Kurdî  ■  كوردی  ■  عربي
SUN, 29 MAY 2022 14:25 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

شارەوانیی ھەولێر: بەھۆی ئامادەکاریی پێشوەختەوە لافاوی ئەم جارە زیانی کەمتر بوو
| KDP.info


ھەولێر -KDP.info- سەرۆکی شارەوانیی ھەولێر گوتی، بەھۆی ئەوەی ئەم جارە ئامادەکاریی پێشوەختەمان کردبوو، زیانی لافاو کەمتر بوو و تەنھا ھەندێک زیانی ماددیی ھەبوو و زیانی گیانیی نەبوو و ئێستاش ٢٢ تیم ئامادەن لە ھەر شوێنێک پێویست بێت لە خزمەت ھاووڵاتیاندان و ئامادەکارییش کراوە بۆ ھەر لافاوێکی دیکە، ئەگەر ڕوو بدات.

سەرۆکی شارەوانیی ھەولێر، عەبدولواحید ئەحمەد، بۆ ماڵپەڕی فەرمیی پارتی دیموکراتی کوردستان گوتی: "پێش ئەوەی ئەم شەپۆلی بارانە ببارێت، ئێمە وەکوو شارەوانیی ھەولێر ئامادەکاریی تەواومان کردبوو و سەرەمەنھۆڵەکانمان ھەڵگرتبوو و شەقامەکان و کەندەکانمان پاک کردبووەوە و کارەکانمان زۆر باش کردبوو و ئەو شەپۆلەی ئەم جارە وەکوو دوو شەپۆلەکەی پێشتر نەبوو کە لافاوێکی زۆر ھەستێت و زیانی ھەبێت و ئەوەی زیاتر زیانی بەر کەوتبوو، زیلان ستی بوو، کە ئاو چووبووە ناو ھەندێک ماڵ و مزگەوتێکەوە، بەڵام بەگشتی زیانەکان کەم بوون.''

عەبدولواحید ئەحمەد گوتیشی: ''ئەوەی جێگەی خۆشحاڵییە زیانی گیانیی نەبوو و تیمەکانی ئێمە بەردەوام لەئەرکدان بە دەزگا خێرخوازییەکانیشەوە، لەوانە دەزگای خێرخوازیی بارزانی و، بەردەوام کار دەکەن و لە ھەر شوێنێک پێویستی ھەبێت بە ھانای خەڵکەوە دەچن.''

ئەحمەد ڕوونیشی کردەوە: ''پارێزگار زیانەکانی ئەم لافاوە دیاری دەکات، بەڵام بۆ ھاوکاریکردنی خەڵک ھەموو ئالەتەکانی ئێمە لە خزمەت ھاووڵاتیاندان و ئێستا ٢٢ تیمی ئێمە لە ئامادەباشیدان و لە ھەموو ھەولێر بڵاوەیان پێ کراوە و کاری خۆیان کردووە و ئامادەکاریی باشیشمان کردووە بۆ ئەگەری ڕوودانی ھەر لافاوێکی دیکە.''

 

بڵند ئیبراھیم


 




دوایین هەواڵەکان

عەلی تەتەر: داوا لە پەكەكە دەكەین دەست لەو سیاسەتە هەڵەیە بەربدات

SUNDAY, 29 MAY 2022 13:05:45

شیلادزێ-KDP.info- ئەمڕۆ پارێزگاری دهۆك سەردانی ناحیەی شیلادزێی سەر بە شاری ئامێدی كرد و لە كاتی كردنەوەی پرۆژەیەكدا رایگەیاند، حكوومەتی هەرێمی كوردستان لە ڕێگەی سەدان پرۆژەوە خزمەتی خەڵكی كوردستان دەكات، بەڵام پارتی كرێكارانی كوردستان (پەكەكە) خراپەكاری دەكات.

 
روشدی بۆ KDP: جگە لە کۆبوونەوەی پارتی و یەکێتی کۆبوونەوەیەکی فراوانیش بەڕێوەدەچێت

SUNDAY, 29 MAY 2022 12:05:08

ھەولێر-KDP.info- بڕیارە لە چەند رۆژی داھاتوو پارتی و یەکێتی لەسەر کۆی پرسەکان کۆببنەوە و راوێژکاری مەکتەبی سیاسی پارتیش دەڵێ، جگە لە کۆبوونەوەی پارتی و یەکێتی کۆبوونەوەیەکی فراوان لە نێوان ھەموو لایەنەکان بەڕێوەدەچێت.

 
هۆشیار سیوه‌یلی، پێشوازی لە دۆستی گەلی کورد ئێرلینگ فۆلکڤۆرد كرد

SUNDAY, 29 MAY 2022 10:05:01

ھەولێر-KDP.info- لە مەکتەبی پەیوەندییەکانی دەرەوەی پارتی دیموکراتی کوردستان لەلایەن بەرپرسی مەکتەب و دیسکی ئەوروپای پەیوەندییەکانی دەرەوە پێشوازی کرد لە (ئێرلینگ فۆلکڤۆرد) سیاسەتمەدار و نووسەری ناسراوی نەرویژی و دۆستی گەلی کورد و پەرلەمانتاری پێشووی پەرلەمانی نەرویژ لە ساڵانی نێوان ١٩٩٣-١٩٩٧ لەسەر لیستی پارتی چەپی ئەم وڵاتە. 

 
ڕوونكردنەوەیەك لە بارەگای سەرۆك بارزانییەوە

SUNDAY, 29 MAY 2022 10:05:41

ھەولێر-KDP.info- باره‌گای بارزانی له‌ راگه‌یه‌نداوێكدا روونكردنه‌وه‌ی له‌سه‌ر لێدوانێكی دروستكراو دا و رایگه‌یاند، به‌ ناوی سه‌رۆك بارزانییه‌وه‌ لێدوانێكی درووستكراو له‌ ژماره‌یه‌ك ماڵپه‌ڕ و تۆڕه‌ كۆمه‌ڵایه‌تییه‌ عه‌ره‌بییه‌كان بڵاوكراوه‌ته‌وه‌، كه‌ دووره‌ له‌ راستی و هیچ بنه‌مایه‌كی نییه‌.

 
با هەموومان پشتیوانی كاری دڵسۆزانه‌ بین

SUNDAY, 29 MAY 2022 00:05:31

سەلام عەبدوڵلا



 
© 2021 Kurdistan Democratic Party, KDP

Contact