Kurdî  ■  كوردی  ■  عربي
THU, 21 OCT 2021 14:22 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئافرەتان بۆ KDP: پارتی ھێزێكە شایەنی ئەوەیە دەنگی پێ بدەین
| KDP.info


هەولێر-KDP.info- ئافرەتانی كوردستان، بە ھۆی خەبات و رۆڵی پارتی لە خزمەتكردنی خەڵكی كوردستان بە گشتی و بە تایبەتیش بایەخدان بە توێژی ئافرەتان، دەنگ بە كاندیدانی پارتی دەدەن، ئافرەتێكیش پێی وایە، پێویستە ئافرەت خۆی بەشداریی كارای لە ھەڵبژاردندا ھەبێت و بتوانن نوێنەری خۆیان بۆ چوار ساڵی داھاتوو دیاری بكەن.

نیھایەت دۆسكی، كە ئافرەتێكی دیاری شاری دھۆكە، بە ماڵپەڕی فەرمیی پارتی دیموكراتی كوردستانی راگەیاند: "لە رابردوودا لەوانەیە لە ھەندێ پڕۆسەدا رۆڵی ئافرەت لاوەكی بووبێت، بەڵام ئافرەت لە پڕۆسەی ھەڵبژاردندا رۆڵی كاریگەر و سەرەكیی ھەیە، لە ھەڵبژاردنەكانی رابردوودا ئافرەت كاریگەریی ھەبووە و ژمارەیەك نوێنەری ئافرەت گەیشتوونەتە پەرلەمانی عێراق و خزمەتی بەرچاویان ھەبووە".

نەفیسا گەردی، بەرپرسی ئەنجوومەنی قەرەچوغی یەكێتیی ئافرەتانی كوردستان، بۆ ماڵپەڕی فەرمیی پارتی دیموكراتی كوردستان گوتی: "ئافرەتان رۆڵێكی بەرچاویان لە ھەموو كایەكانی ژیاندا ھەیە و پێویستە ئەمجارە ئافرەتانی كوردستان بە ڕێژەیەكی بەرچاو بەشداریی پڕۆسەی دەنگدانی مانگی داھاتووی عێراق بكەن، ھەتا بتوانن نوێنەری خۆیان بۆ پەرلەمانی عێراق ھەڵبژێرن، بێگومان لە سنووری ئێمە دەنگی زۆرینەی ئافرەتان بۆ كاندیدانی پارتی دیموكراتی كوردستان دەبێت، چونكە پارتی زیاتر لە ھەموو لایەك خزمەتی بە چینی ئافرەتان كردووە".

نیھایەت دۆسكی داوای لە ئافرەتان كرد، بەشداریی ھەڵبژاردنی مانگی داھاتوو بكەن و دەڵێت: "من هەم وەك كچە شەھیدێك و هەم وەك ئافرەتێكیش بەشداریی ھەڵبژاردن دەكەم و دەنگیشم بۆ كاندیدانی پارتی دیموكراتی كوردستانە، پارتی خۆی بە خاوەنی كوردستان و خەڵكی دەزانێت، لەبەر ئەوە شایەنی ئەوەیە دەنگ بە كاندیدی پارتی بدەین، ئەو ئازادی و ئارامییەی لە ھەرێمی كوردستان بەدەست ھاتووە، بەرھەمی خوێنی شەھیدان و خەباتی پارتییە".

شەیدا گەردی، كچێكی دیكەی دەنگدەرە، بۆ ماڵپەڕی فەرمیی پارتی دیموكراتی كوردستان دەڵێ: "لە ھەڵبژاردنی داھاتوودا دەنگ بە كاندیدی پارتی دەدەم و بە شانازییەوە دەڵێم پارتی ھێزێكە شایەنی ئەوەیە دەنگی پێ بدەین، ئەوەی پارتی لە ھەموو ئەوانی تر جیا دەكاتەوە، ئەوەیە كە رۆڵێكی بەرچاوی بە ئافرەتان داوە و ھیچ جیاوازییەكی لە نێوان ھیچ رەگەز و پێكھاتەیەكدا نەكردووە، ئەوە شانازییەكی گەورەیە بۆ پارتی و پێویستە ئافرەتان ئەو گرینگیدانەی پارتییان بە چینی ئافرەت، بۆ رۆژی ھەڵبژاردن لە بەرچاو بێت".

 

قائید میرۆ




دوایین هەواڵەکان

سەرۆک بارزانی پێشوازی لە باڵیۆزی بەریتانیا لە عێراق دەکات

THURSDAY, 21 OCTOBER 2021 14:10:32

هەولێر-KDP.info- ئەمڕۆ پێنجشەممە ٢١ـی تشرینی یەکەمی ٢٠٢١ لە سەلاحەددین سەرۆک مەسعود بارزانی پێشوازی لە مارک بریسۆن ڕیچاردسۆن، باڵیۆزی بریتانیا لە عێراق و شاندێکی یاوەری کرد.

 
مەسرور بارزانی ڕەزامەندی لە خەرجکردنی 400 ملیۆن دینار بۆ کەرتی تەندروستی دەڤەری راپەڕین دەدات

THURSDAY, 21 OCTOBER 2021 14:10:27

بەهۆی زیادبوونی ژمارەی تووشبووان بە ڤایرۆسی کۆرۆنا لە دەڤەری راپەڕین، مەسرور بارزانی سەرۆکی حکـومەتی هەرێمی کوردستان ئەمڕۆ پێنجشەممە 21ی ئۆکتۆبەری 2021 ڕەزامەندی لەسەر خەرجکرنی بڕی 400 ملیۆن دینار دا وەک هاوکاری بەپەلە بۆ کەرتی تەندروستی دەڤەری ڕاپەرین.

 
سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق دەکات

THURSDAY, 21 OCTOBER 2021 14:10:47

ئەمڕۆ پێنجشەممە 21ی ئۆکتۆبەری 2021 ، مەسرور بارزانی سەرۆکی حکومەتی هەرێمی کوردستان، پێشوازی لە مارک برایسن ریچاردسن باڵیۆزی بەریتانیا لە عێراق کرد.

 
سەرەتای ساڵی داھاتوو شوققەكانی سۆران دابەش دەكرێن

THURSDAY, 21 OCTOBER 2021 13:10:21

سۆران-KDP.info-پڕۆژەی شوققەكانی "بادلیان" لە سنووری قەزای سۆران لە قۆناغی كۆتاییدان و سەرپەرشتیاری ئیدارەی سۆرانیش دەڵێ، كۆتایی ئەمساڵ پڕۆژەكە تەواو دەبێت و لە سەرەتای ساڵی داھاتوودا شوققەكانی سۆران بەسەر ھاووڵاتیاندا دابەش دەكرێن.

 

ب ئاماده‌بوونا جێگرێ پارێزگارێ دهۆكێ رێورەسمێن گوهۆڕینا رێڤه‌به‌رێ ئاڤا ژێر زه‌ڤى ل دهۆكێ هاتنه‌ گێران

THURSDAY, 21 OCTOBER 2021 11:10:56

دهۆك-KDP.info- دچارچوڤێ وان گوهورینێن به‌رده‌وام یێن دناڤ دام و ده‌زگه‌هێن میرى دا دهێنه‌ ئه‌نجامدان ئه‌ڤرو سپێدێ 21-10-2021 ب ئاماده‌بونا (شمعون شلیمون) جێگرێ پارێزگارێ دهۆكێ رێ ورسمێن گوهورینا رێڤه‌به‌رێ ئاڤا ژێر زه‌ڤى ل دهۆكێ هاتنه‌ گێران و ئه‌ندازیارێ جیولوجى (عبدالمجید عبدالله) رێڤه‌به‌رێ نوو یێ رێڤه‌به‌ریا ئاڤا ژێر زه‌ڤى ل پارێزگه‌ها دهۆكێ ل شوونا به‌رێز  (ناجى ابراهیم حه‌یده‌ر) رێڤه‌به‌رێ به‌رێ ب وه‌كاله‌ت هاته‌ دانان.



 
© 2021 Kurdistan Democratic Party, KDP

Contact