Kurdî  ■  كوردی  ■  عربي
MON, 26 JUL 2021 21:43 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەنجامی تەرمەکانی نێو بارەگای سەرکردایەتی ئاشکرا بوو
| KDP.info


دوای ڕووداوەکانی 16ی ئوکتۆبەر دوو تەرم لەنێو بارەگای ئەنجومەنی سەرکردایەتیی پارتی لە کەرکووک دوزرانەوە و بەرپرسێکی پارتییش دەڵێت، ئەو تەرمانە پشکنینیان دەرچووە و دوای دەرچوونی پارتی لە کەرکووک کوژراون.

ئارام ئەحمەد، کارگێڕی لقی ٣ی پارتی لە کەرکووک بە ماڵپەڕی فەرمیی پارتی دیموکراتی کوردستانی ڕاگەیاند: "ئیدارەی سەپێندراوی کەرکووک و هەندێ لایەن بۆ ئەوەی پارتی ناشیرین بکەن کوشتنی ئەو دوو کەسەی تەرمەکانیان لەنێو بارەگای سەرکردایەتیی پارتی دوزرانەوە پارتییان پێ تۆمەتبار کرد، بەڵام هەر لە سەرەتاوە ئێمە وەک پارتی تۆمەتەکانیانمان ڕەت کردەوە، چونکە پارتی ئەو حزبە نییە لەنێو بارەگای خۆی خەڵک بکوژێت و تەرمەکانیشیان لەنێو بارەگای خۆی فڕێ بدات''.

بەرپرسەکەی پارتی لە کەرکووک گوتی: "پارتی داوای لێکۆڵینەوەی لە ڕووداوی کوشتنی ئەو دوو تەرمە کرد و پێداگر بووین لەسەر ئاشکراکردنی ڕاستییەکان بۆ خەڵکی کەرکووک و ڕای گشتی.''

ئارام ئەحمەد ڕوونی کردەوە: ''ئەنجامی لێکۆڵینەوە لەو دوو تەرمە دەرچووە و دەرکەوتووە هەردوو کەسی کوژراو چوار مانگ دوای خیانەتی 16ی ئوکتۆبەر کوژراون، ئەوکات پارتی لە کەرکووک نەبووە تا خەڵک بکوژێت و تەرمەکانیان فڕێ بدات، لەو سەردەمە پۆلیسی فیدڕاڵی لەنێو بارەگای سەرکردایەتیی پارتی جێگیر بوونە."

لەبارەی ناسنامەی دوو تەرمەکەوە ئارام ئەحمەد دەڵێت: "هێشتا ناسنامەی ئەو دوو کەسە کوژراوە دیار نییە، بەڵام مێژووی کوشتنیان دیارە دوای داگیرکارییەکەی کەرکووک کوژراون."

قائید میرۆ


 




دوایین هەواڵەکان

وەبەرھێنان لە کەرتی کشتوکاڵدا لە بەرزبوونەوەدایە

MONDAY, 26 JULY 2021 20:07:58

بریکارى وه‌زاره‌تى کشتوکاڵى هه‌رێم ده‌ڵێ، "به‌هۆى ئه‌و به‌رنامه‌یه‌یى که‌له‌ کابینه‌ى نۆیه‌مدا   بۆ بره‌ودان به‌که‌رتى کشتوکاڵ و بووژانه‌وه‌ى ژێرخانى ئابوورى  دانرا له‌ ئێستادا توانراوه‌ ئاستى وه‌به‌رهێنان له‌که‌رتى کشتوکاڵ بۆ ھەشت لەسەد به‌رز بکرێته‌وه‌، هه‌وڵەکان به‌ ئاڕاسته‌یه‌ک نراون که‌ له‌ چه‌ند ساڵى دابێ کوردستان ده‌بێته‌ سه‌به‌ته‌یه‌کى خۆراکى گرینگ بۆ ناوچه‌که‌ و ته‌نانه‌ت عێراقیش".

 
بە ژمارە؛ تورکمان و شەبەکەکان لەلایەن داعشەوە چەند زیانیان بەر کەوتووە؟

MONDAY, 26 JULY 2021 16:07:53

مووسڵ-KDP.info-  کاتێك ڕێکخراوی داعش لە سووریا و عێراق سەری هەڵدا، بەهۆی ئایینی جیاوازەوە یەکەم ئامانجیان ئەوە بوو کە پێکهاتە ئایینی و ئیتنیکییەکان نەهێڵن، ئەوان پێیان وابوو ئەم ئایینانە ڕێگای خوداناسینیان هەڵەیە.

 

سەربەست مستەفا: كۆمسیۆن ھەموو ئامادەكارییەكی بۆ ھەڵبژاردنەكان كردووە... بە دوو رێگا دەتواندرێت دوابخرێت

MONDAY, 26 JULY 2021 14:07:15

ھەولێر-KDP.info- سەرۆكی پێشووی كۆمسیۆنی باڵای سەربەخۆی ھەڵبژاردنەكانی عێراق گوتی، كۆمسیۆن ھەموو ئامادەكارییەكی بۆ ھەڵبژاردنەكان كردووە و كشانەوەی ھەندێك لایەنیش كاریگەریی نابێت. دەشڵێ، دواخستنی ھەڵبژاردنەكان بە دوو رێگا دەبێت، ئەویش كۆمسیۆن بڕیار بدات یانیش بە بڕیارێكی سیاسی دوابخرێت، ئەگەرنا دواخستنی هەڵبژاردن، مومكین نییە.

بڕیاری دامەزراندنی دادگایەك بۆ دادگاییكردنی تیرۆریستانی داعش دراوە

MONDAY, 26 JULY 2021 14:07:07

هەولێر-KDP.info- گوتەبێژی حكوومەتی هەرێمی كوردستان دەڵێ، لیژنەی باڵای ناساندنی تاوانەكانی داعش بڕیاری داوە بە دروستكردنی لیژنەیەكی دیكە، تا لەسەر ئاستی باڵادا تاوانەكان بخاتە روو، رێكخەری راسپاردە نێودەوڵەتییەكانی حكوومەتی هەرێمیش رایگەیاند، بۆ بەجینۆسایدناساندنی كارەساتی كوردانی ئێزدی، حكوومەتی هەرێمی كوردستان لە هەماهەنگییەكی بەردەوامدایە و هەنگاوی باشیش نراون.

رووپێوێك سەبارەت بە رێژەی كار و بێكاری لە هەرێمی كوردستان ئەنجام دەدرێت

MONDAY, 26 JULY 2021 13:07:33

ھەولێر-KDP.info- دەستەی ئاماری ھەرێمی كوردستان، دەستی بە رووپێوێك لەبارەی رێژەی كار و بێكاری لە ھەرێمی كوردستان كردووە و رووپێوەكەش بە ھاوكاریی رێكخراوی كاری جیھانییە و نەتەوەیەكگرتووەكانیش پشتگیری دەكات، كە بە شێوەی مەیدانی و زانستی ئەنجام دەدرێت و لە سەرەتای مانگی داھاتوودا كارەكانیان تەواو دەبێت.



 
© 2021 Kurdistan Democratic Party, KDP

Contact