Kurdî  ■  كوردی  ■  عربي
MON, 26 JUL 2021 23:24 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"تەندروستی ھەولێر ھۆشداری دەدات"
| KDP.info


ھەولێر-KDP. info-  گوتەبێژی بەڕێوەبەرایەتی گشتیی تەندرووستی هەولێر دەڵێ، بەداخەوە دوێنێ ٥ كەس لە هەولێر بەهۆی كۆرۆنا گیانیان لەدەستدا، بۆ رۆژانی جەژنیش تیمی ٢٤ کاتژمێری لە بەشەکانی فریاکەوتن پێشوازی لە هەر حاڵەتێکی لە ناکاو دەکەن.

بژار موسا گوتەبێژی بەڕێوەبەرایەتیی گشتیی تەندرووستی هەولێر، لەكۆنفڕنسێكی رژنامەوانیدا بۆ مێدیاکان رایگەیاند، بەداخەوە گەیشتووین بەوەی زۆرترین ژمارەی تووشبوون تۆماربكرێت، دۆخەكەش زۆر مەترسیدارە لە رووی تووشبوون و ژمارەی مردووان، بۆیە داواكارین هاووڵاتیان پابەندی رێنماییە تەندرووستییەكان بن و لە جەژندا دووری كۆمەڵایەتی بپارێزن.

باسی لەوەشكرد، تائێستا لە سەرووی ٦٠ هەزار كەس ڤاكسینیان وەرگرتووە، بڕیارە دوای جەژن لەگەڵ وەزارەتی تەندرووستی عێراق هەماهەنگی زیاتر بكەن، بۆ ئەوەی ڤاكسینی زیاتر هاوردە بكرێت، دڵنیاییشی دا، ئەوانەی ڤاكسین وەردەگرن لە٩٠٪ پارێزراو دەبن لە تووشبوون بەكۆرۆنا.

سەبارەت بە ئامادەكارییەكانی جەژن ئاماژەی بەوەدا، کە لە رۆژانی جەژندا، تیمی ٢٤ كاتژمێری لە بەشەكانی فریاكەوتن پێشوازی لە هەر حاڵەتێكی لەناكاو دەكەن، چ لە نێو شاری هەولێر، یا شارۆچكە و شارەدێیەكان، لەهەمانكاتدا پشكنینی كۆرۆنا لە بنكەكانی تایبەت بە پشكنین بەردەوام دەبێت و سەنتەری كۆرۆناش پێشوازی لە تووشبووان دەكات.

لەبارەی قوربانیكردن ناوبراو جەختی لەوە کردەوە، کە نابێت ئاژەڵی قوربانی لە كۆڵانەكان ئەنجام بدرێت و، پێویستە لە سەربڕخانەكان بێت و بەدەستی خاوێن و پاك ئەنجام بدرێت.

 




دوایین هەواڵەکان

روونکردنەوەیەک لە سوپاسالاری هێزی پێشمەرگەی کوردستان

MONDAY, 26 JULY 2021 21:07:49

هەولێر-KDP.info- له‌ روونكردنه‌وه‌یه‌كدا سوپاسالاری هێزی پێشمه‌رگه‌ی كوردستان رایگه‌یاند، ئێواره‌ی ئه‌مڕۆ له‌ نێوان خه‌لیفان و بێخمه‌ ژماره‌یه‌ك چه‌كداری په‌كه‌كه‌ ته‌قه‌یان له‌ بازگه‌یه‌كی پێشمه‌رگه‌ كردووه‌.

وەبەرھێنان لە کەرتی کشتوکاڵدا لە بەرزبوونەوەدایە

MONDAY, 26 JULY 2021 20:07:58

بریکارى وه‌زاره‌تى کشتوکاڵى هه‌رێم ده‌ڵێ، "به‌هۆى ئه‌و به‌رنامه‌یه‌یى که‌له‌ کابینه‌ى نۆیه‌مدا   بۆ بره‌ودان به‌که‌رتى کشتوکاڵ و بووژانه‌وه‌ى ژێرخانى ئابوورى  دانرا له‌ ئێستادا توانراوه‌ ئاستى وه‌به‌رهێنان له‌که‌رتى کشتوکاڵ بۆ ھەشت لەسەد به‌رز بکرێته‌وه‌، هه‌وڵەکان به‌ ئاڕاسته‌یه‌ک نراون که‌ له‌ چه‌ند ساڵى دابێ کوردستان ده‌بێته‌ سه‌به‌ته‌یه‌کى خۆراکى گرینگ بۆ ناوچه‌که‌ و ته‌نانه‌ت عێراقیش".

 
بە ژمارە؛ تورکمان و شەبەکەکان لەلایەن داعشەوە چەند زیانیان بەر کەوتووە؟

MONDAY, 26 JULY 2021 16:07:53

مووسڵ-KDP.info-  کاتێك ڕێکخراوی داعش لە سووریا و عێراق سەری هەڵدا، بەهۆی ئایینی جیاوازەوە یەکەم ئامانجیان ئەوە بوو کە پێکهاتە ئایینی و ئیتنیکییەکان نەهێڵن، ئەوان پێیان وابوو ئەم ئایینانە ڕێگای خوداناسینیان هەڵەیە.

 

سەربەست مستەفا: كۆمسیۆن ھەموو ئامادەكارییەكی بۆ ھەڵبژاردنەكان كردووە... بە دوو رێگا دەتواندرێت دوابخرێت

MONDAY, 26 JULY 2021 14:07:15

ھەولێر-KDP.info- سەرۆكی پێشووی كۆمسیۆنی باڵای سەربەخۆی ھەڵبژاردنەكانی عێراق گوتی، كۆمسیۆن ھەموو ئامادەكارییەكی بۆ ھەڵبژاردنەكان كردووە و كشانەوەی ھەندێك لایەنیش كاریگەریی نابێت. دەشڵێ، دواخستنی ھەڵبژاردنەكان بە دوو رێگا دەبێت، ئەویش كۆمسیۆن بڕیار بدات یانیش بە بڕیارێكی سیاسی دوابخرێت، ئەگەرنا دواخستنی هەڵبژاردن، مومكین نییە.

بڕیاری دامەزراندنی دادگایەك بۆ دادگاییكردنی تیرۆریستانی داعش دراوە

MONDAY, 26 JULY 2021 14:07:07

هەولێر-KDP.info- گوتەبێژی حكوومەتی هەرێمی كوردستان دەڵێ، لیژنەی باڵای ناساندنی تاوانەكانی داعش بڕیاری داوە بە دروستكردنی لیژنەیەكی دیكە، تا لەسەر ئاستی باڵادا تاوانەكان بخاتە روو، رێكخەری راسپاردە نێودەوڵەتییەكانی حكوومەتی هەرێمیش رایگەیاند، بۆ بەجینۆسایدناساندنی كارەساتی كوردانی ئێزدی، حكوومەتی هەرێمی كوردستان لە هەماهەنگییەكی بەردەوامدایە و هەنگاوی باشیش نراون.



 
© 2021 Kurdistan Democratic Party, KDP

Contact