Kurdî  ■  كوردی  ■  عربي
THU, 21 OCT 2021 15:21 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کێ خەڵات کراو، کێ سزا درا؟
| KDP.info


 

هاودەنگ فاروق

 ‎پارتی لەم هەڵبژاردنەشدا توانیی متمانەی بەرزی زۆرینەی گەل وەرگرێتەوە، پارتی بە ژیری و پلانی شەوخستنەسەر ڕۆژی كادیر و خەڵكی دۆست و دڵسۆزی سەرۆک بارزانی و ئۆرگانە دامەزراوەییەكان و پابەندی و پرەنسیپی حزبیی ئەندام و جەماوەرە دڵسۆز و سەرڕاستەكەی توانیی سەر بكەوێت و سەپرایزی بۆ دۆست و نەیاران هەبێ.

‎ پارتی سەرکەوتنی ئەمجارەیشی، سەلمێنەری ئەو ڕاستییەیە کە هێزێکی خاوەن سەنگ و پێگەی سیاسیی کوردستانی و متمانە و حساب بۆكراوی میللەتی خۆیەتی، ئەوەش نهێنیی ڕەگداكوتانی ئەو درەختە دێرین و ڕەسەنەیە کە پێی دەڵێن: پارتی و ڕێبازی بارزانی، ئەو پارتەی كێوێك توانا و وزەی نەچاوەڕوانکراوەی هەیە، زیاتر لە ٧٥ساڵە ڕیشەی لە ناخی خاك و میللەتەكەیدا داکوتاوە. 

ئەمجارە پەرلەمانی ئێراق، دەبێتە گۆڕەپانی شەڕە نەتەوایەتییەكانی كورد، پێشمەرگەكانی بارزانی لە سەنگەرەكانی بەرگری لە مافە دەستووری و سیاسییەكانی خەڵكی كوردستاندا دەبن و، هیچ هێزێكی شۆڤێنی ناتوانێت دەستدرێژی و دەمدرێژی بكاتە سەر هەیبەت و شكۆی كوردستان و مافە دەستوورییەكانی خەڵک.

لێرەوە ئیدی پێویستە هێزە سیاسییەكانی كوردستان، لە ژێر باڵی خەتێكی نەتەوەیی هەنگاوەكانیان یەک بخەن، گەورەترین فراكسیۆنی كورد لە نوێنەرانی عێراق، فراكسیۆنی پارتی، دەبێتە چەترێكی سیاسی و نەتەوایەتی. 

لە دوای ئەوەی خەڵكی كوردستان سزای هەموو ئەوانەیان دا كە لە هێڵی نەتەوەیی لایان دابوو، پەیامی خۆی دا بە پەرلەمانتارە تازەكانیش، كە ئیتر بازاڕی پشتكردن لە مافەكانی خەڵكی كوردستان كۆتایی هات، كێشەی كورد گەڕایەوە سەر سكە سروشتییەکەی خۆی و، پەرلەمانتارەكان هەمووان پێكەوە دەبێت لەو پەیامە  تێگەیشتبێتن.

 بەو پەیامەش هێڵی نەتەوەیی، پێشمەرگەكانی بارزانی درەوشانەوە، ڕێگەیان نەدا كێشەی كورد بچووک بكرێتەوە و بەلاڕێدا ببرێت، بۆ لەمەودواش، كێشەی خاک و سەروەری و مافە دەستوورییەكانی خەڵكی كوردستان، بە ڕێنمایی سەرۆک بارزانی و دەستپێشخەرییەكانی تیمی پەرلەمانی پارتی، وەك یەک پاكێچ لە ئەجێندای سیاسەتی ئێراقیدا دەچەسپێنرێن و كاریان لەسەر دەكرێت. 

ئەوەش گەورەترین سەركەوتنە بۆ هەموو كورد، پارتی بەو دەنگی یەكەمە نەک لە خۆی دەرناچێ، بگرە لە وەڵامی ئەو متمانەیەدا، هەوڵ دەدا زیاتر و شێلگیرانەتر لە جاران خزمەتی میللەت و نیشتمانەكەی بكات و، زیاتر ئاوڕ لە ئێش و ئازاری خەڵكی خۆی بداتەوە.




دوایین هەواڵەکان

عێراق 15 دەستگیرکراوی سعوودی ڕادەست دەکاتەوە

THURSDAY, 21 OCTOBER 2021 14:10:08

جەنەد ڕیاد ئەلکەعبی، بەڕێوەبەری فەرمانگەی باری شارستانی و پاسپۆرتی وەزارەتی نێوخۆی عێراق ڕایگەیاند، وڵاتەکەی دوای بەسەرچوونی سزاکانیان، 15 زیندانیی سعوودی ڕەوانەی ڕیاز کردووەتەوە.

 

سەرۆکى هەرێمى کوردستان لەگەڵ باڵیۆزى بەریتانیا کۆبووەوە

THURSDAY, 21 OCTOBER 2021 14:10:41

بەیانیى ئەمڕۆ پێنجشەممە 2021/10/21 بەڕێز نێچیرڤان بارزانى، سەرۆکى هەرێمى کوردستان، پێشوازى لە بەڕێز مارک برایسن ڕیچاردسن، باڵیۆزى بەریتانیا لە عیراق کرد.

 

وەزیری پەروەردە لە پەرلەمانی کوردستان میوانداری دەکرێت

THURSDAY, 21 OCTOBER 2021 14:10:41

ھەولێر -KDP.onfo- ئەندامێکی لیژنەی پەروەردە و خوێندنی باڵای پەرلەمانی کوردستان گوتی، بڕیارە ھەفتەی داھاتوو وەزیری پەروەردە لەلایەن پەرلەمانەوە میوانداری بکرێت بۆ تاوتوێی کێشەی وانەبێژان و چەند پێشنیارێکیش بۆ چارەسەرکردنی کێشەکانیان ھەیە.

 

سەرۆک بارزانی پێشوازی لە باڵیۆزی بەریتانیا لە عێراق دەکات

THURSDAY, 21 OCTOBER 2021 14:10:32

هەولێر-KDP.info- ئەمڕۆ پێنجشەممە ٢١ـی تشرینی یەکەمی ٢٠٢١ لە سەلاحەددین سەرۆک مەسعود بارزانی پێشوازی لە مارک بریسۆن ڕیچاردسۆن، باڵیۆزی بریتانیا لە عێراق و شاندێکی یاوەری کرد.

 
مەسرور بارزانی ڕەزامەندی لە خەرجکردنی 400 ملیۆن دینار بۆ کەرتی تەندروستی دەڤەری راپەڕین دەدات

THURSDAY, 21 OCTOBER 2021 14:10:27

بەهۆی زیادبوونی ژمارەی تووشبووان بە ڤایرۆسی کۆرۆنا لە دەڤەری راپەڕین، مەسرور بارزانی سەرۆکی حکـومەتی هەرێمی کوردستان ئەمڕۆ پێنجشەممە 21ی ئۆکتۆبەری 2021 ڕەزامەندی لەسەر خەرجکرنی بڕی 400 ملیۆن دینار دا وەک هاوکاری بەپەلە بۆ کەرتی تەندروستی دەڤەری ڕاپەرین.

 


 
© 2021 Kurdistan Democratic Party, KDP

Contact