Kurdî  ■  كوردی  ■  عربي
THU, 21 OCT 2021 15:35 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەنجامێکی شکۆدار
| KDP.info


سەلام عەبدوللا

ئه‌نجامه‌ به‌راییه‌كانی هه‌ڵبژاردن، نیشانی ده‌ده‌ن كه‌ پارتی دیموكراتی كوردستان، له‌ سه‌رانسه‌ری هه‌رێمدا زۆرینه‌ی ده‌نگه‌كانی به‌ده‌ست هێناوه‌ كه‌ له‌ ڕاستیدا چاوه‌ڕوانكراو بوو، چونكه‌ سیاسه‌تی حه‌كیمانه‌ی سه‌ركردایه‌تی و متمانه‌ی به‌ جه‌ماوه‌ر و لایه‌نگران و دۆستانی به‌ كردار ئه‌و ڕاستییه‌یان نیشان دا، کە‌ ئه‌م حزبه‌ دێرینه‌‌ خه‌بات و تێكۆشانی (75) ساڵی له‌ پشته،‌ جێی بڕوا و هیوای زۆرینه‌ی دانیشتووانی هەر‌ێمه ‌و ئه‌زموونی چه‌ندین ساڵه‌ی نوێنه‌رانی له‌ ئه‌نجوومه‌نی نوێنه‌رانی عێراق هه‌میشه‌ هاوته‌ریب بوو له‌گه‌ڵ خواست و داوا ڕه‌واكانی گه‌له‌كه‌ماندا و له‌و مه‌حفه‌له‌ گرنگەشدا داكۆكیكارێكی سه‌رسه‌خت و بوێر و چالاك بووه ‌و هه‌میشه‌ پشتیوانی هه‌رێم و دانیشتووانی بووه‌، بۆیه‌ ئه‌وانیش پاداشتی ئه‌و هه‌ڵوێسته‌ جوامێریانه‌یان به‌و ده‌نگه‌ زۆره‌ داوه‌ته‌وه‌.

پارتی كه‌ خاوه‌نی مێژووییه‌كی پڕ سه‌روه‌ری و خه‌باتی چه‌كدارییه ‌و له‌پێناو سه‌رفرازی و به‌رگریکردن له‌ گه‌له‌كه‌یدا هه‌زاران قوربانی داوه‌، ئه‌و ڕاستییه‌ش ده‌زانی كه‌ خه‌باتی ئه‌مڕۆ، خه‌باتی مه‌ده‌نی و په‌رله‌مانییه‌، بۆیه‌ هه‌میشه‌ داوای له‌ نوێنه‌رانی بووه‌ كه‌ پێشمه‌رگه‌ ئاسا له‌ به‌غدا كار و چالاكییان ئه‌نجام بده‌ن و نوێنه‌ری به‌ ئه‌مه‌كی گه‌له‌كه‌یان بن و چاوپۆشی له‌ هه‌ڵوێستی ناحه‌زان نه‌كه‌ن.

ئه‌مانه‌ش بۆیه‌ ده‌ڵێین، چونكه‌ هه‌موومان هه‌ندێك له‌و نوێنه‌رانه‌مان ده‌دیت له‌ ئه‌نجوومه‌نی نوێنه‌ران كه‌ چۆن دژایه‌تی هه‌رێم و گه‌له‌كه‌مان ده‌كه‌ن و حزبه‌كانیشیان كڕو بێده‌نگن به‌رامبه‌ریان.

ئه‌وه‌ی له‌م ئه‌نجامه‌ به‌راییانه‌دا ده‌رده‌كه‌وێت ئه‌وه‌یه‌ كه‌ زۆربه‌ی زۆری ئه‌وانه‌ی دروشمی دژایه‌تی هه‌رێم و حكوومه‌ته‌كه‌یان كردبووه‌ كاری ڕۆژانه‌یان و له‌سه‌ر شاشه‌ی تیڤیه‌كان چی خراپه‌ به‌ هه‌رێمیان ده‌كرد، به‌ر نه‌فره‌تی گه‌له‌كه‌مان كه‌وتن و به‌ ده‌نگنه‌دان پێیان سزای موسته‌حه‌قی خۆیان پێدان و ئه‌مه‌ش ئاستی وشیاری گه‌له‌كه‌مان نیشان ده‌دات كه‌ چیتر هه‌ڵوێستی دژه‌ نیشتمان قەبووڵ ناكات و سزایان ده‌دات.

ئه‌م سه‌ركه‌وتنه‌ شكۆداره‌، به‌رپرسیارێتییه‌کی گه‌وره‌ ده‌خاته‌ سه‌ر نوێنه‌رانمان له‌ به‌غدا و ده‌بێت له‌م چوار ساڵه‌ی نوێنه‌رایه‌تییان سه‌رومڕ خۆیان بۆ كار و چالاكی نێو په‌رله‌مان ته‌رخان بكه‌ن و هه‌وڵی به‌رده‌وام بده‌ن بۆ جێبه‌جێكردنی خاڵه‌ ده‌ستوورییه‌كان كه‌ حكوومه‌ت تا ئه‌مڕۆ پشتگوێی ده‌خات و داوای ئاساییكردنه‌وه‌ی ناوچه‌ داگیركراوه‌كان بكه‌ن و ماده‌ی (140) كارا بكه‌نه‌وه ‌و داوای قه‌ره‌بووی ئه‌نفالكراوان و كیمیابارانكراوی هه‌ڵه‌بجه ‌و دۆزینه‌وه‌ی ڕوفاتی شه‌هیدان بكه‌ن و به‌گشتی سه‌ربازانی به‌ره‌ی پێشه‌وه‌ی خه‌باتی مه‌ده‌نی بن له‌ په‌رله‌مان و نوێنه‌ری ڕاسته‌قینه‌ی گه‌ل بن.

بۆیه‌ پڕ به‌ دڵ سوپاسی ئه‌ندام و لایه‌نگر و دۆستان و خه‌ڵكی هۆشیاری گه‌له‌كه‌مان ده‌كه‌ین.




دوایین هەواڵەکان

عێراق 15 دەستگیرکراوی سعوودی ڕادەست دەکاتەوە

THURSDAY, 21 OCTOBER 2021 14:10:08

جەنەد ڕیاد ئەلکەعبی، بەڕێوەبەری فەرمانگەی باری شارستانی و پاسپۆرتی وەزارەتی نێوخۆی عێراق ڕایگەیاند، وڵاتەکەی دوای بەسەرچوونی سزاکانیان، 15 زیندانیی سعوودی ڕەوانەی ڕیاز کردووەتەوە.

 

سەرۆکى هەرێمى کوردستان لەگەڵ باڵیۆزى بەریتانیا کۆبووەوە

THURSDAY, 21 OCTOBER 2021 14:10:41

بەیانیى ئەمڕۆ پێنجشەممە 2021/10/21 بەڕێز نێچیرڤان بارزانى، سەرۆکى هەرێمى کوردستان، پێشوازى لە بەڕێز مارک برایسن ڕیچاردسن، باڵیۆزى بەریتانیا لە عیراق کرد.

 

وەزیری پەروەردە لە پەرلەمانی کوردستان میوانداری دەکرێت

THURSDAY, 21 OCTOBER 2021 14:10:41

ھەولێر -KDP.onfo- ئەندامێکی لیژنەی پەروەردە و خوێندنی باڵای پەرلەمانی کوردستان گوتی، بڕیارە ھەفتەی داھاتوو وەزیری پەروەردە لەلایەن پەرلەمانەوە میوانداری بکرێت بۆ تاوتوێی کێشەی وانەبێژان و چەند پێشنیارێکیش بۆ چارەسەرکردنی کێشەکانیان ھەیە.

 

سەرۆک بارزانی پێشوازی لە باڵیۆزی بەریتانیا لە عێراق دەکات

THURSDAY, 21 OCTOBER 2021 14:10:32

هەولێر-KDP.info- ئەمڕۆ پێنجشەممە ٢١ـی تشرینی یەکەمی ٢٠٢١ لە سەلاحەددین سەرۆک مەسعود بارزانی پێشوازی لە مارک بریسۆن ڕیچاردسۆن، باڵیۆزی بریتانیا لە عێراق و شاندێکی یاوەری کرد.

 
مەسرور بارزانی ڕەزامەندی لە خەرجکردنی 400 ملیۆن دینار بۆ کەرتی تەندروستی دەڤەری راپەڕین دەدات

THURSDAY, 21 OCTOBER 2021 14:10:27

بەهۆی زیادبوونی ژمارەی تووشبووان بە ڤایرۆسی کۆرۆنا لە دەڤەری راپەڕین، مەسرور بارزانی سەرۆکی حکـومەتی هەرێمی کوردستان ئەمڕۆ پێنجشەممە 21ی ئۆکتۆبەری 2021 ڕەزامەندی لەسەر خەرجکرنی بڕی 400 ملیۆن دینار دا وەک هاوکاری بەپەلە بۆ کەرتی تەندروستی دەڤەری ڕاپەرین.

 


 
© 2021 Kurdistan Democratic Party, KDP

Contact