Kurdî  ■  كوردی  ■  عربي
THU, 21 OCT 2021 14:14 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

شاندێکی ئەڵمانی و ئیتاڵی سەردانی پەیوەندییەکانی دەرەوەی (پ.د.ک)یان کرد
| KDP.info


هەولێر -KDP.info- لەلایەن بەرپرسی مەکتەب و ژمارەیەک لە هەڤاڵانی دیسکی ئەورووپای پەیوەندییەکانی دەرەوەی پارتی دیموکراتی کوردستانەوە پێشوازی کرا لە شاندێکی پێک هاتبوون لە پاولۆ براگا، باڵیۆزی گەورەترین ڕێکخراوی مافەکانی مرۆڤی کۆماری ئەڵمانیای فیدراڵ و سەرۆکی ڕیکخراوی ئەڵمانیا بۆ نەتەوە یەکگرتووەکان، بە هاوڕێیەتیی کەسایەتیی ئیتاڵی، پرۆفیسۆر ئەرتۆر دیماشۆ، کە لە سەردانیاندا بۆ هەولێری پایتەختی هەرێمی کوردستان، بەتایبەتی سەردانی مەکتەبی پەیوەندییەکانی دەرەوەی (پ.د.ک)یان کرد.

شاندەکە ئامانجی سەردانەکەی بۆ هەرێمی کوردستان خستە ڕوو و ڕایگەیاند، دەبێت دوای داعش، هاوکاری و پشتگیرییەکانی کۆمەڵگای نیودەوڵەتی و وڵاتانی بەشدار لە هاوپەیمانیی نیودەوڵەتیی دژی تیرۆر بەردەوام بێت بۆ گەشەپێدان و بنیادنانی کۆمەڵگای هەرێمی کوردستان و مەشق و ڕاهێنانی بەردەوام بە هێزەکانی پێشمەرگەی کوردستان، چونکە کوردستان و هێزەکانی پێشمەرگە لە بەرەی پاراستنی مرۆڤایەتی و تیکشکاندنی مەترسیدارترین ڕێکخراوی تیرۆریستیی جیهان (داعش)دا بوون و بۆ پاراستنی کوردستان و پیکهاتەکانی و جیهانی ئازاد شەڕی تیرۆریان کرد و بەم قوربانیدانەشیان جیهانیانیان تووشی سەرسامی کرد و کوردستان پێشوازیی لە نزیکەی دوو ملیۆن ئاوارەی شەڕی داعش کرد و پێکهاتە ئایینی و ئیتنییەکانی پاراست و ڕیگر بوو لەوەی جینۆساید بکرین و، سەرەڕای دۆخی سەختی شەڕ و قەیرانی ئابووری و مرۆیی، کوردستان بوو بە شوینی داڵدەدانی ئەو مرۆڤانەی سەر بە ئایین و نەتەوە جیاوازەکان بوون و تووشی هەڕەشە و مەترسی هاتبوون. هەروەها هەرێمی کوردستان کۆمەڵگایەکی ئازاد و فرەنەتەوەی بنیات ناوە و پێکەوەژیانی ئاشتییانە و پێشکەوتنی کۆمەڵایەتی و ئارامی و سەقامگیری لە هەرێمی کوردستان دابین کراوە و ئەم هەرێمە بەردەوام لە بواری گەشەپێدان و دیموکراسی و ئازادیی ڕادەربڕیندا لە پێشکەوتندایە و سیاسەتێکی سەرکەوتووانەی لە ناوچەکەدا پەیڕەو کردووە بۆ ئاواکردنی کۆمەڵگایەکی ئازاد و شارستانی و فرەیی، هەربۆیە بۆ ئەوەی ئەم پرۆسەیە بەردەوام بیت و ئەزموونی دیموکراسی و حوکمڕانی لە دامەزراوەکانی هەرێمی کوردستاندا پیگەیەکی بەهێزتری هەبێت، دەبێت پشتیوانییە نێودەوڵەتییەکان لە هەموو ئاستەکاندا بەردەوام بن.

شاندەکە ڕایگەیاند کە لەڕێگەی دامەزراوەکانیانەوە هەوڵ دەدەن زۆرترین پەیوەندییان لەگەڵ هەرێمی کوردستان هەبێت بۆ ئەوەی لە بواری مرۆیی، خیرخوازی، ئازادی، پیکەوەژیان، ئاوەدانی و خۆشگوزەرانیدا زیاتر هاوکاریی هەرێمی کوردستان بکریت، بەتایبەت زۆر گرنگە کە ڕێکخراوە نێودەوڵەتییەکان بە وەبەرهێنەران لە بواری گەشەدان بە سیستەمی پەروەردەیی و تەندرووستی و کۆمەڵگای مەدەنیدا هاوکاریی هەرێمی کوردستان و دامەزراوە دیموکراسییەکانی بکەن.

شاندەکە هیوای سەرکەوتنیان بۆ هەڵبژاردنەکانی پەرلەمانی عێراق لە هەرێمی کوردستان و عێراق خواست و پیرۆزبایییان لە پارتی دیموکراتی کوردستان کرد کە وەک پارتی حوکمڕان، دۆخیکی ئازاد و دیموکراتی ڕەخساندووە بۆ بانگەشەی هەڵبژاردن لە نێوان هەموو گرووپ و پارتە سیاسییەکاندا و ئاواتی سەرکەوتنیان بۆ لیستی پارتی دیموکراتی کوردستان خواست کە لەسەر ئاستی عێراقی فیدراڵ و هەرێمی کوردستاندا بە پلەی یەکەم بمێنێتەوە و لە پێشکەوتن و گەشەپێدان بەردەوام بێت کە ئەزموونێکی دەوڵەمەندی هەیە لە خەبات و قوربانیدان بۆ مافەکانی گەلی کورد و پیکهاتەکانی کوردستان و کۆمەڵگایەکی ئازاد و دابینکردنی خۆشگوزەرانی بۆ دانیشتووانی هەرێمی کوردستان کە بە سەرکەوتنی پارتی دیموکراتی کوردستان لە هەڵبژاردنەکانی پەرلەمانی عێراقدا کورد لە بەغدا دەتوانێت بەهێزتر دەربکەوێت بۆ داکۆکیکردن لە مافە دەستوورییەکانی هەرێمی کوردستان و گەشەپێدانی ئاشتی و سەقامگیری و سەرخستنی دیالۆگ و ڕێککەوتنەکانی نێوان هەولێر و بەغدا و دوورخستنەوەی هەڕەشە و مەترسییەکان لەبەردەم هەرێمی کوردستاندا.

هۆشیار سیوەیلی، بەرپرسی پەیوەندییەکانی دەرەوەی (پ.د.ک) لەو دیدارەدا وێڕای بەخێرهێنانی شاندی میوان، سوپاس و ستایشی پشتیوانی و هاوکارییەکانی وڵاتانی ئەڵمانیای فیدراڵ و کۆماری ئیتاڵیا و وڵاتانی تری ئەورووپا و جیهانی کرد کە لە ساتەوەختە سەختەکاندا پشتیوانی و هاوکاریی هەرێمی کوردستانیان کرد و بەتایبەتی ڕۆڵی ڕێکخراوە نێودەوڵەتی و ناحکوومییەکانی بەرز نرخاند.

لە تەوەریکی تری دیدارەکەدا، بەرپرسی پەیوەندییەکانی دەرەوەی (پ.د.ک) بە فراوانی باسی دۆخی ئێستای هەرێمی کوردستان و عێراق و ناوچەکە و ئامادەکارییەکان بۆ هەڵبژاردنی ئەنجومەنی نوینەرانی عێراق لە ١٠ی ئۆکتۆبەری کرد و دیدگا و پیشبینییەکانی پارتیی خستە ڕوو کە هەڵبژاردن گۆڕانی هیوابەخش بەدوای خۆیدا بێنێت لە ژینگەی سیاسی و حوکمڕانیی عێراقدا و، باسی هەڕەشە و مەترسییەکانی سەر دیموکراسی و ئازادی و پیکەوەژیانیشی لە عێراقدا کرد کە بەهۆی هێزە توندڕەو و میلیشیاکانەوە عێراق بووەتە شوینی ململانێ و دەستوەردانی هێزی دەرەکی، لە کاتێکدا ئێستاش هەڕەشە و مەترسییەکانی دیکەی تیرۆریزم هەر ماون و خەڵکی عێراق و هەرێمی کوردستان دوای داعش و مەینەتییەکانی شەڕ پێویستیان بە خۆشگوزەرانی و ئاوەدانی و ژیانێکی ئازاد و شارستانی بۆ گەشەپێدان و بنیادنانی دامەزراوە دیموکراتییەکان و حوکمڕانییەکی تەندروست و بنبڕکردنی گەندەڵی و بنیادنانی سیستەمێکی دیموکراسی لە وڵاتدا هەیە کە پێویستە هاوکاری و پشتیوانییەکانی کۆمەڵگای نێودەوڵەتی بۆ ئەو مەبەستە بەردەوام بن.

هۆشیاو سیوەیلی لە درێژەی دیدارەکەدا بە فراوانی باسی دۆخی سیاسی و ئاسایش و سەقامگیریی هەرێمی کوردستانی کرد کە ژینگەی کوردستان لەبارە بۆ چالاکیی سیاسی و مەدەنی و ئابووری و وەبەرهینان لە بوارە جیا جیاکاندا و بۆ ئەم مەبەستە پارتی دیموکراتی کوردستان و دامەزراوە پەیوەندیدارەکانی حکوومەتی هەرێمی کوردستان هەموو ئاسانکارییەک دەکەن بۆ سەرکەوتنی پڕۆژەکانی وەبەرهینانی بیانی لە کوردستاندا.

 




دوایین هەواڵەکان

سەرۆک بارزانی پێشوازی لە باڵیۆزی بەریتانیا لە عێراق دەکات

THURSDAY, 21 OCTOBER 2021 14:10:32

هەولێر-KDP.info- ئەمڕۆ پێنجشەممە ٢١ـی تشرینی یەکەمی ٢٠٢١ لە سەلاحەددین سەرۆک مەسعود بارزانی پێشوازی لە مارک بریسۆن ڕیچاردسۆن، باڵیۆزی بریتانیا لە عێراق و شاندێکی یاوەری کرد.

 
مەسرور بارزانی ڕەزامەندی لە خەرجکردنی 400 ملیۆن دینار بۆ کەرتی تەندروستی دەڤەری راپەڕین دەدات

THURSDAY, 21 OCTOBER 2021 14:10:27

بەهۆی زیادبوونی ژمارەی تووشبووان بە ڤایرۆسی کۆرۆنا لە دەڤەری راپەڕین، مەسرور بارزانی سەرۆکی حکـومەتی هەرێمی کوردستان ئەمڕۆ پێنجشەممە 21ی ئۆکتۆبەری 2021 ڕەزامەندی لەسەر خەرجکرنی بڕی 400 ملیۆن دینار دا وەک هاوکاری بەپەلە بۆ کەرتی تەندروستی دەڤەری ڕاپەرین.

 
سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق دەکات

THURSDAY, 21 OCTOBER 2021 14:10:47

ئەمڕۆ پێنجشەممە 21ی ئۆکتۆبەری 2021 ، مەسرور بارزانی سەرۆکی حکومەتی هەرێمی کوردستان، پێشوازی لە مارک برایسن ریچاردسن باڵیۆزی بەریتانیا لە عێراق کرد.

 
سەرەتای ساڵی داھاتوو شوققەكانی سۆران دابەش دەكرێن

THURSDAY, 21 OCTOBER 2021 13:10:21

سۆران-KDP.info-پڕۆژەی شوققەكانی "بادلیان" لە سنووری قەزای سۆران لە قۆناغی كۆتاییدان و سەرپەرشتیاری ئیدارەی سۆرانیش دەڵێ، كۆتایی ئەمساڵ پڕۆژەكە تەواو دەبێت و لە سەرەتای ساڵی داھاتوودا شوققەكانی سۆران بەسەر ھاووڵاتیاندا دابەش دەكرێن.

 

ب ئاماده‌بوونا جێگرێ پارێزگارێ دهۆكێ رێورەسمێن گوهۆڕینا رێڤه‌به‌رێ ئاڤا ژێر زه‌ڤى ل دهۆكێ هاتنه‌ گێران

THURSDAY, 21 OCTOBER 2021 11:10:56

دهۆك-KDP.info- دچارچوڤێ وان گوهورینێن به‌رده‌وام یێن دناڤ دام و ده‌زگه‌هێن میرى دا دهێنه‌ ئه‌نجامدان ئه‌ڤرو سپێدێ 21-10-2021 ب ئاماده‌بونا (شمعون شلیمون) جێگرێ پارێزگارێ دهۆكێ رێ ورسمێن گوهورینا رێڤه‌به‌رێ ئاڤا ژێر زه‌ڤى ل دهۆكێ هاتنه‌ گێران و ئه‌ندازیارێ جیولوجى (عبدالمجید عبدالله) رێڤه‌به‌رێ نوو یێ رێڤه‌به‌ریا ئاڤا ژێر زه‌ڤى ل پارێزگه‌ها دهۆكێ ل شوونا به‌رێز  (ناجى ابراهیم حه‌یده‌ر) رێڤه‌به‌رێ به‌رێ ب وه‌كاله‌ت هاته‌ دانان.



 
© 2021 Kurdistan Democratic Party, KDP

Contact