Kurdî  ■  كوردی  ■  عربي
THU, 21 OCT 2021 14:58 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"لە شنگال ژمارەیەک چەکداری دیکە دەستبەرداری پەکەکە بوون"
| KDP.info


شنگال -KDP.info- لە ماوەی دوو ڕۆژی ڕابردوودا لە شنگال ژمارەیەکی بەرچاوی چەکدار دەستبەرداری ڕیزەکانی پەکەکە بوون. بەرپرسێکی پارتییش دەڵێت، سەرکەوتنی پارتی لە شنگال خەڵکی سەر بە پەکەکەی بێئومێد کردووە.

ڕەڤو خەلەف، بەرپرسی ناوچەی گۆھبەلی پارتی، بە ماڵپەڕی فەرمیی پارتی دیموکراتی کوردستانی ڕاگەیاند: "لە ماوەی دوو ڕۆژی ڕابردوودا نزیکەی ٤٠٠ تا ٥٠٠ چەکداری سەر بە ھێزەکانی پەکەکە لە شنگال وازیان لە پەکەکە ھێناوە و لای ئێمە ناویان تۆمار کردووە، ئەوەش دوای ڕاگەیاندنی ئەنجامی ھەڵبژاردنی پێشوەختەی پەرلەمانی عێراق هات کە خەڵکی سەر بە پەکەکە لە شنگال بێئومێد بوون، واتا سەرکەوتنی ھەرسێ کاندیدی پارتی لە شنگال کاریگەریی ھەبووە لەسەر ئەوەی خەڵک لە شنگال دەستبەرداری پەکەکە بن.''

بەرپرسەکەی پارتی دەشڵێت: "ئەو خەڵکەی پێشتر بە ھەر ھۆکارێک پەیوەندییان بە پەکەکەوە کردبێت، یان چەکداری پەکەکە بووبێتن، ئێستا بەشی زۆریان پەشیمانن لە خەباتیان لەنێو ڕیزەکانی پەکەکەدا.''

ڕەڤو خەلەف ئاماژەی بۆ ئەوەش کرد: "ئێمە ژمارەیەک لیژنەمان ھەیە بۆ تۆمارکردنی ئەو چەکدارانەی واز لە ڕیزەکانی پەکەکە دێنن، پێویستە کەسێکی دەستبەرداری پەکەکە دەبێت، بەڵگەی ھەبێت کە چەکداری پەکەکە بووە و زانیاریی دروستی لێ وەردەگیرین و بۆ سەرەوەی خۆمانی ڕەوانە دەکەین.''

قائید میرۆ


 




دوایین هەواڵەکان

عێراق 15 دەستگیرکراوی سعوودی ڕادەست دەکاتەوە

THURSDAY, 21 OCTOBER 2021 14:10:08

جەنەد ڕیاد ئەلکەعبی، بەڕێوەبەری فەرمانگەی باری شارستانی و پاسپۆرتی وەزارەتی نێوخۆی عێراق ڕایگەیاند، وڵاتەکەی دوای بەسەرچوونی سزاکانیان، 15 زیندانیی سعوودی ڕەوانەی ڕیاز کردووەتەوە.

 

سەرۆکى هەرێمى کوردستان لەگەڵ باڵیۆزى بەریتانیا کۆبووەوە

THURSDAY, 21 OCTOBER 2021 14:10:41

بەیانیى ئەمڕۆ پێنجشەممە 2021/10/21 بەڕێز نێچیرڤان بارزانى، سەرۆکى هەرێمى کوردستان، پێشوازى لە بەڕێز مارک برایسن ڕیچاردسن، باڵیۆزى بەریتانیا لە عیراق کرد.

 

وەزیری پەروەردە لە پەرلەمانی کوردستان میوانداری دەکرێت

THURSDAY, 21 OCTOBER 2021 14:10:41

ھەولێر -KDP.onfo- ئەندامێکی لیژنەی پەروەردە و خوێندنی باڵای پەرلەمانی کوردستان گوتی، بڕیارە ھەفتەی داھاتوو وەزیری پەروەردە لەلایەن پەرلەمانەوە میوانداری بکرێت بۆ تاوتوێی کێشەی وانەبێژان و چەند پێشنیارێکیش بۆ چارەسەرکردنی کێشەکانیان ھەیە.

 

سەرۆک بارزانی پێشوازی لە باڵیۆزی بەریتانیا لە عێراق دەکات

THURSDAY, 21 OCTOBER 2021 14:10:32

هەولێر-KDP.info- ئەمڕۆ پێنجشەممە ٢١ـی تشرینی یەکەمی ٢٠٢١ لە سەلاحەددین سەرۆک مەسعود بارزانی پێشوازی لە مارک بریسۆن ڕیچاردسۆن، باڵیۆزی بریتانیا لە عێراق و شاندێکی یاوەری کرد.

 
مەسرور بارزانی ڕەزامەندی لە خەرجکردنی 400 ملیۆن دینار بۆ کەرتی تەندروستی دەڤەری راپەڕین دەدات

THURSDAY, 21 OCTOBER 2021 14:10:27

بەهۆی زیادبوونی ژمارەی تووشبووان بە ڤایرۆسی کۆرۆنا لە دەڤەری راپەڕین، مەسرور بارزانی سەرۆکی حکـومەتی هەرێمی کوردستان ئەمڕۆ پێنجشەممە 21ی ئۆکتۆبەری 2021 ڕەزامەندی لەسەر خەرجکرنی بڕی 400 ملیۆن دینار دا وەک هاوکاری بەپەلە بۆ کەرتی تەندروستی دەڤەری ڕاپەرین.

 


 
© 2021 Kurdistan Democratic Party, KDP

Contact