێوەبەری گشتیی شارەوانییەکان: ئەو زەوییانەی کارتن، تاپۆ دەکرێن

SATURDAY, 21 MAY 2022 18:05:36

هەولێر –KDP.info- لە سنووری شارەوانیی قەزا و ناحیەکانی پارێزگای ھەولێر، ساڵانی ڕابردوو ژمارەیەکی بەرچاوی زەوی دابەش کراون و ھێشتا کارتن و نەکراونەتە سەنەد، بەڕێوەبەری گشتیی شارەوانییەکانیش دەڵێت، پڕۆسەی تاپۆکردنیان دەست پێ کردووە و یەکەیەکی تایبەت کراوەتەوە بۆ تاپۆکردنیان.

 

دوو پسپۆڕ شیکاری بۆ بەشداریی مەسرور بارزانی لە کۆڕبەندی داڤووس دەکەن

SATURDAY, 21 MAY 2022 17:05:33

هەولێر-KDP.info- شارەزایانی سیاسی پێیان وایە، هەرێمی کوردستان ناوەندێکی دیار و گرنگە لە جیۆسیاسی و ئەمنییەتی ناوچەکەدا و ئێستا جیهان بە گرنگییەوە دەڕوانێتە هەرێمی کوردستان، چونکە شوێنیکی دیار و گرنگە و توانیویەتی خۆی بسەلمێنیت و لە گۆڕەپانێکی جەنگ و ململانێیەکاندا توانیویەتی بە پارێزراوی بمێنیتەوە و ببێتە ناوەندێکی ئابووریی گرنگی جیهانی و پێشیان وایە، ئێستا چاوی وڵاتان زیاتر لە سەر هەرێمی کوردستانە کە توانیویەتی دەستی وڵاتانی جیهان بگرێت بۆ ئەوە بێنە هەرێمی کوردستان.

 

"پێویستە یوئێن و ھاوپەیمانان ھەڵوێستیان ھەبێت"

SATURDAY, 21 MAY 2022 15:05:59

ھەولێر -KDP.info- ڕاوێژکاری سەرۆکی حکوومەتی ھەرێمی کوردستان بۆ کاروباری ناوچە کوردستانییەکان گوتی، بە بەرچاوی ئیدارە و ھێزە ئەمنییەکانەوە تەعریب دەکرێت و ڕێگایان بۆ خۆش دەکرێت، بۆیە چارەسەرکردنی ئەو کێشەیە بە یەکڕیزی و جێبەجێکردنی مادەی ١٤٠ دەکرێت و پێویستە یوئێن و ھاوپەیمانانیش ھەڵوێستیان ھەبێت و بێدەنگ نەبن.

 

"دەستپێشخەریی پارتی دۆخەکەی ئارام کردووەتەوە"

SATURDAY, 21 MAY 2022 15:05:57

ھەولێر -KDP.info- بەرپرسی لقی ٢٤ی سەفینی پارتی دیموکراتی کوردستان لە شەقڵاوە گوتی، دەستپێشخەریی پارتی دیموکراتی کوردستان بۆ یەکڕیزیی ناوماڵی کوردی وای کردووە کە ئارامی لە ھەرێمی کوردستان دروست بێت و مەکتەبی سیاسییش ڕاسپێردراوە کە پەیوەندی لەگەڵ ھەموو لایەنەکان ئاسایی بکرێتەوە و ئەگەر گرفتێکیشمان لەگەڵ بەغدا ھەبێت لەناو کێشەکانی خۆماندا چارەسەری بکەین.

 



 
© 2021 Kurdistan Democratic Party, KDP

Contact