Kurdî  ■  كوردی  ■  عربي
FRI, 11 JUL 2025 12:33 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

بڕیاری دامەزراندنی دادگایەك بۆ دادگاییكردنی تیرۆریستانی داعش دراوە
| KDP.info


هەولێر-KDP.info- گوتەبێژی حكوومەتی هەرێمی كوردستان دەڵێ، لیژنەی باڵای ناساندنی تاوانەكانی داعش بڕیاری داوە بە دروستكردنی لیژنەیەكی دیكە، تا لەسەر ئاستی باڵادا تاوانەكان بخاتە روو، رێكخەری راسپاردە نێودەوڵەتییەكانی حكوومەتی هەرێمیش رایگەیاند، بۆ بەجینۆسایدناساندنی كارەساتی كوردانی ئێزدی، حكوومەتی هەرێمی كوردستان لە هەماهەنگییەكی بەردەوامدایە و هەنگاوی باشیش نراون.

ئەمڕۆ لە دیوانی وەزارەتی ناوخۆ، لیژنەی باڵای ناساندنی تاوانەكانی داعش كۆبوونەوە و، دوای كۆبوونەوەكە، دكتۆر جووتیار عادل، لە كۆنگرەیەكی رۆژنامەوانیدا رایگەیاند، كە ئەوان بڕیاری دامەزراندنی دادگایەكیان داوە بۆ دادگاییكردنی سەرانی داعش و، كۆمەڵگەی نێودەوڵەتیش هاوكارییان دەكەن، ئامانجیش لەوە، گێڕانەوەی مافی ئەوانەیە كە تیرۆریستانی داعش تاوانی بەرانبەر ئەنجام داون، بۆ ئەوەش بەڵگەی زۆریان لە بەردەستە و بەردەوامیشن لە كۆكردنەوەی بەڵگەی پێویست بۆ دادگاكە.

ئاماژەی بەوەش دا، كە لە بارەی بڕیارەكانی حكوومەت بۆ رێگری لە تەشەنەی زیاتری ڤایرۆسی كۆرۆنا، سبەی سێشەممە لیژنەی باڵای بەرەنگاربوونەوەی ڤایرۆسی كۆرۆنا كۆدەبێتەوە و دوای خوێندنەوەی راپۆرتی وەزیری تەندروستی، گفتوگۆ دەكرێ و بڕیاری گونجاو دەدرێ.

لە بارەی پڕۆژەیاسای بودجەی هەرێمی كوردستانیش، ئەوەی خستە روو، كە پڕۆژەكە ئامادەیە و هەندێ سەرنج  و تێبینیی لەسەرە، دوای ئەو تێبینی و سەرنجانە، ئاڕاستەی پەرلەمانی كوردستان دەكرێت.

لە بارەی هەڵمەتی دەستبەسەرداگرتنی ئوتۆمبێلی بێسەرەتا و مۆڵەتی بێچەك، كە لە پارێزگای سلێمانی و ئیدارەكانی راپەڕین و گەرمیان بەڕێوە دەچێت، جەختی لەوە كردەوە، كە هەر هەنگاوێكی دامەزراوەكانی حكوومەت دەیدات، ئەوا لە پێناو سەقامگیری و چەسپاندنی یاسا گرینگیی خۆی هەیە و سەرۆكایەتیی ئەنجوومەنی وەزیران پشتیوانی دەكات.

هاوكات، دیندار زێباری، رێكخەری راسپاردە نێودەوڵەتییەكانی حكوومەتی هەرێمی كوردستان، هەر لە میانەی كۆنگرە رۆژنامەوانییەكەدا، بۆ مێدیاكان رایگەیاند، بۆ بە جینۆسایدناساندنی كارەساتی كوردانی ئێزدی، حكوومەتی هەرێمی كوردستان لە تەنسیقێكی بەردەوامدایە و، زۆر هەنگاوی باشیش نراون، لەگەڵ ئەنجوومەنی ئاسایشی نێودەوڵەتی و خودی یوئێن لەسەر ئەو پرسە.

جەختیشی كردەوە، كە دوایین راپۆرت لە رێككەوتی ١٠ی٥ی ئەمساڵ نوێنەری تایبەتی یوئێن، لەسەر تاوانەكانی داعش پێشكەشی ئەنجوومەنی ئاسایشی نێودەوڵەتی كرد.

سەبارەت بە پڕۆسەی یاساییەكەیشی، روونی كردەوە، كە پرۆسەكە لە ئاستی جیاجیادایە و ئەوەی گرینگە بەلایانەوە، ئەوەیە كە پاڵپشتییەكی نێودەوڵەتییان لەسەر ئاستی یونیتاد و ئەنجوومەنی ئاسایشی نێودەوڵەتی هەیە، تا ئەو تاوانانە بە تاوانی نێودەوڵەتی بناسرێن، لە لایەكی دیكەیشەوە، حكوومەتی هەرێم لەگەڵ یونیتاد سەرقاڵە و یونیتاد دوو نووسینگەی هەیە، كە یەكێكیان لە هەولێرە و ئەوی دیكەیشیان لە دهۆكە و هەماهەنگیی زۆر باشیان لەگەڵ یەك هەیە.

 

خێڵان بەختیار

 




دوایین هەواڵەکان

هه‌نگاوه‌كانی کابینەی نۆیه‌م بۆ سەقامگیری ئاسایشی خۆراكی هه‌رێمی كوردستان

FRIDAY, 11 JULY 2025 10:07:44

ھەولێر-KDP.info- لە ساڵی 2019 کابینەی نۆیەمی حکوومەتی هەرێمی کوردستان بە سەرۆکایەتیی مەسروور بارزانی پێکهێندرا، دوای سوێندخواردنی لە بەردەم نوێنەرانی خەڵكی کوردستان، کارنامەیەکی پڕ لە پلان و ئامانجی درێژخایه‌نى پێشکەش بە نوێنەرانی خەڵكی کوردستان کرد و ئامانجی خودی سەرۆکی حکوومەتی هەرێمی کوردستان و کابینەی نۆیەمیش، کوردستانێکی بەهێز بوو.

 
کابینەی نۆیه‌م بۆ پاراستنی ئاسایشی ئاو هەنگاوی ستراتیژیی ناوه‌

FRIDAY, 11 JULY 2025 10:07:58

ھەولێر-KDP.info- لە ساڵی 2019 کابینەی نۆیەمی حکوومەتی هەرێمی کوردستان بە سەرۆکایەتیی مەسروور بارزانی پێکهێندرا، دوای سوێندخواردنی لە بەردەم نوێنەرانی خەڵكی کوردستان، کارنامەیەکی پڕ لە پلان و ئامانجی درێژخایه‌نى پێشکەش بە نوێنەرانی خەڵكی کوردستان کرد و ئامانجی خودی سەرۆکی حکوومەتی هەرێمی کوردستان و کابینەی نۆیەمیش، کوردستانێکی بەهێز بوو.

 
سبه‌ی هەرێمی کوردستان میوانداری بەڕێوەچوونی پرۆسەیەکی گرینگ و چارەنوسساز دەکات

THURSDAY, 10 JULY 2025 21:07:18

ھەولێر-KDP.info- گوتەبێژی سەرۆکایەتیی هەرێمی هەرێمی کوردستان دەڵێت، هەموو ئاسانکارییەک کراوە بۆ بەڕێوەچوونی ڕێوڕەسمی چەکدانانی ژمارەیەک چەکداری پەکەکە ده‌شڵێت، هەرێمی کوردستان میوانداری ئه‌م پرۆسە گرنگه‌ دەکات.

 
کۆمپانیا کەنەدییەکان دەیانەوێت لە ھەرێمی کوردستان کار بکەن

THURSDAY, 10 JULY 2025 18:07:10

ھەولێر-KDP.info- سەرۆکی دەستەی وەبەرھێنان لە ھەرێمی کوردستان دەڵێت "پەیوەندی نێوان ھەرێمی کوردستان و کەنەدا زۆر باشە و کۆمپانیا کەنەدییەکان دەیانەوێت بێن لە ھەرێمی کوردستان کار بکەن، ئێمەش وەکو حکوومەتی ھەرێمی کوردستان ھاوکاری و ئاسانکاری تەواویان بۆ دەکەین." 

 
شانده‌كه‌ی پەرلەمانتارانی دەم پارتی ئەمشەو لە هەولێر دەمێننەوه‌

THURSDAY, 10 JULY 2025 15:07:27

ھەولێر-KDP.info- بۆ بەشداربوون لە رێوڕەسمی چەکدانانی گرووپێکی پارتی کرێکارانی کوردستان (پەکەکە)، شاندێکی پەرلەمانتارانی دەم پارتی و کەسایەتییەکانی باکووری کوردستان گەیشتنە هەرێمی کوردستان. 

 


 
© 2023 Kurdistan Democratic Party, KDP

Contact