Kurdî  ■  كوردی  ■  عربي
FRI, 11 JUL 2025 02:28 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

سایلۆى که‌لار تواناى وه‌رگرتنى 40 هه‌زار تۆ‌ن گه‌نمى هه‌یه‌
| KDP.info


گەرمیان -PDK.info- بەڕێوەبه‌رى گشتیى کشتوکاڵى گه‌رمیان ده‌ڵێت، کردنه‌وه‌ى پرۆژه‌ى سایلۆى که‌لار یه‌کێکه‌ له‌ پرۆژه‌ گرنگه‌کانی ‌ناوچه‌که‌ و کێشه‌ى هه‌ڵگرتنى دانه‌وێڵەى ساڵانه‌ى ‌سنووره‌که‌ى پێ چاره‌سه‌ر دەکرێت.

شادیه‌ حسێن، به‌ڕێوەبه‌رى گشتیى کشتوکاڵى گه‌رمیان، به ‌ماڵپه‌ڕى فه‌رمیى پارتى دیموکراتى کوردستانى ڕاگه‌یاند: "لە سنوورى ئیداره‌ى گه‌رمیان به‌ حوکمى ئه‌وه‌ى ناوچه‌یه‌کى کشتوکاڵییه‌ و ساڵانه‌ ڕووبه‌رێکى زۆرى سنووره‌که‌ به‌ به‌رهه‌مى دانه‌وێله‌ ده‌چێنرێت، پێویستییه‌کى زۆرمان به‌ سایلۆیه‌ک هه‌بوو بۆ کۆکردنه‌وه‌ى به‌رهه‌مى ساڵانه‌ى جووتیاران، کردنه‌وه‌ى پرۆژه‌که‌ یه‌کیک بوو له‌ پێداویستییه‌ سه‌ره‌کییه‌کانى به‌ڕێوەبه‌رایه‌تیی کشتوکاڵى گه‌رمیان و خزمه‌تێکى به‌رچاو به‌ جووتیارانى سنووره‌که‌ دەکات، چونکه‌ ساڵانى ڕابردوو له‌گه‌ڵ دروێنه‌ى دانه‌وێڵە جووتیاران کێشه‌ى وه‌رگرتن و کۆکردنه‌وه‌ى به‌رهه‌مەکەیان هەبوو، بۆیه‌ به ‌کردنه‌وه‌ى سایلۆکه‌ شتێک نامێنێت به ‌ناوى کێشه‌ى هه‌ڵگرتنى به‌روبووم".

گوتیشى: "سایلۆکه‌ ساڵانه‌ تواناى هەڵگرتنى 40 هه‌زار تۆ‌ن گه‌نمى هه‌یه‌، له‌ ساڵى داهاتووەوه‌ جووتیارانى سنووره‌که‌ بەبێ گرفت ده‌توانن سوودى لێ وه‌ربگرن و به‌رهه‌مه‌کانیان له‌ سایلۆکەدا دابنێن".

بەڕێوبه‌رى گشتیى کشتوکاڵى گه‌رمیان ڕوونیشى کرده‌وه: "به‌ده‌ر له‌وه‌ ئێستا سنوورى گه‌رمیان پێویستى به‌ سایلۆیەکى دیکه هە‌یه‌ له‌ گه‌رمیان و به‌ دیاریکراوى له‌ سنوورى کفرى، بۆ ئه‌وه‌ش وه‌ک کشتوکاڵى گه‌رمیان داوامان له‌ ئیداره‌ى گه‌رمیان کردووه‌ که‌ وه‌زاره‌تى بازرگانیی حکوومه‌تى هه‌رێم سایلۆیه‌کى دیکه‌ بکاته‌وه‌ و بخرێته‌ خزمه‌تى جووتیارانى سنووره‌کەوە‌".

ئه‌رسه‌لان ئه‌حمه‌د

 




دوایین هەواڵەکان

سبه‌ی هەرێمی کوردستان میوانداری بەڕێوەچوونی پرۆسەیەکی گرینگ و چارەنوسساز دەکات

THURSDAY, 10 JULY 2025 21:07:18

ھەولێر-KDP.info- گوتەبێژی سەرۆکایەتیی هەرێمی هەرێمی کوردستان دەڵێت، هەموو ئاسانکارییەک کراوە بۆ بەڕێوەچوونی ڕێوڕەسمی چەکدانانی ژمارەیەک چەکداری پەکەکە ده‌شڵێت، هەرێمی کوردستان میوانداری ئه‌م پرۆسە گرنگه‌ دەکات.

 
کۆمپانیا کەنەدییەکان دەیانەوێت لە ھەرێمی کوردستان کار بکەن

THURSDAY, 10 JULY 2025 18:07:10

ھەولێر-KDP.info- سەرۆکی دەستەی وەبەرھێنان لە ھەرێمی کوردستان دەڵێت "پەیوەندی نێوان ھەرێمی کوردستان و کەنەدا زۆر باشە و کۆمپانیا کەنەدییەکان دەیانەوێت بێن لە ھەرێمی کوردستان کار بکەن، ئێمەش وەکو حکوومەتی ھەرێمی کوردستان ھاوکاری و ئاسانکاری تەواویان بۆ دەکەین." 

 
شانده‌كه‌ی پەرلەمانتارانی دەم پارتی ئەمشەو لە هەولێر دەمێننەوه‌

THURSDAY, 10 JULY 2025 15:07:27

ھەولێر-KDP.info- بۆ بەشداربوون لە رێوڕەسمی چەکدانانی گرووپێکی پارتی کرێکارانی کوردستان (پەکەکە)، شاندێکی پەرلەمانتارانی دەم پارتی و کەسایەتییەکانی باکووری کوردستان گەیشتنە هەرێمی کوردستان. 

 
ڕوونكردنەوەیەك لە وەزارەتی ناوخۆی حكوومەتی هەرێمی كوردستانەوە

THURSDAY, 10 JULY 2025 13:07:31

ھەولێر-KDP.info- وەزارەتی ناوخۆی هەرێمی کوردستان بڵاویکردەوە، لە ئەنجامی ناکۆکیی نێوان چەند کەسێک لە سەر کێشەی زەوی و زار، گرژی و نائارامی لە ناوچەی خەباتی سەر بە پارێزگای هەولێر دروست بوو کە بە داخەوە بووە هۆکاری زیانی گیانی و ماددی.

 
بزانه‌ کابینەی نۆیه‌م لە سنووری هەر چوار پارێزگادا چی له‌ بواری ڕێگەوباندا كردووه‌

THURSDAY, 10 JULY 2025 13:07:19

ھەولێر-KDP.info- لە ماوەی کارکردنی کابینەی نۆیەمی حکوومەتی هەرێمی کوردستان، بە سەرۆکایەتی مەسروور بارزانی تەنیا لە کەرتی ڕێگه‌وباندا لە سنووری هەر چوار پارێزگاکە و هەر چوار ئیدارە سەربەخۆکەی هەرێم، بە درێژایی 2681 کیلۆمەتر ڕێگه‌ دروستکراوە، لە پێناو بەهێزکردنی ژێرخانی ڕێگەوبان و ئاسانی هاتوچۆی هاووڵاتیان و بەستنەوەی ناوچەکان بە یەکتری.

 


 
© 2023 Kurdistan Democratic Party, KDP

Contact